konka coffee
KONKA

AMAKURU

UKWEZI
ubumwe

Amanota y’ abaheruka kurangiza amashuri yisumbuye agiye gutangazwa

Amanota y’ abaheruka kurangiza amashuri yisumbuye agiye gutangazwa
20-02-2019 saa 18:16' | By Nsanzimana Ernest | Yasomwe n'abantu 2535 | Ibitekerezo

Minisiteri y’Uburezi yatangaje ko kuri uyu wa 21 Gashyantare 2019, aribwo itangaza amanota ibizamini bya Leta byasoje amashuri yisumbuye byakozwe m’ Ugushyingo 2018.

Amanota agiye gutangazwa arimo ay’ abanyeshuri basoje amashuri yisumbuye mu myuga n’ ubumenyi ngiro n’ abasoje ayisumbuye mu mashuri nderabarezi, n’ abasoje ayisumbuye muri rusange (TVET, TTC,General Education ).

Mu kiciro gisoza amashuri yisumbuye hakoze abanyeshuri 46.668 barimo abakobwa 26 097 umubare umwe na basaza babo, umwaka ushize hakoze 23.536.

Ku rwego rw’igihugu, abanyeshuri ibihumbi 99.288 ni bo bakoze ikizamini gisoza ikiciro rusange, barimo abakobwa 54 194 n’abahungu 45.094; mu gihe umwaka ushize hakoze 98 268 bose hamwe.

Muri rusange abanyeshuri 145.950 nibo bakoze ibizamini bisoza icyiciro rusange cy’amashuri yisumbuye (tronc commun) n’ibisoza amashuri y’ubumenyingiro n’imyuga.

Tariki 31 Ukuboza 2018 nibwo Minisiteri y’ Uburezi yatangaje amanota y’abarangije amashuri abanza n’icyiciro rusange. Aho byagaragaye ko habayeho impinduka zikomeye mu gutanga ibigo ku banyeshuri aho abayobozi b’ ibigo batongeye kujya guhitamo abanyeshuri ahubwo Minisiteri ariyo yihereye abanyeshuri ibigo.

Mu mwaka wa 2017, abasoje ayisumbuye batsinze ku kigero cya 89,5%. Icyo gihe mu bumenyi busanzwe hakoze abagera ku 40 753 bangana na 99,5% by’abari biyandikishije. Muri abo hatsinze abakandida 36 493 bangana na 89,5%.

Muri abo bakoze bose, 18 324 bari abahungu naho 22 429 bari abakobwa. Abahungu 17 072 baratsinze, bangana na 46,7% naho abakobwa 19 421 ni bo batsinze bangana na 53,2%.

Mu bakoze bose, 605 bari abakandida bigenga bangana na 1,48% muri bo abatsinze ni 352 bahwanye na 0,96%.

Mu mashuri y’imyunga n’ubumenyingiro TVET naho hakoze abakandida 21 962 muri bo 45,16% ari abakobwa naho 54,8% bari abahungu. Muri TVET hatsinze 19 749 bahwanye na 89,3%.

Mu bumenyi busanzwe hakoze abiga mu burezi TTC 3009 ngo batsinze ku kigereranyo cya 99,2%.

Umunyamabanga wa Leta muri Minisiteri y’Uburezi ushinze amashuri abanza n’ayisumbuye, Isaac Munyakazi icyo gihe yavuze ko ikigero cyo gutsinda cyazamutseho 0,4%.Yongeraho ko mu banyeshuri bitwaye neza harimo abanyeshuri biga ku manywa mu bigo by’uburezi bw’ibanze bw’imyaka 12 (Twelve year basic Education).


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...