AMAKURU

UKWEZI
ubumwe

‘Amaso yanjye yahindutse ibisebe kubera kurira’ Ubuhamya bubabaje bwa BAKUNDUKIZE wameze ibisa n’ amabere ku maboko

‘Amaso yanjye yahindutse ibisebe kubera kurira’ Ubuhamya bubabaje bwa BAKUNDUKIZE wameze ibisa n’ amabere ku maboko
13-11-2019 saa 08:50' | By Nsanzimana Ernest | Yasomwe n'abantu 5359 | Ibitekerezo 2

Bakundukize Ruth wo mu karere ka Rubavu umurenge wa Nyamyumba, Akagari ka Busoro aratabaza Leta n’ abagiraneza ngo bamufashe kwivuza uburwayi amaranye imyaka myinshi bukaba bwarayobeye abaganga.

Ruth avuga ko yafashwe n’ ubu burwayi bwo kumera ibisa n’ amabere ku maboko ubwo yari afite imyaka 7 y’ amavuko. Ngo se ataricwa muri Jenoside yakorewe abatutsi yakoze uko ashoboye amuvuriza ahantu hatandukanye ariko ntibyagira icyo bitanga.

Aganira na Umuryango yagize ati “Mama wanjye akoresha iyo bwabaga aramvuza birengeje urugero. Uko mundeba gutya ubwo mama amafaranga abonye ayahereza abavuzi bakamubwira ngo baranshobora ariko imiti bampaye ikananirwa buno burwayi bwange.”

Uyu murwayi kuri ubu ubana na nyina avuga ko ubu burwayi bumubabaza cyane ndetse avuga ko amaso ye yacitsemo ibisebe kubera kurira.

Ati “Uburwayi bwanjye rero numva bukomeye, numva inda ziri kundya mbese naratesetse. Bitewe no kubabara no kurira numva amaso ari ibisebe. Umuvuzi wakumva y’ uko yanshobora yantabara akamvura. Ndikubabara kandi ndaremerewe”.


Bakundukize Ruth avuga ko atigeze yiga kubera ubu burwayi, ndetse ngo uku kuboko kuramuremerera ku buryo adashobora gukora urugendo rurerure n’ amaguru

Bakundukize Ruth avuga ko bitangira afite imyaka 7 byamuriraga imbere mu mubiri ariko akaboko katabyimbye. Avuga ko byatangiye igihe yituraga hasi nyina akamwunga. Ngo nyina yamukoragaho akumva imbere mu mubiriwagira ngo harimo imishito.

Mbere uku kuboko ntabwo kwari kubyimbye ngo bibyimbye vuba. Abaturanyi ngo bamunyuraho bakamusuhuza kandi bakamukomeza ngo yihangane azakira.

Bakundukize Ruth avuga ko afite ikizere ko Imana izamufasha agakira. Ati “Ndikubatwereza mundwaneho nivuze wenda Imana nibishaka nzakira”

Bakundukize avuga ko Leta y’ u Rwanda yakunganira nyina igacumbukurira aho agejeje. Avuga ko nyina atigeze umwanga nubwo uburwayi bwe bumaze igihe kirekire ngo akomeza kumwitaho akamugaburira akanamuvuza.

Ibitaro bikomeye uyu muryayi yivurijeho ni ibitaro bya Gisenyi. Afite ikizere ko abonye abaganga bakomeye yavurwa agakira.


INKURU ZA :
Tanga Igitekerezo
Ibitekerezo 2
twajeneza Kuya 13-11-2019

nonesekwatashyize honimero umuntuya mufashirizahokandi agirekwihangana azacyira imana ishoborabyose gusabirababajepe

Irakoze Nice Kuya 13-11-2019

Yoo ni ukuri birakwiye
Ko uwo muntu afashwa.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...