konka coffee
KONKA

AMAKURU

UKWEZI

Diane Rwigara na nyina Mukangemanyi basabiwe gufungwa imyaka 22

Diane Rwigara na nyina Mukangemanyi basabiwe gufungwa imyaka 22
7-11-2018 saa 16:14' | By Vincent Nsengiyumva | Yasomwe n'abantu 3628 | Ibitekerezo 3

Mu gitodo cyo kuri uyu wa 7 Ugushyingo 2018, Diane Shima Rwigara n’umubyeyi we Mukangemanyi Adeline bongeye kwitaba urukiko nyuma y’iminsi barekuwe byagateganyo, basabirwa ko bafungwa imyaka 22 kuri buri umwe.

Mu iburanisha ryo kuri uyu wa Gatatu, Umushinjacyaha yatangiye yibutsa ibyaha baregwa birimo; guteza imvururu muri rubanda, gukurura amacakubiri, no gukwirakwiza ibihuha byangisha abaturage ubutegetsi buriho.

Yakomeje agaragaza ko Diane Rwigara aramutse ahamwe n’ibyaha akurikiranweho yahaniswa gufungwa imyaka 15 ku cyaha cyo guteza imvururu n’imyaka 7 ku cyaha cyo gukoresha inyandiko mpimbano.

Yanasabiye Adeline Mukangemanyi gufungwa imyaka 22 ku cyaha cyo guteza imvururu n’icyaha cy’ivangura no gukurura amacakubiri.

Me Gatera Gashabana wunganira Adeline Mukangemanyi Rwigara ni we watangiye ashinjura umukiliya we avuga ko ibyo aregwa byose bidafite ishingiro, ngo kuko ibyo bamushinja ari ukuganira n’abavandimwe be kuri telefoni, ibintu agaragaza ko ntacyo bitwaye kuko guteza imvururu bikorerwa mu ruhame.

Mu kwiregura kwe, Adeline Rwigara yavuze ko ibyo ashinjwa kuvuga yabibwiraga abavandimwe be atabibwiraga uruhame bityo ko gushyinjwa kuambirira guteza imvururu bihabanye n’ibyo yakoze.

Diane Rwigara ahawe umwanya yavuze ko nta cyaha yakoze mu gusinyisha abashyigikira kandidatire ye, ko imikono 600 yasabwaga yazanye 1200 ariko ngo bitari bihagije kuko kandidatire ye itifuzwaga, agahamya ko imikono yatanze yose yari yayisinyiwe.

Yakomeje avuga ko ibiganiro akurikiranyweho birimo amagambo yaze ubwo yagiranaga ibiganiro n’abanyamakuru byari mu rwego rwa politiki, ndetse ngo nta magambo yavuze atari ukuri.

Nyuma yo kumva impande zombi umucamanza yavuze ko imyanzuro y’urubanza izasomwa tariki 06 Ukuboza 2018.


INKURU ZA :
Tanga Igitekerezo
Ibitekerezo 3
mugabo Kuya 9-11-2018

Imanitabare uwomuryango kuko kuburumubyeyi muminsi mike bagasenyerwa bitaribagirana bagafungwa umuryango wose bataramaramo kabiri ibyabo bigatezwa cyamunara? Ubwo uretse gupfa igisigaye niki nukuri nuyu mushinja cyaha nareke kubakatira imyaka 22ahubwo abasabire urupfu. Kdi ndamusengeye mwizina rya Yesu ngo yifuriza imfubyi numupfakazi ntazasaze bitamugezeho ngoyumve uko imitima yimfubyi nabapfakazi imeze murikigihe

mugabo Kuya 9-11-2018

Imanitabare uwomuryango kuko kuburumubyeyi muminsi mike bagasenyerwa bitaribagirana bagafungwa umuryango wose bataramaramo kabiri ibyabo bigatezwa cyamunara? Ubwo uretse gupfa igisigaye niki nukuri nuyu mushinja cyaha nareke kubakatira imyaka 22ahubwo abasabire urupfu. Kdi ndamusengeye mwizina rya Yesu ngo yifuriza imfubyi numupfakazi ntazasaze bitamugezeho ngoyumve uko imitima yimfubyi nabapfakazi imeze murikigihe

justine Kuya 7-11-2018

uwabaha umwanya ngo mwumfirize mu nafotore msg z’abanyarwanda batandukanye, bahuye n’ikibazo cyokutagira icyo bumva kimwe na leta.urugero.RRA iri kumubarira ibihano byimisoro biruta umutungo afite anabona ko ayo atigeze ayatunga,umuntu wafunzwe kubera amakosa y’akazi ukuntu abasigaye batangira guhwihwisa mumu ryango ngo yashimuswe,reta yamugiriye ishyari ect.mwahita mumenya ko abo bantu ntakidasanzwe bakoze ahubwo babitewe na situation barimo(Kubura umubyeyi mu buryo abantu batarikuvugaho rumwe,bataramenya ukuri bumva ngo leta yafatiye imitungo ect..).bityo bibutse igihango baribafitanye n’u Rwanda niko kubwira abavandimwe ko mu rwanda zahinduye imirishyo.ni mubareke biyubake ibyo bibe amateka.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...