AMAKURU

UKWEZI
ubumwe

Abivuriza ku makarita ya FARG ntibagihabwa imiti mu mafarumasi

Abivuriza ku makarita ya FARG ntibagihabwa imiti mu mafarumasi
27-05-2019 saa 08:21' | By Nsanzimana Ernest | Yasomwe n'abantu 810 | Ibitekerezo 3

Abagenerwabikorwa b’ ikigega FARG gitera inkunga abarokotse Jenoside yakorewe abatutsi batishoboye ntabwo bagihabwa imiti na farumasi 30 mu gihugu zayibahaga ku bw’ amasezerano.

Nibura mbere y’ amezi arindwi ashize abagenerwabikorwa ba FARG bivurizaga mu mavuriro ya Leta bakoresheje amakarita yabo y’ ubwishingizi bw’ ubuzima, ariko guhera mu kwezi kwa 10 umwaka ushize wa 2018 byarahagaze.

FARG ivuga ko ayo masezerano yahagaze kuko iri gushaka amasezerano mashya. Ngo farumasi bari bafitanye amasezerano zari nkeya ugereranyije n’ umubare w’ abagenerwabikorwa bakeneye imiti.
Bamwe mu bagenerwa bikorwa babwiye Rwanda Today dukesha iyi nkuru ko batagishobora kubona imiti, abandi bakayibona ibahenzi kuko bibasaba kuyigura mu mafarumasi yigenga ku giciro kitorohereye buri wese.

Umwe muri bo(w’ umugore) yavuze ko arwaye diyabeti, ngo amaze amezi atanu ajya kuri forumasi ntabone imiti nyamara imiti ya diyabeti bisaba kuyitera mu buryo buhoraho.

Ati “Ubwo ikigega cyatubwiraga ko amasezerano cyari gifitanye na za farumasi yarangiye, twasabwe kujya kwivuriza ku bitaro bya gisirikare I Kanombe, bituma umuntu amara amezi 2 cyangwa atatu ataravurwa”

Yakomeje agira ati “Nibwira ko uko gutinda guterwa ni uko abagenerwabikorwa ba FARG bose ariho bayobotse”.

Nubwo bimeze gutya ariko, uyu mugore ashimira ikigega FARG ko cyemereye abagenerwabikorwa bacyo bafite indwara zidakira bakajya bajya gufata ku biro byacyo amafaranga yo kwivuza, mu gihe ibyo kuvugurura amasezerano azongera umubare wa za farumasi bitararangira.

Umuyobozi Mukuru wa FARG, Theophile Ruberangeyo, atanga icyizere ko iki kibazo kizakemuka vuba.


INKURU ZA :
Tanga Igitekerezo
Ibitekerezo 3
Emmanuel Kuya 28-05-2019

Ikibazo cyarakemutse, farumasi zikorana na FARG zarabonetse, ubu abagenerwabikorwa bari guhabwa imiti.

Emmanuel Kuya 28-05-2019

Ikibazo cyarakemutse, farumasi zikorana na FARG zarabonetse, ubu abagenerwabikorwa bari guhabwa imiti.

Emmanuel Kuya 28-05-2019

Ikibazo cyarakemutse, farumasi zikorana na FARG zarabonetse, ubu abagenerwabikorwa bari guhabwa imiti.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...