AMAKURU

UKWEZI
cheno 2020

Dr Francis washakishwaga n’ ubutabera yigaruye mu Rwanda

Dr Francis washakishwaga n’ ubutabera yigaruye mu Rwanda
13-12-2019 saa 07:11' | By Nsanzimana Ernest | Yasomwe n'abantu 3858 | Ibitekerezo

Minisitiri w’ Ubutabera akaba n’ intumwa nkuru ya Leta yatangaje Dr Francis Habumugisha washakishwaga n’ ubutabera bw’ u Rwanda kugira ngo hashyizwe mu bikorwa umwanzuro w’ urukiko rwisumbuye rwa Nyarugenge yigaruye mu Rwanda yishyikiriza urwego rw’ igihugu rw’ ubugenzacyaha RIB , Busingye ati “Ubutabera bugiye gukora akazi kabwo”.

Yabitangaje mu butumwa yashyize kuri Twitter buherekeje ifoto y’ uyu munyemari akaba na nyiri televiziyo Good Rich TV.

Dr Francis Hamugisha yari aherutse gushyira kuri Twitter ifoto ye agaragaza ko yibereye I Paris mu Bufaransa nyamara urukiko rwisumbuye rwa Nyarugenge rwaramukatiye gufungwa iminsi 30 y’ agateganyo mbere y’ uko urubanza aregwamo gukubita no kwangiza ikintu cy’ umuntu rutangira kuburanishwa mu mizi.

Mu kwezi 7 nibwo Dr Francis akekwaho kuba yarakubise umukobwa witwa Diane Kamali bari kumwe mu nama. Amashusho Diane Kamali yashyize ahagaragara yerekana ko yakubiswe n’ uyu munyemari.

Mu iburanisha Dr Francis n’ umwuganizi we mu mategeko babwiye urukiko ko ayo mashusho atagaragaza Dr Francis akubita Kamali Diane.

Mu butumwa uyu munyemari amaze iminsi atangaza agaragaza ko yatunguwe no kuba Diane Kamali yaramujyanye mu nkiko akavuga ko ikibazo cyabo bari barakirangije, bariyunga ndetse anamuriha telefone ye yamennye.

Iki kibazo kijya gutangira kujya mu itangazamakuru, Diane Kamali yanditse kuri twitter atabaza Perezida Kagame na Jeannette Kagame agaragaza ko yahohotewe na Dr Francis atanga ikirego muri RIB ntiyakurikirana uyu munyemari.

Icyo gihe Diane yibazaga niba umuntu ashobora kwitwaza ko ari umunyamafaranga agahohotera umuntu ntihagire ubimuryoza. Icyo gihe Perezida Kagame yasubije Kamali ko agiye gukurikirana iki kibazo, Diane Kamali akabona ubutabera.

Nyuma yaho nibwo Dr Francis yatawe muri yombi aburanishwa ku ifunga n’ ifungura ry’ agateganyo, urukiko rw’ ibanze rwa Nyarugenge rumurekura by’ agateganyo kuko yari yatanze ingwate.

Ubushinjacyaha ntibwanyuzwe n’ umwanzuro w’ urukiko rw’ ibanze rwa Nyarugenge bujuririra urukiko rwisumbuye rwa Nyarugenge rwo rutegeka ko afungwa by’ agateganyo iminsi 30. Uyu mwanzuro niwo wari utarashyirwa mu bikorwa kuko uyu munyemari yari yarasohotse igihugu anyuze inzira itemewe n’ amategeko (panya) nk’ uko biherutse gutangazwa na Minisitiri Busingye Johnston.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...