AMAKURU

UKWEZI

Bugesera: Abagabo 31 barimo n’uwiyiciye umugore we bihannye basaba imbabazi abo biciye

Bugesera: Abagabo 31 barimo n’uwiyiciye umugore we bihannye basaba imbabazi abo biciye
20-08-2018 saa 10:05' | By Vincent Nsengiyumva | Yasomwe n'abantu 3265 | Ibitekerezo 7

Abagabo 31 bakoze ubwicanyi muri Jenocide yakorewe Abatutsi mu 1994, basabiye imbabazi mu ruhame abo biciye binyuze mu rugendo rw’isanamitima rwateguwe na Kiliziya gatolika muri paruwasi ya Nyamata mu Bugesera.

Uyu muhango wabaye kuri iki cyumweru tariki 19 Kanama 2018, muri Paruwasi ya Nyamata mu Karere ka Bugesera, nyuma y’uko aba 31 bakoze ubwicanyi muri Jenocide bari bamaze amezi 6 bigishwa uburyo bwo kwiyunga n’abo bahemukiye.

Aba bari barakatiwe n’inkiko Gacaca barimo n’uwari wariyiciye umugore we, barafungwa nyuma bakora imirimo nsimburagifungo barayirangiza barataha. Ngo bageze mu baturanyi bahemukiye ngo bakomeza kugira ipfunwe n’ingingimira ku mutima ngo kuko batari barigeze babegera ngo babasabe imbabazi.

Imbere y’imbaga y’abakirisitu benshi uyu munsi buri umwe muri bo yatuye avuga uruhare yagiye agira muri Jenocide yakorewe Abatutsi, asaba imbabazi uwo yahemukiye n’u Rwanda muri rusange.

Uwitwa Nsabiyaremye Alphonse mu buhamya bwe yavuze ko yagize uruhare mu bitero binyuranye byahitanye abatutsi benshi, nyuma ya Jenoside aza gukatirwa arangiza ibihano ariko abaho afite inkomanga ku mutima kuko yumvaga ataraababarirwa n’abo yahemukiye.

Ati “Nagiye mu bitero binyuranye byagiye byica abatutsi, nyuma ya Jenoside narafashwe ndafungwa.Naciriwe urubanza bampa tije ndayikora ndayirangiza. Nyuma yo kugaruka mu muryango nakomeje kugira inkomanga kuko imbabazi nasabaga muri gacaca ntazisabaga abo nahemukiye. Ndashimira Kiliziya gatolika yashyizeho izi nyigisho.”

Nzabahimana Wellars wagize uruhare muri Jenocide ndetse akanica umugore we, nawe yatanze ubuhamya bw’amabi yakoze , avuga ko ashimira cyane Kiliziya Gatolika yabahuje n’abo bahemukiye bagasaba imbabazi bakaba barabohotse.

Yagize ati “Aho urugendo rw’isanamitima ruziye nagiye kwiyandikisha nza gufata inyigisho hano zituma nemera kwegera abo nahemukiye barimo n’abana banjye.”

Padiri mukuru wa Paruwasi Nyamata Emmanuel Nsengiyumva yavuze ko nyuma yo kunga abantu n’Imana, ngo Kiliziya nayo ifite inshingano zo kunga abantu n’abandi bityo ko badakwiye kurebera mu gihe hari abantu bamukiranye bakeneye kwiyunga.

Padiri Nsengiyumva akomeza avuga ko ibikorwa by’ivanguramoko, guheza, gukandamiza no kwica abatutsi byahereye kera no ku bari barahungiye aha mu Bugesera n’abo babohereje, kuva mu 1959. Byagera m 1994 bikaba bibi cyane.

Richard Mutabazi uyobora Akarere ka Bugesera asanga iyi ari intambwe ikomeye mu kubaka ubumwe n’ubwiyunge mu Rwanda.

Ati “Ni umunsi mukuru ukomeye ku muryango nyarwanda kuko abantu bagarutse mu nzira iboneye, bagarutse mu kubaka igihugu bagarutse no mu muryango wa gikiristu. Iyi ni intambwe ntabona uko nayigereranya mu buzima bwa muntu kuko kuba umuntu yarishe akoze icyaha ndengakamere nka Genocide, agahanwa mu buryo bw’amategeko akarangiza igihano cye yagaruka muri sosiyete akigishwa akumva ko atikiranuye na mugenzi we baturanye agafata intambwe yo kwikiranura umwaka wose birakomeye. ”

Umuyobozi wungirije muri Komisiyo y’Ubumwe n’ubwiyunge UwimanaXaverine yavuze ko mu gihe icyaha cyakozwe ku mugaragaro ngo n’imbabazi zigomba gusabirwa ku mugaragaro zikanatangirwa ku mugaragaro kugira ngo zihabwe agaciro.Yanasabye abasabye imbabazi kwirinda abazibahaye kwicuza.

Yagize ati “ Mwe mwahawe imbabazi, icyaha cyakozwe ku mugaragaro, n’imbabazi zikwiriye gusabwa ku mugaragaro, zikanatangwa ku mugaragaro, bizatuma n’abo muturanye babona ko za mbabazi wahawe uzikoresha mu kubaka igihugu.Mugomba kubanira neza ababahaye imbabazi mwirinda kubakomeretsa ejo bitazaba intandaro yo kubasubiza inyuma bakicuza impamvu babababariye.”

Abishe bapfukamye basengerwa n’abo biciye


INKURU ZA :
Tanga Igitekerezo
Ibitekerezo 7
NELISA Kuya 24-08-2018

ese ko igitekerezo cyanjye mwakimize mwasanze harimo ikibazo ra!!!!

NELISA Kuya 24-08-2018

Gacinya , umva ngusubize nibyo koko twarababaye ndetse bikabije ntanuwa bihakana ariko reka nkubwire muvandi ntukagereranye abantu ngo ubashyire mu gatebo kamwe, ABAHUTU BOSE SI BABI ndetse no muri Genocide hari abishwe na bene wabo babaziza ko batagiye "Gukora " niko babyitaga icyo gihe ndetse si ukwirata ubwiko Jyewe n’umutware wanjye twarokowe n’abahutu, gusa umusaza waturokoye yaratabarutse ,ssinumva rero impamvu bamwe muri twe bavuga ko abahutu bose ari inyamaswa aho u rwanda rugeze aha ntawari ukwiye guhorwa ubwoko ngo asuzugurwe azira uwo ariwe cg ngo agire ipfunywe bibaye ari ibyo rero ntacyo ntacyo byaba bimaze .

Kimenyi Kuya 22-08-2018

Ibi ni byiza cyane ijuru barigeze kumuryango.
N’umututsi wumva yarihoreeye cg akaba yarahemukiye umuhutu nawe amusanjye yiranure nawe n’Imana,ubundi Sankara tumukubite.

Innocent Kuya 22-08-2018

Ibyo bigoryi!

Innocent Kuya 22-08-2018

Ibyo bigoryi!

Gacinya Kuya 20-08-2018

Ngo yishe umugore we?none aravuga ubusa!!,ubwose abwira abana be ko nyina yamuhoye ko ari umututsikazi? aba nahutu ni bikoko peee,bazirunge zange zibe isogo

biragoye Kuya 20-08-2018

biragoye wibutse ibyahabereye.birasharira peee

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...