AMAKURU

UKWEZI
ubumwe

Abo muri Supermarketing bari batawe muri yombi bagizwe abere

Abo muri Supermarketing bari batawe muri yombi bagizwe abere
22-06-2019 saa 18:15' | By Nsanzimana Ernest | Yasomwe n'abantu 9520 | Ibitekerezo 33

Urukiko rw’ Ibanze rwa Nyarugenge rwahanaguyeho ibyaha Nsengiyumva Jean Bosco na Uwizeyimana Israel ba Supermarketing Global network bari bakurikiranyweho ibyaha birimo gukora ubucuruzi bw’ amafaranga butemewe rutegeka ko barekurwa.

Tariki 31 Gicurasi 2019 nibwo Urwego rw’ igihugu rw’ ubugenzacyaha RIB rwatangaje ko rwataye muri yombi abayobozi ba Supermarketing Global network yari yashyuhije abantu imitwe kubera ubucuruzi bw’ uruhererekane butanga inyungu nyinshi.

Ubushinjacyaha bubakurikiranyeho icyaha cyo gucuruza cyangwa kuvunja amafaranga mu buryo butemewe n’amategeko; Kwihesha ikintu cy’undi hakoreshejwe uburiganya; Icyaha gikozwe mu buryo bw’imyishyuranire.

Mu iburanisha ku ifunga n’ ifungura ry’ agateganyo Ubushinjacyaha bwavuze ko impamvu zikomeye zituma abaregwa bakekwaho icyaha cyo gucuruza cyangwa kuvunja amafaranga mu buryo butemewe n’amategeko, ari uko nubwo bavuga ko hari Supermarketing Global network yo mu Buhinde ikorera online, ihabwa amafaranga ikanatanga urwunguko, idakora ibikorwa byo kuvunja kuko ntawe uyiha amadevise (amadolari, amayero… ) ngo imuhe andi mafaranga. Bwavuze ko abaregwa aribo bafata bitcoins ikazivunja mu mafaranga.

Bukomeza buvuga ko impamvu zikomeye zituma NSENGIYUMVA Jean Bosco na UWIZEYIMANA Israel bakekwaho icyaha cyo kwihesha ikintu cy’undi hakoreshejwe uburiganya, ari uko nubwo bavuga ko nta mafaranga bakiriye, bayohereje mu Buhinde online, abayashyizemo bakayasubizwa hariho n’inyungu.

Ku cyaha gikozwe mu buryo bw’ imyishyurire, ubushinjacyaha bwavuze ko abaregwa bagiye muri iyi bizinesi bakayishishikariza abantu kandi baziko itemewe na BNR.

Buvuga ko Uwizeyimana Israel ari we muntu wa mbere mu Rwanda winjiye muri ubu bucuruzi yinjiriye ku Munyapakisitan abubonye kuri google. Amaze inyuma ye hamaze kugera abantu 74 000. Nsengiyumva Jean Bosco winjiyemo tariki 22/03/2019 inyuma ye hamaze kugera abantu 1 300.

Ubushinjacyaha bwari bwasabye ko abaregwa bafungwa by’agateganyo abaregwa kubera ko icyaha bakurikiranyweho giteganirijwe igihano kirengeje imyaka ibiri y’igifungo, kandi ko bugikora iperereza kuri company ya Supermarketing Global Ltd kugirango dosiye itegurwe iregerwe urukiko mu mizi.

UWIZEYIMANA Israel wunganiwe na Me KAYITANA Evode yabwiye urukiko ko ibyaha aregwa atabyemera asaba kurekurwa agakurikinwa ari hanze kuko nta muntu yigeze ashishikariza kwinjira muri kampani. Yavuze ko abamwinjiriyeho ari ababaga babonye inyungu amaze kubona.

UWIZEYIMANA yavuze ko iyi kampani yo mu Buhinde atari we uyiyobora ndetse ko atayihagarariye mu Rwanda.

NSENGIYUMVA Jean Bosco wunganiwe na Me MINANI SEMPIGA Jean d’Amour nawe yabwiye urukiko ko ibyaha akekwaho atabyemera kandi ko asaba kurenganurwa agafungurwa agakurikiranwa ari hanze. Akomeza avuga ko company yitwa supermarketing global network y’Abahinde ikorera online, buri wese ayinjiramo ku giti cye akoreshe internet, kandi ko iyi company itandukanye n’iya supermarketing global Ltd y’inyarwanda.

Yavuze ko icyaha cyo kuvunja amafaranga atacyemera kuko kuvunja amafaranga ari umwuga ukorwa n’umuntu wawiyemeje kandi ko nta na kimwe yigeze akora kuko nta muntu wamuhaye amafarana ngo amuhe andi.
Yarangije avuga ko icyaha cy’imyishyuranire kuko kampani yabo itari yagatangiye gukora abajyagamo bari bagikoresha kampani yo mu Buhinde.

