AMAKURU

UKWEZI

Burera: Babiri bashinjwa kwiba amafaranga koperative y’abahinzi b’ibirayi batawe muri yombi

Burera: Babiri bashinjwa kwiba amafaranga koperative y’abahinzi b’ibirayi batawe muri yombi
3-06-2018 saa 09:58' | By Akayezu Jean de Dieu | Yasomwe n'abantu 974 | Ibitekerezo 2

Abagabo babiri bo mu murenge wa Butaro bafashwe na Polisi y’u Rwanda ikorera mu karere ka Burera ku itariki ya 1 Kamena aho bakurikiranyweho ubufatanyacyaha mu kwabura koperative y’abahinzi b’ibirayi yitwa “Tuzamurane –Nyamicucu”.

Umuvugizi wa Polisi y’u Rwanda mu Ntara y’Amajyarugu Chief Inspector of Police (CIP) Hamdun Twizerimana yavuze ko abafashwe ari perezida w’iyi koperative witwa Hakizimana Jean Bosco uregwa kwambura abaturageamafaranga miliyoni 3 n’ibihumbi 250 n’uwari umwungirije ariwe Barabona JMV we uregwa kwambura amafaranga miliyoni 1 n’ibihumbi 560.

CIP Twizerimana yakomeje avuga ko aba bagabo; nk’abayobozi ba koperative y’abaturage ; bajyaga bahabwa amafaranga n’abacuruzi ndetse n’izindi nzego zinyuranye kugira ngo bagurire abaturage umusaruro w’ibirayi mu kagari ka Nyamicucu mu ikusanyirizo aho bahurizaga hamwe umusaruro wabo.

CIP Twizerimana yagize ati:” aba bagabo bafataga ibiraye by’abaturage bakabishyira ababibatumye hanyum,amafaranga bakishyirira mu mifuka yabo ntibishyure abaturage ahubwo bakababeshya ko amafaranga ntayo bahawe bazishyurwa nyuma.
Umuvugizi wa Polisi y’u Rwanda mu Ntara y’Amajyarugu yakomeje avuga ko abaturage bakomeje kubaza amafarangay’umusaruro w’ibirayi byabo hanyuma ikibazo bakigeza ku nzego zibishinzwe; hanyuma haza gukorwa ubugenzuzi muri iyi koperative ku itariki ya 29 Gicurasi.

Yakomeje agira ati:” ubu bugenzuzi bwagaragaje ko abayobozi b’iriya koperative bafataga umusaruro w’abaturage ariko ntibabishyure kandi barahawe amafaranga. Babonye bibakomeranye bashaka gutoroka ariko bafatwa bataragera ku mugambi wabo. Ubu bashyikijwe urwego rw’ubugenzacyaha-RIB kugira ngo bakurikirane ku byaha baregwa.

Yasabye abayobora amakoperative n’andi mashyirahamwe agamije guteza imbere no kuzamura imibereho myiza y’abaturage n’abandi banyamuryango kuzuza neza inshingano baba baratorewe bakirinda amakosa nk’ariya yo kwambura no kunyereza umutungo w’abaturage ko bihanwa n’amategeko.


INKURU ZA :
Tanga Igitekerezo
Ibitekerezo 2
HATANIMANA TURIMBARI Kuya 5-06-2018

MURAKOZE KUTUGEZAHO AMAKURU ASHUSHE

site Kuya 3-06-2018

muvuga ibyibirayi umujinya ukanyica nukuntu byakiniwemo none ubukene bukaba bwishe abantu

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...