konka coffee
KONKA

AMAKURU

UKWEZI
Minijust

Burera : Gitifu w’Umurenge afunzwe azira kwaka ruswa

Burera : Gitifu  w’Umurenge afunzwe azira kwaka ruswa
13-12-2018 saa 09:33' | By Vincent Nsengiyumva | Yasomwe n'abantu 3908 | Ibitekerezo 5

Umunyamabanga Nshingwabikorwa w’Umurenge wa Kinoni mu karere ka Burera Julienne Uwamahoro, yatawe muri yombi ashinujwa kwakirra ruswa yahabwaga n’umuturage washakaga ibyangombwa byo kubaka.

Gitifu Julienne Uwamahoro yatawe muri yombi n’inzego z’umutekano ku mugoroba wo kuri uyu wa Gatatu yakira ruswa y’amafaranga ibihimbi Magana abiri (200.000frw).

Umuvugizi w’Urwego rw’igihugu rw’ubugenzacyaha Modeste Mbabazi yahamirije Ukwezi.com amakuru y’itabwa murri yombi ry’ Umunyamabanga Nshingwabikorwa w’Umurenge wa Kinoni Uwamahoro, avuga ko ari mu maboko ya polisi.

Yagize ati “ Nibyo koko Gitifu Uwamahoro yatawe muri yombi ku mugoroba wo kuwa Gatatu yakira ruswa yari yasabye y’ibihumbi Magana abiri.”

Mbabazi akomeza avuga ko uyu muyobozi yari yateye ubwoba umuturage amubwira ko n’atamuha ayo mafaranga azamusenyera inzu yubakaga.

Kugeza magingo aya Gitifu Uwamahoro afungiye kuri sitasiyo ya Police iri mu Kagari ka Gahunga.

Ingingo ya 4 y’Itegeko ryerekeye kurwanya ruswa, ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose, kuri we cyangwa ku wundi muntu cyangwa wemera amasezerano yabyo kugira ngo akore cyangwa adakora ikiri mu nshingano ze cyangwa yifashishije imirimo ye kugira ngo gikorwe cyangwa kidakorwa aba akoze icyaha.

Iyo abihamijwe n’urukiko, ahanishwa igifungo kirenze imyaka 5 ariko kitarenze imyaka 7 n’ihazabu y’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’indonke yatse cyangwa yakiriye.


INKURU ZA :
Tanga Igitekerezo
Ibitekerezo 5
Niringiyimana vedaste Kuya 24-12-2018

Ikibazo si umushahara muto kuko ba gitif b’imirenge bari mubakozi bahembwa neza. Cyeretse iyaba uwo kukagari we byakumvika kuko bo bahembwa ubusa, ariko uwo kumurenge rwose ntibikwiye. Usibye ko nta mpamvu nimwe ikwiye gutuma umuyobozi yaka Ruswa.

Umulisa Kuya 21-12-2018

Julienne nahanywe kuko ukurikije uburyo amafaranga aboneka bigoranye kwaka umuturage amafara ga anganatyo yakagombye kubikora nk’inshingano!nahanywe ubundi avemunzira buriya haruwo Imana yasekeye ugiye kuva mubushomeri.gusa asebeje abadamu kukizere bagirirwaga cyo kutarya ruswa.

Umulisa Kuya 21-12-2018

Julienne nahanywe kuko ukurikije uburyo amafaranga aboneka bigoranye kwaka umuturage amafara ga anganatyo yakagombye kubikora nk’inshingano!nahanywe ubundi avemunzira buriya haruwo Imana yasekeye ugiye kuva mubushomeri.gusa asebeje abadamu kukizere bagirirwaga cyo kutarya ruswa.

ELISA Kuya 13-12-2018

Nyamara rero Leta yareba impamvu ituma abayobozi bo mu nzego z’ibanze bakomeje kwaka no kwakira ruswa
Jyewe ndakeka ko impamvu bari kuyaka cyane ari uko wenda umushahara wabo ari muke bityo bikaba bituma bashaka kwirwanaho ndo bucye kabiri, umuti nkaba kubwanjye mfite ubushobozi nabongeza

kiki Kuya 13-12-2018

umudiventiste wuzuye utagutabara no kwisabato nawe arya ruswase buno bukristo bwikigihe nidanger

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...