Urukiko rwemeje ko nta mpamvu zikomeye zituma UWIZEYIMANA Israel na NSENGIYUMVA Jean Bosco bakekwaho icyaha cyo gucuruza cyangwa kuvunja
amafaranga mu buryo butemewe n’amategeko, icyaha cyo kwihesha ikintu cy’undi hakoreshejwe uburiganya, n’icyaha gikozwe mu buryo bw’imyishyuranire, rutegeka ko barekurwa uru rubanza rugisomwa.


INKURU ZA :
Tanga Igitekerezo
Ibitekerezo 33
Ilde Kuya 29-06-2019

Shana njye narumiwe nafashe inzu yanjye ndayigurisha none umuryango wanjye urangaye narinziko mbonye imikorere leta impombeje ifunga supermaketing harya ubwo iyo ni leta? Ubwo nayikundante ndi kwangara kuki itaretse ngo tubanze tubone ayacu. Cyako njye ntegereje urunjyana gusa kuko ntaho mpagaze.

Dodos Kuya 26-06-2019

Leta niyo yahombeje abantu.Yari kureka iminsi 120 ikarangira wenda bakabuza kwinjiza abandi cg bagakora nk’ubo BNR yavugaga ko abantu bagomba gushishoza none barabihagaritse baraduhombya.Nibadohore amezi 2 tubome ayacu

Afia Kuya 24-06-2019

Batabyemerase kobayasangiye agahinda kacu bakitayeho?igihombo cyawe nizonyungu zabo nababagize abere.mbega ubutabera!!!!!!!

Mugabo audace Kuya 24-06-2019

Esubwubundi reta izabidufashijicyi nkabashomeri ntireka amafaranga yacu agahera koko ko byose byatangiriye mugihugu babibona

Bonaventure Kuya 24-06-2019

Mubyukuri sicyari igitangaza ko leta ibona kare ibishobora kuyihombya nk’igihugu,Ariko ntekereza ko umutungo wambere w’igihugu ari abaturage,bivuze ngo n’ubundi icyo abaturage bagakoresheje muri gahunda zitandukanye isaba abaturage itumye agendera ubuferi,none ubwo izabaza umuturage mituel ngo arayikurahe? Ahubwose byibuze n’iyo iyo refunding basi iyidufasha igakorwa ikarangira! Nge ndabona ibi ntacyo bikijije rwose kuko abahombye turi benshi cyane. Byumwihariko hari abari abanyeshuri benshi bari bagiye bashyiramo burse yose abandi bagurizanya none birangiye babutashye ubwose leta izakira ibibazo byabo? Nibatubwire umwanzuro Niba kuba babafunguye mbese basanze nyine ntacyo yicaga irakomeza ikoreeeeeee cyangwa?Muraze namwe abanyamakuru mugize neza mwatuvuganira,Murare neza!

Claire Kuya 24-06-2019

Ngo murabarekuye? Nihahandi banyagupfa bazagumya bapfe! Ubunduse mugihe cyose bari bamaze bakora burirwa bafungura amashami hirya nohino nibwo mwari mubimenye?nuko murakoze mukijije bamwe ariko munenye ko mworetse imbaga nyamwinshi yabanyarwanda! Ubu rwose ntabutabera burimo ahubwo muvugurure imitangire yibyangombwa mutanga sinon bizabagora

Angel Kuya 24-06-2019

Ubwo bafunguwe ndumva Ari abere bareke dukomeze dukore doreko byari byishimiwe kuruta izindi business zose zabayeho, twiteze imbere duteze n’igihugu cyacu imbere

Innocent Kuya 23-06-2019

Ariko ubu ubugenzacyaha n’ ubushinjacyaha ntabwo bwabonaga ko aba bagabo ntagijorwa bakaze kigize icyaha koko. Njye narumiwe. Kwinjira muri company ikorera online ikora ibikorwa bitabujijwe n’ itegeko ibyo bintu bigize icyaha gute. Uyu muxamanza ndamwemeye kbs arigenga, ntabwo agendera kuri byacyitse cyangwa ngo abantu bavuze, inkiko zo mu Rwanda zikomereze aho.

Emmy Kuya 23-06-2019

Ngaho se na fbc bayifunge daa! Barabura kujyana n’isi aho igeze ngo barafunga abantu!!!

