konka coffee
KONKA

AMAKURU

UKWEZI
Minijust

Depite Habineza wiswe ingagi mbere ya Mwiseneza Josiane ati ‘Akazi karacyahari’

Depite Habineza wiswe ingagi mbere ya Mwiseneza Josiane ati ‘Akazi karacyahari’
7-02-2019 saa 16:07' | By Nsanzimana Ernest | Yasomwe n'abantu 4957 | Ibitekerezo

Depite Frank Habineza wiswe ingagi avuga ko ubwo na Mwiseneza Josiane nawe bamwise Ingagi Komisiyo y’ Igihugu yo kurwanya Jenoside CNLG idakwiye kwicara ngo inywe shampanye kuko akazi kagihari nubwo ibipimo bigaragaza ko ibintu bimeze neza.

Ati “Narababaye cyane uriya mwana Mwiseneza Josiane yiswe ngo ni ingagi, byahise binyibutsa ko nanjye banyise ingagi. Njyewe niswe ingagi n’ umukobwa witwa Chantal Rauch, narareze muri CID(itaraba RIB) barakurikirana barambwira ngo uwo muntu ni uwo ku mugabane w’ u Burayi , kubikurikirana biragorana”.

Frank Habineza wagereranyijwe n’ ingagi yiyamamariza kuba Perezida w’ u Rwanda, ubu ni umudepite mu nteko ishinga amategeko.

Mukiganiro yagiranye na Bwiza yavuze ko ikirego atigeze agihagarika ati “Nan’ ubu ndakifuza ko polisi y’ u Rwanda izashaka ukuntu nanjye mbona ubutabera. Kuko nakekaga ko iyo aba ari umukandida wundi twari duhanganye ntabwo byari kurangirira aho kuko babyise njyewe byarangiriye aho”

Muri 2017 ubwo Frank Habineza yiyamamarizaga kuba Perezida w’ u Rwanda nibwo uwitwa Chantal Rauch yamwise ingagi.

Rauch yanditse kuri facebook ati: “Njyewe rwose namufata akaba Perezida ya za Gorilla (Ingagi) zacu zo muri Park. Erega nazo zikeneye umuntu nkuriya.”

Depite Habineza yavuze ko Komisiyo y’ Igihugu y’ ubumwe n’ ubwiyunge ikwiye gushaka umuti kuko abantu bagifite indwara y’ amacakubiri.

Ati “Ejobundi mbonye uyu mukobwa wari ushyigikiwe n’ Abanyarwanda benshi watowe n’ abantu barenga ibihumbi 100 ku Isi yose nawe bamwise ingagi, ndavuga nti, no indwara irahari Komisiyo y’ Igihugu y’ ubumwe n’ ubwiyunge ikwiye gushaka umuti w’ abantu bafite amacakubiri”

Depite Habineza yavuze ko abafata abantu bakabita ingagi azi icyo baba bashaka kuvuga, asaba CNLG, NURC n’ abandi bashinzwe kurwanya Jenoside kuticara ngo banywe champagne bibwira ko ibipimo bihagaze neza ati “Amacakubiri aracyahari, akazi karacyahari”

Umuhanzi Alain Muku avuga ko kuba nyuma y’ imyaka 25 abantu barisanzuye mu itorwa rya Miss Rwanda 2019 bagatana bakazanamo iby’ amoko bivuze ko abahanzi bakwiye kurushaho gutanga ubutumwa burwanya ivangura.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...