konka coffee
KONKA

AMAKURU

UKWEZI
Minijust

Dr Byamungu wakoreye BRD n’ abana be bagiye gushyingurwa

Dr Byamungu wakoreye BRD n’ abana be bagiye gushyingurwa
9-01-2019 saa 10:13' | By Nsanzimana Ernest | Yasomwe n'abantu 10372 | Ibitekerezo 5

Umuryango w’ Abanyarwanda batanu baguye mu mpanuka y’ imodoka yabereye muri Uganda tariki 30 Ukuboza 2018 ugiye gushyungurwa. Gutinda gushingura byatewe n’ uko umugore wa Dr Byamungu Livingstone warokotse iyi mpanuka yari ataroroherwa.

Amakuru Ukwezi.rw twahawe n’ Umuryango wa Dr Byamungu ni uko umuhango wo gusezera bwa nyuma kuri Dr Byamungu n’ abana be bane uteganyijwe tariki 12 Mutarama 2019.

Mukagatare Dorcas , umugore wa nyakwigendera Dr Byamungu kuri ubu uri kuvurirwa I Kampala azaba yarorohewe ku buryo azitabira umuhango wo gusezera bwa nyuma ku bana be n’ umugabo we babyaranye abana batanu. Aba bana batanu bose bitabye Imana muri 2018 kuko imfura yabo yapfuye mu ntangiriro za 2018 abandi bane bagapfira rimwe na se mu mpanuka.

Iyi mpanuka yabaye ubwo Dr Byamungu wigeze kuba Umuyobozi ushinzwe ishoramari muri BRD yari ajyanye umuryango we gusura mukecuru wabo utuye I Masaka muri Uganda.

Musaza wa Mukagatare Dorcas niwe wari utwaye ya Dr Byamungu n’ umuryango we. Dan na mushikiwe nibo barokotse iyi mpanuka. Dorcas yari yagize ikibazo cy’ impyiko ariko Dan we nta kibazo gikomeye yagize.

Umuryango wa Dr Byamungu wari utuye Kimironko mu mujyi wa Kigali. Imirambo ya nyakwigendera yagejejwe mu Rwanda tariki 31 Ukuboza 2018, ubu iruhukiye mu buruhukiro bw’ Ibitaro byitiwe Umwami Faisal. Ikiriyo kibera Kimironko naho gushyingura bizabera mu irimbi rya Rusororo.

Inkuru bifitanye isano:

Byamungu n’ abana be bazashyingurwa ari uko umugore we yavuye mu bitaro

Byamungu wakoraga muri BRD n’ abana be 4 bapfiriye mu mpanuka muri Uganda


INKURU ZA :
Tanga Igitekerezo
Ibitekerezo 5
JOE Kuya 12-01-2019

Ntabwo imirambo iri Faisal ,iri ku bitaro bya Kacyiru

gatare Kuya 10-01-2019

Ndasubiza wowe witwa Mutimawurugo Claire.Humura ntabwo Famille Byamungu izajya mu Muriro utazima.Nkuko Abaroma 6:23 havuga,igihano Imana iha abantu bapfa bakoraga ibyo itubuza,ni URUPFU rwa burundu nta kuzuka ku Munsi wa Nyuma dutegereje.Naho abapfa bayumviraga,izabazura kuli uwo munsi,ibahembe ubuzima bw’iteka muli paradizo.Ni Yesu ubwe wabivuze muli Yohana 6:40.Umuriro uvugwa ahantu henshi muli Bible,ni ikigereranyo cyo "gupfa burundu utazongera kubaho" (symbolism).Urugero,Ibyahishuwe havuga ko na Satani azajugunywa mu Nyanja yaka umuriro.Nawe ubwawe uziko Satani ari ikiremwa cy’umwuka.Umwuka ntabwo ushobora gushya.Urundi rugero,Bible ivuga ko imijyi ya Sodom na Gomora yahanishijwe umuriro utazima.Bisobanura ko "yarimbutse burundu".Ntizongera kubaho.

karekezi john Kuya 10-01-2019

RIP my dear friend Byamungu.Yali akiri muto atarageza kuli 50 years.Ababanye nawe twese dushenguwe n’agahinda gakomeye.Yali inshuti yanjye,twarabanye kandi twarakoranye.Yagiraga umutima mwiza cyane.Ntabwo ari ukumurata,niko bimeze.Yize Agro-Business.Jyewe nk’umukristu,mwifurije kuzazuka ku munsi wa nyuma Imana ikamuha ubuzima bw’iteka.Ni Yesu ubwe wabivuze muli Yohana 6:40 yuko abizera Imana kandi bakayishaka izabazura.Tujye dushaka Imana cyane tugihumeka,ntitugahere gusa muli shuguri,akazi,politike,etc…Turapfa tukabisiga.

kampoza speciose Kuya 9-01-2019

Imana ibakire mubayo tuzahora tubibuka kd umuryango wabo ukomeze kwihangana

Mutimawurugo Claire Kuya 9-01-2019

Nyagasani aborohereze, azabarinde umuriro w’iteka, ahubwo azabatuze aheza yateguriye intore ze.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...