Micomyiza nelly Kuya 23-06-2019

Muraho!nukuri nibadutabare pe !nkatwe twatanze schoolfees tuziko tugiye kuyakuramo none badusubije kumuhanda pe nukuri batuvuganire na leta yacu idufashe pe.murakoze cyanee

Micomyiza nelly Kuya 23-06-2019

Muraho!nukuri nibadutabare pe !nkatwe twatanze schoolfees tuziko tugiye kuyakuramo none badusubije kumuhanda pe nukuri batuvuganire na leta yacu idufashe pe.murakoze cyanee

Kazehe Kuya 23-06-2019

Karekezi weee uruciramukaso rugatwara nyoko urabaheza mumunyururu c washoye aruta ayabandi? Bariya c harubwobaje kugukura iwawe nguze ushore?iyowunguka c haruwowarikuzibuka ra?esubundi kwataribo bafunze business urabareza mugihome kuberiki.murwanda harabagifite imitima yakinyamanswa pe

Ecar Kuya 23-06-2019

Reta rwose nidufashe dore niyo yatumye ayacu ahomberamo kuko campany yo ntacyo yari itwaye none ko amafaranga yabonekaga muburyo ko ntawashatse kubikura ngo ayabure sinibaza impavu bavugako ari ubushukanyi ubuse babona ariho badufashije kandi baratumye ayo twashoye yose ahomberamo .

Ndayishimiye philbert Kuya 23-06-2019

Nyabune ka leta yacu n’ishyiremo ubushishozi kumafranga y’abaturage kuko itangazo ryo kutabijyamo ryaje nyuma bamwe barabigiyemo! kdi nabiriya bandikiraga ababigiyemo ko bagiye gusubizwa bakabeshya ko basubijwe nabyo leta yacu

yareba ababyandikaga bagakurikiranwa abanyarwanda bagasubizwa ayabo

gitogabe Kuya 23-06-2019

Imana ishimwe kubwu muvandimwe wagizwe umwere, si muzi ariko nashimishijwe nuko yaragiye gutuma mba umuntu ukomeye ku bwa business bari bari ku mwitirira kdi mbona aba muvuganabi nta bwo bazi risk zibera muri business, nkekako nta wari wayinjiyemo adakurikiye ubukire bwarimo

Sano Kuya 23-06-2019

Ikigaragara ni uko Hari abantu benshi bajya mu bintu nk’inka zitazi ibyo zigiyemo.
Ubu koko iyo umuntu asaba ko ba Israel bamusubiza amafaranga, Hari amafaranga yabahaye?
Ubu Koko nk’umuntu ugitekereza ko Supermarketings yari iya Israel Koko yaba Ari ku rwego rwo gukora online business?
Guys tujye tujya mu bintu twumva, Kandi niba imyumvire yacu itaragera ku rwego rwo kumva , ikiza ni ukureka kubijyamo.
Abafite imyumvire nk’iyo bajye kwicururiza inyanya.

Fiston Kuya 23-06-2019

Nge ndumva L’ETAT yashaka uburyo yumvikana niriya Campany ikayemerera gukorana amezi 4 kuko mumezi 3 buriwese asubizwa igishoro yashoye ukwezi jwakane buriwese akaba yakuyemo aye kubushake ntangorane nyuma L’ETAT ikabona kuyifunga ntamunyarwanda ubirenganiyemo bitabaye ibyo twaba duhombejwe na L’ETAT kuko nubu umuhinde avugako ari L’ETAT yacu iduhombeje bitabaye aribyo byaba bigaragarako Hari uruhande rwirengagijwe kubera kubura ababavuganira Kandi dufite L’ETAT nkumubyeyi

Claudine Kuya 23-06-2019

Dufitiye ikizere leta yacu tuzi neza ko itakwemera abanyarwanda tungana gutya duhomba.kuko twashoyemo menshi tuzi neza ko tugiye kwiteza imbere cyane ko nufite Duke yadushyiragamo avuga ati Wenda nanjye narya ngahembuka mubidufashemo rwose

Claudine Kuya 23-06-2019

Mwaramutse! Ubundi twebwe abaturage b’Urwanda ntakosa na rimwe dufite.twebwe twagiyemo nkabari kwiteza imbere.niba umuntu afite 120$cg 30$ ntabwo Ayo mafaranga wayashora muri business ngo ugire icyo ukuramo mwese murabizi.turagerageza gucuruza bikanga.ayo kugirango uyacuruze keretse unyuze munzira mbi.urugero nko gucuruza agataro nibindi bidaciye mumucyo.niyo mpamvu buri wese yabaga afite na Duke twiwe agashora ahongaho.twari turi kugenda twigirira ikizere twumva ntanzara izongera kutwica.uwumvaga iyi business yumvaga Imana imugiriye neza.none Dore ibibazo duhuye nabyo nutwo twari dufite turatubuze.ubuzima nibwo bukitubana ubuzima bubi kurushaho.reta yacu turayemera ifite abayobozi bazi ubwenge nibadufashe bareke kubiceceka basi tubone Ayo twashoye ariko ubundi agahinda karadutembagaza rwose

