konka coffee
KONKA

AMAKURU

UKWEZI
ubumwe

Amakuru y’ uko u Rwanda rwakomanyirije ibicuruzwa biva muri Uganda yanyomojwe

Amakuru y’ uko u Rwanda rwakomanyirije ibicuruzwa biva muri Uganda yanyomojwe
18-02-2019 saa 10:31' | By Nsanzimana Ernest | Yasomwe n'abantu 2477 | Ibitekerezo

Uwungirije ambasaderi wa Uganda mu Rwanda kuri iki Cyumweru tariki 17 Gashyantare yanyomoje amakuru avuga ko guverinoma y’ u Rwanda yahagaritse bimwe mu bicuruzwa biva muri iki gihugu byinjizwa mu Rwanda.

Ni mu gihe hari amakuru yari yatangajwe mu binyamakuru avuga ko guverinoma y’ u Rwanda yahagaritse sima, n’ ibindi bicuruzwa byavaga muri Uganda.

Anne Katusiime yavuze ko ayo makuru ari ibihuha bidafite aho bishingiye kuko muri ambasade ya Uganda mu Rwanda ayo makuru ntayo bazi.

Yagize ati “Muri ambasade nta makuru dufite avuga ko u Rwanda rwahagaritse ibicuruzwa biva muri Uganda. Ibyatangajwe mu binyamakuru ni ibihuha bidafite ishingiro na gihamya.”

Sam Sserwanga, Umuyobozi ushinzwe abinjira n’ abasohoka ku mupaka wa Katuna yavuze ko ubuhahirane ari ubusanzwe nubwo hari icyo gihuha.

Yagize ati “Ku wa Gatanu nijoro numvise ko tonni 32 za sima ya Tororo zajyaga mu Rwanda zasubijwe inyuma n’ ubuyobozi bw’ u Rwanda. Iki gikorwa ntabwo cyabujije ibindi bicuruzwa gukomeza kwinjira mu Rwanda”

Yakomeje agira ati “Nahawe amakuru ko icyo kibazo cyakemuwe n’ abashinzwe ibyoherezwa mu mahanga ku ruhande rwa Uganda n’ abayobozi w’ u Rwanda. Ku wa Gatandatu ayo makamyo(ya sima) ibyayo byari byasobanutse , ubu ubuhahirane ni ubusanzwe”

Abajijwe na Dail monitor impamvu mu gitondo cyo kuri iki Cyumweru ku ruhande rwa Uganda ku mupaka hari haparitse amakamyo menshi yasubije ko abashoferi bahitamo guparika ku ruhande rwa Uganda igihe bacyuzuza ibyagombwa kuko ngo ku ruhande rw’ u Rwanda nta parikingi ihari kubera imirimo yo kubaka gasutamo.

Emmanuel Bamanya, umukozi wa Uganda Revenue Authority ushinzwe imisoro n’ amahoro kuri sitasiyo ya Katuna yavuze ko ubuhahirane ari ubusanzwe hagati ya Uganda n’ u Rwanda.

Ntiharamenyekana imvano y’ ayo makuru yiswe igihuha, gusa ikizwi ni uko u Rwanda na Uganda bimaze imyaka irenga ibiri bitabanye neza.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...