konka coffee
KONKA

AMAKURU

UKWEZI

Abashoferi ba Ritico bicishwa inzara bakanatinda guhembwa baratabaza

Abashoferi ba Ritico bicishwa  inzara bakanatinda guhembwa baratabaza
15-05-2018 saa 08:31' | By Akayezu Jean de Dieu | Yasomwe n'abantu 4550 | Ibitekerezo 2

Bamwe mu bashoferi bakorera kompanyi ya Ritico itwara abagenzi mu bice bitandukanye by’igihugu baratabaza bavuga ko iri kubakorera icyo bo babona nk’ihohoterwa nyuma yo gukuraho amafaranga y’ifunguro bahabwaga uko bakoze urugendo dore ko aya ari nayo abafasha ku bijyanye n’aho barara ku bakora ingendo zijya mu ntara, banavuga kandi ko umushahara wabo usigaye ubageraho utinze nabyo bikababera imbogamizi zikomeye kuri bamwe baba bafite imiryango banaba mu nzu bakodesha.

Ibi ni ibyagaragajwe na bamwe mu bashoferi baganiriye n’ikinyamakuru Ukwezi.com nyuma y’uko aya mafaranga yari amaze gukurwaho bakanavuga ko basinyishwa ku ngufu bagasinya nk’abafashe amafaranga kandi batayahawe ibintu bahuza n’ubwambuzi bakorerwa.

Umwe muri aba bashoferi utarashatse ko imyirondoro ye ikoreshwa mu itangazamakuru kubw’umutekano we yavuze ko bigoye cyane gutwara imodoka utariye bishobora no kubateza impanuka, ikindi kandi ngo amafaranga bahabwa y’umushahara abageraho atinze cyane ku buryo ahita ahura n’ibibazo by’umuryango akenshi ku buryo ahita ashira ugasanga batazajya babona ayo kurya bari ku rugendo.

Mugenzi we nawe yavuze ko byaba byiza aya mafaranga niba koko ari ayo kwifashisha bari ku rugendo byajya bayahabwa uko bakoze urugendo nib anta zindi mpamvu z’ubwambuzi zibyihishe inyuma. Yanavuze ko niba umuntu agiye kurara mu Ntara biba ari ikibazo kubona ayo kwishyura icumbi n’ibyo kurya.

Yagize ati “Umushoferi ingaruka bimugiraho niba ugiye kurara mu Ntara nta ratsiyo (amafaranga y’ifunguro) wahawe, ntabwo uri burye,nturi bubone aho urara ukumva nyine ni ibintu birakomeye cyane biratubangamiye”

UMVA HANO UKO ABA BASHOFERI BAVUGA IBY’AGAHINDA KABO

Amafaranga bahabwa ku bashoferi baba baraye I Kigali ni ibihumbi bitanu (5000Frw), mu gihe ababa baraye mu Ntara zo hanze ya Kigali bo bemererwa amafaranga y’ifunguro ibihumbi umunani (8000Frw).

Ku kijyanye n’umushahara bavuga ko bahembwa amafaranga 131,000Frw ariko nayo ngo bayabona atinze dore ko ngo mbere bagikorera mu kitwaga Onatracom bahembwaga ku gihe ariko ngo kuri ubu basigaye bagera mu matariki 10 batarahembwa bikabateza ibihombo bikomeye ku bijyanye n’imibereho yabo mu ngo cyane ko abenshi baba mu nzu bakodesha.

Umuvugizi w’iyi kompanyi, Rukundo Julius yabwiye Ukwezi.com ko aya mafaranga atakuweho ahubwo icyahindutse ari uburyo bayahabwagamo aho ngo bari basanzwe bayahabwa buri munsi uko bakoze ingendo ariko ubu bakaba bazajya bayahabwa ku mishahara yabo bivuze ko azajya azira rimwe n’imishahara.

UMVA UBURYO UYU MUYOBOZI ABISOBANURA HANO


INKURU ZA :
Tanga Igitekerezo
Ibitekerezo 2
Urukundo James Kuya 15-05-2018

Ibyo baharabitse ONATRACOM kugirango bayirindimure kugirango bisarurire aho batabibye nibitari ukuvanaho amafranga ya mission biraza.

Boniface Kuya 15-05-2018

ni byiza kwibyo mujya gukora mubanza kubiganira naba nyirubwite kuko urumva ko murimo kubateza ibibazo bituma impanuka zishobora kwaduka biturutse ku myitwarire izaterwa nubucyerwrwe bwo kubakemurira ibibazo .nimbumushoferi ajya mu ntara adafite ayo ku mutunga naho arara kandi afite inshingano zo gutwara abantu ubwo ntimuba muhemukiye abagenzi bagendera murizo modoka. nimba babona ko kuyabaha umunsi ku munsi aribyo bibafitiye umutekano nimubibakorere kubwo kunoza imikorere ataribyo naho ubwo barimo kutuburira twe tuzigendamo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...