konka coffee
KONKA

AMAKURU

UKWEZI
Minijust

Amakamyo 130 aparitse ku mupaka w’ u Rwanda na Uganda, biteye impungenge

Amakamyo 130 aparitse ku mupaka w’ u Rwanda na Uganda, biteye impungenge
4-03-2019 saa 14:28' | By Nsanzimana Ernest | Yasomwe n'abantu 6260 | Ibitekerezo 5

Ikigo cy’ Imisoro n’ amahoro cya Uganda cyatangaje ko ku mupaka w’ u Rwanda na Uganda I Gatuna haparitse amakamyo 130 bivugwa ko u Rwanda rwayabujije kwinjira mu gihugu.

Ni mu gihe kuva ku wa Kane w’ icyumweru gishize , Leta ya Uganda iri gushinja u Rwanda ko rwahagaritse urujya n’ uruza ku mupaka uruhuza n’ iki gihugu cyo mu majyaruguru.

Leta y’ u Rwanda yasobanuye ko umupaka wa Gatuna utari gukoreshwa by’ igihe gito kubera imirimo y’ ubwubatsi, igira inama abashoferi b’ amakamyo manini gukoresha umupaka wa Cyanika uri ku birometero 100 uvuye I Gatuna.

Ejo ku Cyumweru guverinoma ya Uganda yatangaje ko ku mupaka wa Cyanika guverinoma y’ u Rwanda yakubye kabiri umusoro wa gasutamo ku bicuruzwa biva muri Uganda.

Ku makamyo apakiye ibigori Leta ya Uganda yavuze ko umusoro wavuye ku bihumbi 150 , ugera ku bihumbi 300 000 Rwf, mu gihe ku bindi bicuruzwa umusoro wa gasutamo wavuye ku bihumbi 200 ukaba ibihumbi 400 Rwf.

Leta y’ u Rwanda ntacyo iravuga ko kuri iki kibazo Leta ya Uganda yatangaje ivuga ko u Rwanda rwakubye kabiri umusoro wa gasutamo ku bicuruzwa biva muri Uganda.

Minisitiri w’ Ubabanyi n’ amahanga w’ u Rwanda Dr Richard Sezibera avuga ko umupaka w’ u Rwanda na Uganda ufunguye.

Gusa ku rundi ruhande guverinoma ya Uganda ivuga ko hari amakamyo agera ku 130 aparitse ku mupaka kuko yabujijwe kwinjira mu Rwanda. Muri yo harimo ahamaze iminsi ine.

Mu makamyo aparitse ku mupaka harimo atwaye ibicuruzwa bishobora kwangirika mu gihe gito. Ba nyiri aya makamyo bafite ubwoba bw’ ibihombo.

Sam Baligwa yabwiye itangazamakuru ryo muri Uganda ko mu makamyo aparitse ku mupaka harimo iye ipakiye amafi afite agaciro ka miliyoni 30 z’ amashilingi ya Uganda.

Muri ayo makamyo kandi ngo harimo apakiye peterole na essence ibintu biteye ubwoba guverinoma ya Uganda ko bashobora kubaho ikibazo cy’ inkongi y’ umuriro.

Ikizere cy’ uko iki kibazo kizakemuka

Minisitiri w’ Intebe wa Uganda, Ruhakana Rugunda yasabye abaturage b’ ibihugu byombi kutagira ubwoba kuko ibibazo bizakemurwa bikarangira.

Amb. Olivier Nduhungirehe, Umunyamabana wa Leta muri Minisiteri y’ ububanyi n’ amahanga y’ u Rwanda, ushinzwe EAC, abinyujije kuri Twitter yavuze ko ubushake n’ umurava mu gushakira umuti izingiro ry’ ikibazo bizatuma gikemuka.


INKURU ZA :
Tanga Igitekerezo
Ibitekerezo 5
Kankindi Kuya 5-03-2019

Kwekweeeeee!!!!!!Inkubisi y’amabyi irayitarukiriza!!!!!!Dore igihe ubugande bwadushotoreye tukabwihorera!!!Badutuka, birirwa badukoronga!!!!!None turasana umupaka balkavuza induru!!!!!Mbegaaaaa weeeee!!!Ndabashinyitse

gihana Benjamin Kuya 5-03-2019

Genda kagame urimfura gusa ibibyose birakorwa kubwo kwanga agasuzuguro kabanyamahanga kubaturage bawe niyo mpamvu nange nkindangamirwa yawe nkushyigikiye

Sibomana Kuya 4-03-2019

Abanyarwanda babivuze ukuli koko.
Ugusuriye nawe ntumusurire akwita ikibura innyo.
Inyajwi i yali kuburizwamo kuko ikurikiranwa n’indi nyajwi. Bigahinduka, ikiburannyo.
Ngaho se ni mucyo twibukuranye ikibonezamvugo
Mwa bantu mwe, mwibaze uko ikinyarwanda nagifataga kubera amateka y’abanyarwanda.
Harabaye haba umuhungu Sibo aliwe jye, mvukira hanze hamwe bavuga urwo Macron yumva, m oio op

peter Kuya 4-03-2019

let us wait. there is a message!!!!
gusa umuti mwiza nuwubwumvikane bw’impande zose

Mimi Kuya 4-03-2019

Museveni uzarebe niba aza sacrifia igihugu hejuru ya kayumba. Uganda yirirwa idufungira abantu. Turambiwe ako gasuzuguro. Naho ibyo birirwa bavuga ngo u Rwanda ntirwabaho rudafite Uganda, reka tubereke ko bibeshya cyane. Ubundi

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...