konka coffee
KONKA

AMAKURU

UKWEZI
ubumwe

Col. Byabagamba arasaba kurekurwa ngo gufungirwa mu kato byamugizeho ingaruka

Col. Byabagamba arasaba kurekurwa ngo gufungirwa mu kato byamugizeho ingaruka
22-05-2019 saa 14:43' | By Nsanzimana Ernest | Yasomwe n'abantu 4868 | Ibitekerezo

Urukiko rw’ ubujurire kuri uyu wa Gatatu rwatangiye kuburanisha ubujurire bwa Rtd Col. Tom Byabagamba, Brig. Gen. Frank Rusagara na Rtd Francois Kabayiza, bavuga ko bashaka kurekurwa by’ agateganyo.

Col. Tom Byabagamba yagaragaye yambaye impuzankano ya gisirikare, Rtd. Brig, Gen. Frank Rusagara na Rtd Kabayiza bagaragaye bambaye umwambaro w’icyatsi usanzwe uranga imfungwa za gisirikare.

Byabagamba yunganiwe na Me Gakunzi Vallerie, Rusagara yunganiwe na Me Buhuru Pierre Célèstin, mu gihe Kabayiza yunganiwe na Me Munyandatwa Milton.

Abaregwa bageze mu cyumba cy’ urukiko saa mbili za mu gitondo. Abacamanza batatu n’Umwanditsi w’Urukiko bageze mu cyumba k’iburanisha saa 9h15 Umucamanza asubiramo ibyaha baregwa ndetse banakatiwe ibihano bitandukanye.

Mu mwanya wo gutanza inzitizi mu rubanza, Ubushinjacyaha bwavuze ko abaregwa bakerewe gutanga impamvu z’ ubujurire, buvuga ko bazitanze hashize umwaka kandi kujurira bitarenza iminsi 30.

Abaregwa bavuze ko tariki 31 Werurwe 2016 bakimara gukatirwa bahise bajurira kuko uwo munsi bavuze ko batemeranya n’ imikirize y’ urubanza.

Byabagamba, ati “Impamvu z’ubujurire, twarazitanze kuko tutemeranyije n’imyanzuro urukiko rwafashe. Izindi zose zaba zishingiye aho, indi mpamvu yaruta iyo ni iyihe? Ngira ngo ahari umuntu niyo yaba adafite icyo avuga mu rukiko yagombaga kuvuga kugira ngo ahakane gusa’”.

Me Munyandatwa Milton wunganira Sgt (rtd) Kabayiza yavuze ko inzitizi z’ubushinjacyaha zigamije gutinza urubanza kuko butifuza ko umukiliya we arekurwa.

Yavuze ko umukiliya we afite uburwayi butamworoheye kandi ngo n’ubusanzwe yakatiwe igihano cy’imyaka itanu ku buryo hasigaye amezi make ngo kirangire. Asanga ubushinjacyaha ntacyo buhomba ku kuba yakwangirwa kujurira.

Brig Gen (Rtd) Frank Rusagara yabwiye abacamanza b’Urukiko rw’Ubujurire ko aho afungiye afashwe nabi mu buryo bunyuranyije n’amategeko.

Uyu mugabo wahoze ari umusirikare ukomeye, avuga ko imyaka afite n’ibyo yakoreye igihugu atari akwiye gufatwa mu buryo afashwemo aho afungiye kuko byamuviriyemo n’uburwayi.

Me Gakunzi Valelie wunganira Col Tom Byabagamba avuga ko umukiliya we agiye kuzuza imyaka itanu afungiwe mu kato kandi bitari mu mwanzuro w’Urukiko rukuru rwa gisirikare rwamukatiye.

Col. Byabagamba yavuze ko yifuza kurekurwa by’agateganyo kuko gufungirwa mu kato byamugizeho ingaruka.

Yabwiye abacamanza ati “Science yerekanye ko gushyirwa mu kato ari bibi cyane ku mubiri w’umuntu kurusha kunywa itabi.”

Abaregwa uko ari batatu basabye urukiko kubarekura by’ agateganyo, ubushinjacyaha bubwira urukiko ko ubwo bubasha bufitwe n’ urukiko rukuru rwa gisirikare rwababuranishije mbere.

Ku cyo kuba Col. Byabagamba avuga ko amaze imyaka 5 afungiye mu kato, kandi mu myaka 3 ishize urukiko rukuru rwa gisirikare rwarategetse ko akurwa mu kato agafunganwa n’ abandi. Ubushinjacyaha bwavuze ko Col. Byabagamba ari gukabya bwongeraho ko niba afunze binyuranyije n’ amategeko yakabaye arega abamufunze muri ubwo buryo bityo ngo ntibikwiriye kuzanwa muri uru rubanza.

Me Gakunzi wunganira Col. Byabagamba yavuze ko icyifuzo cya mbere basaba mbere yo gukomeza urubanza ari ugutegeka ko umukiliya we arekurwa by’agateganyo.

Ashingiye ku ngingo ya 105 y’igitabo cy’amategeko y’imiburanishirize y’imanza nshinjabyaha, yavuze ko kurekurwa by’agateganyo bishobora gusabwa aho urubanza rwaba rugeze hose.

Me Buhuru Pierre Celestin wunganira Gen Rusagara, na we yunze mu rya mugenzi we ko aho urubanza rwaba rugeze hose uregwa ashobora kurekurwa by’agateganyo mu gihe urubanza rukiri mu bujurire.


Byabagamba avuga ko arwaye umugongo, ngo aba agomba gukora imyitozo ngororamubiri ariko akazu afungiyemo ntabwo yayigakoreramo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...