AMAKURU

UKWEZI
ubumwe

Ange Kagame yatangaje aho yaririye ukwabuki, ashimirwa amahitamo yakoze

Ange Kagame yatangaje aho yaririye ukwabuki, ashimirwa amahitamo yakoze
21-07-2019 saa 21:48' | By Nsanzimana Ernest | Yasomwe n'abantu 7975 | Ibitekerezo 3

Umukobwa wa Perezida Kagame, Ange Ingabire Kagame uherutse gukora ubukwe na Bertrand Ndengeyingoma yatangaje ko yaririye ukwezi kwa buki muri hoteli rukumbi iri muri Pariki ya Nyungwe izwi ku izina rya ‘One&only Nyungwe House’.

Abantu batandukanye bashimye Ange Ingabire Kagame n’ umugabo kuba barahisemo gukorera ukwezi kwa buki mu Rwanda, abandi bamushimira ko iki cyemezo yafashe giteza imbere urwego rw’ ubukerarugendo mu Rwanda.

Ange Kagame na Bertrand Ndengeyingo basezeranye imbere y’ Imana tariki 06 Nyakanga 2019, ibirori by’ ubukwe bwabo byabereye muri Radisson Blu hotel na Kigali Convention Center.

Kuri uyu wa 21 Nyakanga 2019, Ange Kagame yanditse kuri twitter avuga ko ashimira One & Only Nyungwe House kubera ibihe bitazibagirana by’ ukwezi kwa buki.

Yagize ati “ Mwarakoze One & Only Nyungwe House ku bw’ ubunaribonye butazibagirana bw’ ukwezi kwa buki, tuzahora tugaruka, twongera tugaruka” aya magambo Ange Kagame yayaherekereje akamenyetso ko kumwenyura n’ akandi k’ umutima na Hashtag ya VisitRwanda.

Clare Akamanzi, Umuyobozi Mukuru w’ Ikigo cy’ igihugu gitsura amajyambere RDB, yagize ati “Nabashimira ku bwo guteza imbere sura u Rwanda muri ubu buryo bwanyu bw’ umwihariko. Tubifuriye ibyiza, umunezero no kunyurwa n’ ubuzima bwanyu, wowe na Bertrand”.

Stella Ford Mugabo wahoze ari Minisitiri ushinzwe ibikorwa by’ inama y’ abaminisitiri nawe ari mu bashimye Ange Kagame ko yakoze igikorwa cyo guteza imbere ubukerarugendo bw’ u Rwanda.

Yagize ati “Ndabashimiye Ange n’ umugabo wawe ku bwo guha agaciro gahunda ya Sura u Rwanda. Muteye ishema u Rwanda n’ Abanyarwanda, MUKOMEREZE AHO”.

Mico Myiza Jean Baptiste, umwe mu bantu bakunda gutangira ubutumwa ku mbuga nkoranyambaga yagize ati “#Rwanda: Umukobwa wa Perezida w’ igihugu cyo muri Afurika yafashe umwanzuro wo kurira ukwezi kwa buki mu gihugu cye. Uku ni ukwiyumvamo panafurikanizime. Reka duhindure ibihugu byacu ahantu hanezeje. Ndagushimiye Ange Kagame ku bw’ iki gikorwa cy’ intangarugero”.


Ibi ni bimwe mu bitekerezo birenga byashyizwe kuri twitter bishimira Ange Kagame n’ umugabo we Bertrand Ndengeyimana ko bahisemo gukorera ukwezi kwa buki mu Rwanda.

One&Only Nyungwe House nihoteli y’ inyenyeri 5 iri mu ishyamba rya Nyungwe rwagati.


INKURU ZA :
Tanga Igitekerezo
Ibitekerezo 3
Dusabamahora Francine Kuya 23-07-2019

Ni fuzagako abanyarwanda twese twakunda urwanda imana yo mwijuru izakomeze ibanenabo.muribyose.

NDUWIMANA Ildephonse Kuya 22-07-2019

Ange INGABIRE KAGAME n’UMUGABO WE bagaragaje by’umwihariko urukundo bakunda URWABABYAYE. Ooooh! Ntibagiye kurira ukwabuki iburayi n’ahandi imahanga?
Nange rero nti" amahoro,ibyishimo n’umunezero bizabane nabo n’abazabakomokaho.

nkunzurwanda Kuya 22-07-2019

Urugo ruhire bana beza

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...