konka coffee
KONKA

AMAKURU

UKWEZI

Amajyepfo: Polisi yafashe abasore barindwi bacuruzaga urumogi

Amajyepfo: Polisi yafashe abasore barindwi bacuruzaga urumogi
17-10-2018 saa 10:01' | By RNP | Yasomwe n'abantu 776 | Ibitekerezo

Polisi ikorera mu Ntara y’Amajyepfo mu turere twa Huye na Muhanga yafashe abasore barindwi bacuruzaga bakananywa urumogi.

Batanu muri bo bafatiwe mu Karere ka Huye, abandi babiri bafatirwa I Muhanga, bagiye kugura cyangwa bari gucuruza urumogi. Bose uko ari barindwi nta n’umwe urengeje imyaka 25 y’amavuko.

Abo Polisi yaguye gitumo mu Karere ka Huye bari mu rugo rw’umusore ucuruza iki kiyobyabwenge wari wasanganywe mu nzu udupfunyika 1053 tw’urumogi.

Mu Karere ka Muhanga abafashwe ni abasore babiri umwe w’imyaka 34 n’undi wa 28.

Umuvugizi wa Polisi mu Ntara y’Amajyepfo, CIP Bonaventure Karekezi, yavuze ko kugira ngo aba basore bafatwe byaturutse ku makuru yatanzwe n’abaturage.

Yakomeje agira inama abagifite umuco mubi wo gukoresha no gukwirakwiza ibiyobyabwenge kubireka kuko amayeri yose bakoresha yamenyekanye.

Ati “Kubera imikoranire myiza Polisi ifitanye n’abaturage, ubu biroroshye gufata bariya bantu bacuruza ibiyobyabwenge. Amayeri bakoresha yose abaturage baba bayazi, baratatubwira tugahita tubafata.”

CIP Karekizi akomeza asaba abaturage gukomeza gutangira amakuru ku gihe ndetse no kurushaho gukumira ibiyobyabwenge kuko bigira ingaruka mbi ku buzima bw’ababinywa no ku mutekano w’Igihugu.

Abafashwe bashyikirijwe Urwego rw’Ubugenzacyaha.

Ingingo ya 263 mu gitabo gishya cy’amategeko ahana y’u Rwanda ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

Iyo abihamijwe n’urukiko ahanishwa igifungo kuva ku myaka irindwi kugeza ku gifungo cya burundu n’ihazabu y’amafaranga y’u Rwanda arenze miliyoni makumyabiri ariko atarenze miliyoni mirongo itatu ku byerekeye ibiyobyabwenge bihambaye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...