AMAKURU

UKWEZI
ubumwe

Dosiye ya (Major) Sankara wigambye gufata Nyungwe yashyikirijwe ubushinjacyaha

Dosiye ya (Major) Sankara wigambye gufata Nyungwe yashyikirijwe ubushinjacyaha
17-05-2019 saa 13:38' | By Nsanzimana Ernest | Yasomwe n'abantu 3693 | Ibitekerezo 3

Ubushinjacyaha Bukuru bw’ u Rwanda kuri uyu wa 17 Gicurasi 2019 bwatangaje ko bwamaze kwakira dosiye ya Nsabimana Callixte wamenyekanye nka Major Callixte Sankara.

RPPA yatangaje ibi nyuma y’ amasaha make , Urwego rw’ Igihugu rw’ Ubugenzacyaha RIB rweretse abanyamakuru Nsabimana Callixte.

Umuvugizi wa RIB Mbabazi Modeste avuga ko Sankara akurikiranyweho ibyaha birimo iterabwoba, ubusahuzi, ubwicanyi, no kurema umutwe w’ abagizi ba nabi.

RPPA yatangaje ko “Nsabimana Callixte azagezwa imbere y’ urukiko aburanishwe ku ifungwa n’ ifungurwa ry’ agateganyo nk’ uko biteganywa n’ itegeko”

Ibitero byaguyemo Abanyarwanda mu ntara y’ amagepfo byigambwe na Callixte Sankara aho yavugaga ko byakozwe n’ umutwe wa FLN yavugaga ko abereye umuvugizi. Ibi bitero byagabwe mu mwaka ushize wa 2018.

Ubwo Sankara yerekwaga itangazamakuru kuri uyu wa 17 Gicurasi 2019 , ntabwo yigeze avuga ahubwo Umunyamategeko we Me Nkundabarashe Moise biganye niwe wavuze.

Me Nkundabarashe yavuze ngo “Naganiriye nawe amasaha abiri uyu munsi, ameze neza”.

Tariki 30 Mata 2019 nibwo RIB n’ umuvugizi wa Guverinoma y’ u Rwanda Minisitiri Dr Sezibera Richard batangaje ko Callixte Sankara afunzwe na RIB.

Majoro Sankara yavugiraga mu itangazamakuru no kuri Youtube ko yafashe ishyamba rya Nyungwe.

Modeste Mbabazi ntiyabwiye abanyamakuru aho Sankara yafatiwe ndetse n’uburyo yagejejwe mu Rwanda kuko yashimangiye ko ibi ari bimwe mu bikigize ibikorwa by’iperereza no gukusanya ibimenyetso, abantu bakazagenda babimenya neza ubwo iburanisha rizaba ryatangiye. Icyakoze avuga ko aho umuntu yaba ari hose ku isi, ibyaha nk’ibyo Sankara ashinjwa byatuma hakorwa ibishoboka byose akagezwa imbere y’ubutabera.



Uyu munyamategeko wa Sankara ngo bariganye


INKURU ZA :
Tanga Igitekerezo
Ibitekerezo 3
Uwamahoro Kuya 20-05-2019

Uyu mugabo nahanwe byintangarugero kugira NGO nabandi nkawe barebereho bamenye ko igihugu cyacu cyitavogerwa inkiko nizumukatire urumukwiye. Murakoze

Bobo Kuya 19-05-2019

Uyu mugabo wiyise igihangajye kandi yoroshye agomba kubazwa byimbitse nibindi byose bakora n,icyo bashaka kugeraho

Habiba Kuya 18-05-2019

Imbwa nkiyi yishe abantu igahungabanya umutekano wigihugu ngo izaburana ifunga nifungurwa??ahubwo afungwe burundu kuko nibamurekura azatoroka asubire munyeshyamba. sha ntimukizere abantu nkaba

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...