Titi Kuya 23-06-2019

@rafiki
Ko wagiyemo ku bushake nyuma yo kubona inyungu zirimo uravuga iki? Uhuye ningorane y’akazi aho kwicara ngo ushake igisubizo ahubwo urishimira ko mugenzi wawe afungwa. Ahandi ko iriya business ikorwa kandi ikabateza imbere ngira ngo warukwiye gufatanya numucamanza mugashyikira ko business ifungurwa. Naho uwo muco wo guhimana uzatuma usaza utanakize. Va mu bugome ushake ibyiza

Bt Kuya 23-06-2019

Nkurinkije ukwiyi kampani yakoraga ntakintu yaribangamiye abanyarwanda ariko sinzi ikibazo cyavuyemo nibintu ntumvise neza numvagako nkabantu twashumereye kubera kubura akazi ntwari dusa nabamaze kukabona kandi kaduteza imbere none nayariyi turayahombye ubuse mutugize abande mutubabarire basi muyaduheshe niba bidashobotse gukomezanya nakampani turabinginze kukojye ntaho nsigaye pe

Simeon Kuya 23-06-2019

Waaaaaa ebana uwo mucamanza yarakoze kurekura inzirakarengane twese twabigiyemo tuziko Dufashe risce so ahubwo nibabifungure dukomeze twikorere

Inkuru Kuya 22-06-2019

Nagizwe abere cyangwa bazakurikiranwa bari hanze, kuko baburanaga ku ifunga n’ifungura?! Doubtful

Umulisa Kuya 22-06-2019

Rwose niba harubuvugizi nimutuvuganire twishyurwe cash zacu kuko si abahinde batwambuye ahubwo ni reta yacu iduhombeje nkubwo bashyizeho itangazo ngo bafungure izindi acount akokanya baronjyera barafunda ubwose niba barashakaga kudusubiza kuki bitamaze niminsi byibuze ibiri rwose nibatwishyure niba natwe turi mubo mureberera.

Neretse Danny Kuya 22-06-2019

Nukuri nimutuvuganire ngewe nakozeburikimwe batubwiye yaba aruguhuza konteyanye yo muri supermarketing niya btc narabikoze ariko ntayonabonye kandi narinashoyemo 120$ ntanamacye nabonye abobantu baratubeshyeshye ubwokoko murabaretse baragenda bataduhaye ayacu. Nukuri baraduhemukiye

gatete Kuya 22-06-2019

ntanarimwe.twabonye.baratwaambuyekabisa

Jean Bosco Kuya 22-06-2019

Reta nidufashe rwose dusubizwe ayacu kuki tuyizera nkumubyeyi kd umubyeyi ntiyatuma umwana we arenganywa amureba bityo rero rwose ababifite munshimgano zabo babidukurikiranire pe

gatete Kuya 22-06-2019

twese.nayotwabonye

Ndayambaje Kuya 22-06-2019

Ngewe rwose ndabona bamwe tugiye kuzira ubusa pe, nimba ntabyaha bashinjwa ngaho bareke business ikomeze cg se badusubize ayacu kuko natwe ntacyaha cg ikosa turimo bivuzeko natwe turi abere.

Elie Kuya 22-06-2019

Kubwange ndumva Leta yakomeza kubakurikirana tukishyurwa amafaranga yacu kuko basubije bamwe ayo bashoye abandi baratureka rero Niba haricyakorwa Natwe tugasubizwa ayacu badufashe gikorwe basubije aba shoyemo kugeza 240$ Naho abashoyemo za 30$ baratwambura mudukorere ubuvugizi Kbsa.

Karekezi Kuya 22-06-2019

Abo batekamutwe se barabafungura ngo bimare iki baratwambuye bakabeshya refund ntituyabone kuri bitcoin bo kabure idini babasubizemo babanze bishyure ayacu

Rafiki Kuya 22-06-2019

Ubuse koko abanyarwanda mutumye batakaza amafaranga yabo mwumva mutabahemukiye? Nizera ko igihugu cyacu gifite abakireberera gukora ibintu Musa n’abahima sibyo, niba Ari ku neza yabo mwakabakurikiraniye n’ibyabo naho kubahombya byo ntacyo muba mubamariye

Ptr Kuya 22-06-2019

Uwo mucamanza ni umuntu w umugabo kbs nibareke twikorere business icyatubeshaho cyose kitabangamiye umutekano w igihugu tugikore kugirango turamuke naho urubyiruko tumerewe nabi nubukene dushaje twaraminuje twarabuze na hamwe twakora

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...