konka coffee
KONKA

AMAKURU

UKWEZI

Diane Rwigara na nyina Adeline barekuwe by’agateganyo

Diane Rwigara na nyina Adeline barekuwe by’agateganyo
5-10-2018 saa 12:01' | By Vincent Nsengiyumva | Yasomwe n'abantu 9303 | Ibitekerezo 5

Urukiko Rukuru rwanzuye ko Diane Rwigara na nyina Adeline Mukangemanyi barekurwa by’agateganyo bakaburana badafunze.

Uyu mwanzuro ufashwe n’urukiko nyuma y’uko urubanza rwabo rwari rurimbanyije ababuranyi bakaza gusaba kongera bakaburana ifungwa n’ifungurwa ry’agateganyo.

Mu iburanisha riherutse,nibwo ababuranyi batunguranye basaba urukiko rukuru kurekurwa by’agateganyo ngo kuko imbogamizi zose zatumaga baburana bafunzwe
zavuyeho.

Kuri uyu wa Gatanu tariki 5 Ukwakira 2018 nibwo Urukiko rukuru twategetse ko Diane na nyina Adeline barekurwa bakazajya bakurikiranwa badafunze nk’uko bari babisabye mu iburana rishize.

Umucamanza yavuze ko mu iburanisha abaregwa basabye gufungurwa by’agateganyo kuko basanga nta mpamvu ituma baburana bafunzwe kuko mbere havugwaga ko babangamira iperereza ariko rikaba ryararangiye.

Yavuze ko iperereza ryarangiye ku buryo bataribangamira akaba ariyo mpamvu humviswe ubusabe bwabo bakazaburana badafunze.

Umucamanza kandi yavuze ko kuba ibyaha bashinjwa bikomeye bitagakwiye guteza impungenge z’uko bazatoroka ubutabera cyangwa ngo basibanganye ibimenyetso.

Umucamanza yavuze ko kuba impungenge zariho zigatuma bafungwa by’agateganyo zitakiriho, ubusabe bwabo bwakwemerwa ariko bakagira ibyo bategekwa kubahiriza.

Diane Rwigara ashinjwa gukora no gukoresha inyandiko mpimbano, agahurira n’umubyeyi we ku cyaha cyo kugambirira guteza imvururu cyangwa imidugararo muri rubanda.

Mukangemanyi we akiharira icyaha akekwaho cy’ivangura no gukurura amacakubiri.

Ibyishimo byari byose ku bo mu muryango n’inshuti z’abo kwa Rwigara


INKURU ZA :
Tanga Igitekerezo
Ibitekerezo 5
Burundi Kuya 6-10-2018

Eehh imana niyo nkuru kobarekuwe

Alex Kuya 6-10-2018

Imana niyo Mucamanza kd izibyose ikindi. Niyo itanga amahoro yo mumutima twagakoze neza tukazataha amahoro [ Imana ihabwe icyubahiro]

kiki Kuya 5-10-2018

Imana ishimwe rwose kuba bafunguwe.

kiki Kuya 5-10-2018

Imana ishimwe rwose kuba bafunguwe.

kiki Kuya 5-10-2018

Imana ishimwe rwose kuba bafunguwe.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...