konka coffee
KONKA

AMAKURU

UKWEZI
ubumwe

Abasoje amasomo muri ERM basabwe gushimangira intego biyemeje yo kwihangira umurimo

Abasoje amasomo muri ERM basabwe gushimangira intego biyemeje yo kwihangira umurimo
23-02-2019 saa 10:35' | By Vincent Nsengiyumva | Yasomwe n'abantu 685 | Ibitekerezo

Urubyiruko rusaga 270 rwari rumaze umwaka rwigishwa amasomo y’imyuga itandukanye mu ishuri rya ERM riherereye mu Murenge wa Masaka, Akarere ka Kicukiro rwasabwe kuyabyaza umusaruro amasomo rwize, rugashimangira intego rwiyemeje zo kwihangira umurimo bagaha akazi bagenzi babo badafite akazi.

Ibi ni ibyagarutswe mu muhango wo gutanga impamyabushobozi ku nshuro ya kane mu ishuri rya ERM kuri uyu wa Gatanu tariki 22 Gashyantare 2019.

Abanyeshuri 274 nibo basoje amasomo yabo mu ishuri rya ERM mu mwaka wa 2018 mu mashami agera kuri 6 arimo; ubutetsi, ubwubatsi, ubudozi, ubusuderi, gutunganya imisatsi ndetse n’ububaji.

Bamwe muri aba banyeshuri basoje amasomo yabo bemeza ko icyo bashyize imbere ari ukwihangira imirimo cyangwa kujya guhangana ku isoko ry’umurimo kuko ngo biyizeyeho ubushobozi bitewe n’amasomo bahawe.

Uwitwa Munyana Sandrine warangije mu ishami ry’ubutetsi yagize ati “Nkurikije ibyo nize, ubu ndangije mfite ingamba zo kwihangira umurimo. Icyambere ni ukwitinyuka maze umwaka maze niga nkawubyaza umusaruro. Nzahera kuri ducye nazigamye maze ntangirire ku kantu gatoya.”

Uwishema Jean de Dieu nawe urangije mu butetsi yagize ati “ Ndumva nishimiye uyu munsi kuko nize ibi bintu mfite intego.Nakuranye igitekerezo cyo kuzashinga hoteli kandi nizera neza ko mu myaka iri imbere nzaba mfite hoteli.”

Rwambari John Williams ushinzwe ibikorwa muri ERM yavuze ko abanyeshuri basohoka muri iri shuri badategereje kujya gushaka akazi, ko ahubwo barangiza bafite intego yo kwihangira iyabo mirimo no kujya guhangana ku isoko ry’umurimo.

Ati “ Abanyeshuri bacu basohoka bariteguye bihagije. Ku bijyanye n’ibura ry’akazi kuri twe si imbogamizi ihambaye kuko muri bo ubwabo babizi ko badakora gushaka akazi ko ahubwo ari ugukora bishakamo uko bakora cyangwa bahanga akazi kabo.”

Pastor Kayinamura Emmanuel Sitaki watangije umuryango wa ERM–Rwanda akaba ari nawe muyobozi mukuru w’ishuri rya ERM avuga ko iki kigo cyashinzwe gifite intego yo gufasha abana b’u Rwanda batishoboye, badafite ababyeyi cyangwa undi wese wabafasha.

Avuga ko bashyizeho gahunda yo gutangira kubigisha no kubahugura ibikorwa bifatika kugira ngo harwanywe icyorezo cy’ubushomeri cyibasira urubyiruko.

Ati “ Twashyizeho gahunda yo kubahugura mu bikorwa bifatika by’amaboko kugira ngo turwanye cya cyorezo cyo kumva ko umuntu agomba kwicara hariya ngo ategereze ko abandi bamuhangira umurimo. Dushaka ko aba bana bihangira umurimo bakajya ku isoko ry’umurimo bafite inarariboinye kuko dufite abarimu babishoboye babaha ubumenyi buhagije.

Pastor Kayinamura avuga ko abenshi mu banyeshuri basoje amasomo yabo muri iki kigo batangiye kwihangira umurimo, ku buryo aribo baha akazi bagenzi babo bari kurangiza amasomo.

Ishuri rya ERM ryatangiye kwakira abana no kubahugura imyuga inyuranye mu mwaka wa 2008, kugeza ubu kikaba kimaze gusohora abanyeshuri basaga ibihumbi bibiri (2000).

Pastor Kayinamura Emmanuel Sitaki watangije umuryango wa ERM–Rwanda akaba n’Umuyobozi mukuru w’ishuri rya ERM

Abanyeshuri basoje amasomo yabo basabwe kwihangira umurimo

Abanyeshuri bo mu mashami atandukanye bashyikirijwe impamyabushobozi zabo

Abasaga 270 nibo basoje amasomo

Ni ibirori byitabiriwe n’abantu benshi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...