AMAKURU

UKWEZI

Diane Rwigara na Adeline Rwigara banze umucamanza, urubanza ruhita rusubikwa

Diane Rwigara na Adeline Rwigara banze umucamanza, urubanza ruhita rusubikwa
24-09-2018 saa 11:11' | By Vincent Nsengiyumva | Yasomwe n'abantu 4540 | Ibitekerezo

Mu gitondo cyo kuri uyu wa Mbere tariki 23 Nzeri 2018, nibwo abo mu muryango wa Rwigara barimo Diane Shima Rwigara n’umubyeyi we Mukangemanti Adeline Rwigara bari basubiye imbere y’Urukiko Rukuru kuburana ku byaha bakurikiranweho, gusa iburanisha ntiryabashije kuba kuko bahise bagaragaza ko badashaka umwe mu bacamanza bari kubaburanya, maze urubanza ruhita rusubikwa.

Diane Rwigara yitabye urukiko ari kumwe n’umwunganizi we Me Buhuru Celestin mu gihe umubyeyi we Mukangemanyi Adeline Rwigara yari yunganiwe na Gatera Gashabana.

Ubwo iburanisha ryari rigiye gutangira, urukiko rwabanje kugaragaza ko Anne Rwigara na mama we Adeline Rwigara bandikiye Urukiko ku wa Gatanu tariki 20 Nzeri 2018, basaba kuburana ifungwa n’ifungurwa ry’agateganyo, ngo kuko bifuzza ko bajya bakurikiranwa badafunzwe.

Urukiko rwagaragaje ko ubusabe bwa Anne Rwigara na Adeline Rwigara bwemewe, cyane ko babyemererwa n’amategeko.

Ubwo Urukiko rwamaraga gutangaza ko ababuranyi basabye ko baburana ku ifungwa n’ifungurwa ry’agateganyo bakajya bakurikiranwa bari hanze, abunganizi bahise bagaragaza ko badashaka umwe mu bacamanza bari bagiye kuruburanisha, bagaragaza ko ariwe wari wababuranishije ku ifungwa n’ufungurwa ryabanje.

Perezida w’Urukiko akimara kumva ubusabe bw’ababuranyi, yanzuye ko urubanza rusubikwa, avuga ko urukiko ruzatangaza igihe ruzasubukurwa ku kuburana ku ifungwa n’ifungurwa ry’agateganyo.

Ku iburana ry’ifunga n’ifungurwa ryabanje, tariki 23 Ukwakira 2017 Urukiko Rukuru rwari rwateye utwatsi iki cyifuzo cya Anne Rwigara na Adeline Rwigara, rugaragaza ko hari impamvu zikomeye zituma bakekwaho ibyaha bashinjwa n’Ubushinjacyaha,runagaragaza ko bashobora gutoroka cyangwa bagasibanganya ibimenyetso, bityo banzura ko bafungwa by’agateganyo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...