konka coffee
KONKA

AMAKURU

UKWEZI

Abifuza gutembera Parike y’Akagera, Nyungwe n’ikiyaga kiri ku gasongero ka Bisoke bashyizwe igorora

Abifuza gutembera Parike y’Akagera, Nyungwe n’ikiyaga kiri ku gasongero ka Bisoke bashyizwe igorora
2-08-2018 saa 08:22' | By Vincent Nsengiyumva | Yasomwe n'abantu 4177 | Ibitekerezo 2

Abanyarwanda bifuza gutembera no kuryoherwa n’ibyiza nyaburanga biri mu bice binyuranye by’igihugu, bagiye koroherezwa kubisura. Tumwe mu duce turi muri gahunda yo gutemberezwamo abanyarwanda babinyotewe ni Pariki y’Akagera, Nyungwe ndetse no ku gasongero k’ikirunga cya Bisoke.

Iyi gahunda izatangizwa muri uku kwezi, yatangijwe na sosiyete itembereza ba mukerarugendo ‘Home Rwanda Safaris’, kugira ngo abanyarwanda ndetse n’abanyamahanga bamenye ibyiza by’u Rwanda babashe no kubimenyesha abandi.

Umuyobozi Mukuru wa Home Rwanda Safaris, Tuyigire Aimable, yabwiye Ukwezi.com ko ari gahunda izaha umwihariko abanyeshuri bari mu biruhuko, bikaba akarusho ku biga mu mashuuri yigisha ibijyanye n’ubukerarugendo.

Yagize ati “Tariki 11 z’ukwezi kwa munani tuzajyana abantu gutembera muri Pariki y’Akagera. Nituvayo, tariki 18 tuzajya muri Nyungwe ku kiraro kiri mu kirere, naho tariki 25 tujye kurira ikirunga cya Bisoke, twirebere ikiyaga kiri hejuru y’iki kirunga kimwe mu biryohera abantu kukireba.”

Yakomeje agira ati “Twashyize ku giciro kiri hasi cyane kugira ngo tworohereze abantu bose uko bifite, ndetse ku buryo n’abanyeshuri bari mu biruhuko bazisangamo.”

Kujya muri Pariki imwe umuntu bizamusaba kwishyura 35 000 Frw, abantu babiri (couple) bishyure 45 000 Frw naho umunyamahanga yishyure amadolari 110.

Tuyigire yavuze ko abanyeshuri bafite ikarita y’ishuri bo bazagabanyirizwa bakishyura 30 000 Frw buri umwe.

Muri ayo mafaranga hazaba harimo itike y’urugendo, ibyo kurya bya saa sita ndetse n’utwo guhekenya (snacks). Harimo kandi amafaranga yo kwinjira muri pariki n’umuntu uzafasha abakerarugendo gusobanukirwa ibyiza biri muri izi pariki.

Tuyigire akomeza avuga ko bateguye uru rugendo nyuma yo kubona ko abanyarwanda benshi bifuza gusura ibyiza by’iwabo ariko ababibafashamo bakaba ari bake.

Yagize ati “Twasanze hakirimo ikibazo cy’uko nta bantu batanga iyo serivisi, nibwo twavuze duti ‘niba dufite ubumenyi mu bijyanye n’ubukerarugendo, ni gute twagerageza gufatanya n’igihugu cyacu kugira ngo abanyarwanda bamenye ibyiza igihugu gifite.Usanga kenshi byitwa ngo ni iby’abanyamahanga kandi batagomba kuturusha ibyacu.”

Tuyigire yakomeje avuga ko igikorwa cya Tembera u Rwanda hamwe na Home Rwanda Safaris kizajya kiba kenshi mu mwaka, kugira ngo bafashe abanyarwanda batari bakeya babyifuza bakabura uburyo.

Avuga ko mu gihe abanyarwanda bazaba bazi neza ibyiza biri mu gihugu cyabo, bizafasha mu gukurura abanyamahanga benshi.

Kugeza ubu ushaka kwiyandikisha ngo azatemberane n’abandi muri izi Pariki yajya ku Biro bya Home Rwanda Safaris i Remera mu marembo ya Stade Amahoro muri Champion Hotel i Remera cyangwa agahamagara kuri nimero ya telefoni ngendanwa 0788206999.

JPEG - 144.2 kb

Canopy Walkway ni ikiraro cyubatse mu kirere muri Pariki ya Nyungwe gifasha ba Mukerarugendo kwitegereza no kureba ibyiza nyaburanga biri muri iyi parike


INKURU ZA :
Tanga Igitekerezo
Ibitekerezo 2
JAPIYER Kuya 10-10-2018

AMAKURU MUMATEKA YINTARE MURAKOZE

JAPIYER Kuya 10-10-2018

AMAKURU MUMATEKA YINTARE MURAKOZE

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...