konka coffee
KONKA

AMAKURU

UKWEZI

Amerika yatangiye gushyira mu bikorwa guhagarika inyungu u Rwanda rwakuraga muri AGOA

Amerika yatangiye gushyira mu bikorwa guhagarika  inyungu u Rwanda rwakuraga muri AGOA
2-08-2018 saa 09:22' | By Vincent Nsengiyumva | Yasomwe n'abantu 4496 | Ibitekerezo 2

Leta Zunze Ubumwe za Amerika, zashyiriyeho imisoro imyenda n’inkweto bikorerwa mu Rwwanda bikoherezwa ku isoko rya Amerika muri gahunda y’ubucuruzi bimwe mu bihugu bya Afurika bifitanye n’icyo gihugu izwi nka AGOA.

Ibi byasohotse mu itangazo US yashyize ahagaragara ku wa 30 Nyakanga 2018, aho Umuyobozi wungirije w’Ibiro by’Amerika bishinzwe ubucuruzi, C. Mahoney, yavuze ko ibiganiro bagiranye n’u Rwanda ku kibazo cyo guca caguwa nta mwanzuro ufatika bagezeho ku mpande zombi.

Ishyirwaho ry’umusoro w’ibi bicuruzwa biva mu Rwanda bikoherezwa ku IIoko rya USA, ni umwanzuro wa Perezida w’iki gihugu cy’igihangange Donald Trump nyuma y’icyemezo cy’u Rwanda cyo kuzamura imisoro ku myenda n’inkweto byambawe bizwi nka caguwa.

Daily Monitor dukesha iyi nkuru ivuga ko uyu Muyobozi wungirije w’Ibiro by’Amerika bishinzwe ubucuruzi, C.J. Mahoney, uretse imisoro yashyizwe ku myambaro n’inkweto bikorerwa mu Rwanda bikoherezwa ku masoko ya Amerika, ngo ibindi bisanzwe bihoherezwa nta misoro yabishyiriweho.

Iki kinyamakuru gikomeza kivuga ko uyu mwanzuro wo gushyira imisoro kuri ibi bicuruzwa biva mu Rwanda byoherezwa ku isoko rya Amerika, muri 2017, wazavanyeho inyungu muri AGOA ku rwego rw’ibyoherezwa mu mahanga ifite agaciro ka miliyoni $1.5, bingana na 3% by’ibicuruzwa byose u Rwanda rwohereza muri Leta Zunze Ubumwe za Amerika.

AGOA yashyizweho mu 2000 ari nk’impano Amerika ihaye bimwe mu bihugu ngo bizamure urwego rw’ibyohereza mu mahanga, kuko nta biganiro byabayeho ngo hagaragazwe icyo buri gihugu kizatanga mbere yo kugira ngo ibeho. Ahubwo yo igenda ikora isuzuma ireba niba igihugu gikwiye kuguma muri iyo gahunda.

Leta Zunze Ubumwe za Amerika ifashe uyu mwanzuro mu gihe Minisitiri w’Ubucuruzi n’inganda, Munyeshyaka Vincent, aherutse gutangaza ko impande zombi ziteganya kugirana ibiganiro ku bundi buryo bw’imikoranire.

Mu mwaka wa 2016 nibwo Rwanda kimwe n’ibindi bihugu byo muri EAC byafashe icyemezo cyo guca imyenda n’inkweto byambawe bizwi nka Caguwa, mu rwego rwo guteza imbere inganda zikora imyenda n’izitunganya impu zikorera imbere muri ibi bihugu.

Iyi gahunda yo guca caguwa yahawe imbaraga cyane, aho imisoro kuri caguwa yazamuwe cyane , giciro cy’umusoro ku myenda yinjizwa mu Rwanda kirazamurwa kiva ku madorali 0,2 kigezwa ku madorali 2,5; naho inkweto za caguwa zivaku madorali 0,2 bigera ku madorali 4,5 y’umusoro ku kilo kimwe.


INKURU ZA :
Tanga Igitekerezo
Ibitekerezo 2
fakl Kuya 2-08-2018

sha biragitwaye ahubwo kwiyemera nibyo tuzi gusa

gakuba Kuya 2-08-2018

Yewe ibibyo, ntacyo bidutwaye habe na gato ngo imyenda ni nkweto twohereza muli Amerika!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...