konka coffee
KONKA

AMAKURU

UKWEZI

Bugesera: Abaturage bakoreye rwiyemezamirimo akabambura baratakambira ubuyobozi

Bugesera: Abaturage bakoreye rwiyemezamirimo akabambura baratakambira ubuyobozi
25-05-2018 saa 20:20' | By Akayezu Jean de Dieu | Yasomwe n'abantu 1249 | Ibitekerezo 2

Abaturage bakoreye rwiyemezamirimo wari ushinzwe kubakisha amashuri y’umushinga Plan Internation Rwanda, mu mirenge ya Ngeruka na Kamabuye yo mu karere ka Bugesera, baratabaza ubuyobozi bw’aka karerere nyuma yo kuva mu kwezi kwa Kanama 2017, kugeza uyu munsi bakiri kwishyuza aya mafaranga ndetse bakaba bari mu bibazo bikomeye by’amadeni bafataga ubwo bakoraga abandi bakaba barakurijemo ubukene bukomeye mu miryango yabo.

Aba baturage barimo abayede n’abafundi babwiye Ukwezi.com ko kugeza ubu inzego z’ibanze zose bazigejejeho iki kibazo ariko kugeza ubu bakaba batarigeze bahabwa ubufasha cyane ko bakomerewe n’ubuzima n’amadeni n’ubukene basigiwe no gukorera uyu rwiyemezamirimo.

Nduwayezu Charles utuye mu murenge wa Ngeruka avuga ko yakoze imirimo yo kubaka aya mashuri ariko kugeza ubu akaba arimo kwishyuza amafaranga bakoreye umwaka ushize batarayabona.

Mu kwezi kwa Kanama 2017, nibwo aba baturage batangiye kubaka aya mashuri, bahabwa akazi na kompanyi ya NSS Engeneering Construction ikora iby’ubwubatsi ikaba ihagarariwe n’uwitwa Abdul wari warahawe akazi n’uyu mushinga wa Plan International Rwanda wubaka aya mashuri.

Bivugwa ariko ko iyi kompanyi ya Abdul yaje kunanirwa gusoza imirimo y’ubwubatsi biba ngombwa ko Plan Internation imusaba ko yishyura abakozi hanyuma nawe akabona kwishyurwa ndetse akazi kagahabwa undi rwiyemezamirimo ushoboye. Uyu ngo yaje kubeshya abaturage ko amafaranga yayabashyiriye kuri konti zabo bagiye kureba basanga ntayo ari nabwo batangiye kujya kuri Plan Internation kubaza irengero rya rwiyemezamirimo wabakoresheje.

Ngirimana Didier wari umuyobozi ushinzwe abakozi (Chef de Chantier), yabwiye ikinyamakuru Ukwezi.com ko habayeho kumvikana hagati ya Plan Internation na rwiyemezamirimo Abdul bemeranya ko Abdul azana undi rwiyemezamirimo ushoboye ari nabwo yazanye uwitwa Hagenimana Irene

Uyu Hatangimana Irene avuga ko yaje kubaka aya mashuri ahawe akazi n’uwitwa Abdul wari uhagarariye iyi kompanyi yahawe iri soko ryo kubaka hano na Plan International Rwanda, gusa ngo uyu mushinga ntabwo waje kubahiriza ibyasinyiwe mu masezerano bagiranye kuko byaje kugera nyuma umwirukana muri aka kazi ushyiramo undi rwiyemezamirimo.

Irene avuga ko yabajije impamvu umushinga Plan International wafashe icyo cyemezo cyo kumuhagarika mu kazi ndetse ukaba utaranamwishyuye ngo bamubwira ko yajya kwishyuza Abdul wamuhaye akazi ariko ngo Abdul nawe kuri ubu ntawe yanze kumwishyura ndetse na telefone igendanwa yayikuyeho animuka aho yari atuye.

REBA HANO ABA BATURAGE BASOBANURA IBY’AKARENGANE KABO:

Kuri ubu ngo nawe yambuwe asaga miliyoni enye z’amafaranga y’u Rwanda (4,000,000Frw) ari mu mazi abira cyane ko ari abo yakoresheje atari yabishyura ndetse n’abagiye bamuha ibikoresho abizeza ko azabishyura nawe yishyuwe atarabishyura kugeza ubu.

Ku murongo wa telephone n’umukozi wa Plan Internation, Adam Kiberwa yabwiye Ukwezi.com ko nta byinshi yavuga kuri iki kibazo ahamya ko mu cyumweru gitaha bazaba bamaze gufata umwanzuro wacyo.

Ubuyobozi bw’akarere ka Bugesera ntibwabashije kugira icyo butangaza kuri iki kibazo dore ko ubwo twahamagaraga telefone n’umuyobozi w’akarere twasanze itariho ndetse n’umujyanama wa komite nyobozi twavuganye yavuze ko we ntacyo yatangaza ahubwo dukwiye gutegereza meya akaba ariwe ugira icyo abivugaho.


INKURU ZA :
Tanga Igitekerezo
Ibitekerezo 2
Saïdi Kuya 26-05-2018

Ariko reta yabuze umwanzuro ifatira barwiyemezamirimo?cg abatanga amasoko nabo babigiramo uruhari,baka ruswa Ababa babonye amasoko noneho Rwiyemeza mukugaruza yamafranga yatanze nibwo yambura abaturage,ugasanga byasakuje ariko nubundi Rwiyemeza ntibamufatire ibihano kuko bamwe mubayobozi aribo nyirabayazana.bikomeje gutyo tuzahora turira twe abaturage.ntibizakemuka.

yes Kuya 25-05-2018

byarwiyemeza mirimo biraha hanze byose nibitekamutwe ariko leta uzabifunga byose nibisambo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...