konka coffee
KONKA

AMAKURU

UKWEZI
Minijust

Eric watoraguwe 97 nyuma y’ uko DNA zerekanye ko umuryango yabonye atari uwe yabonye undi I Burera

Eric watoraguwe 97 nyuma y’ uko DNA zerekanye ko umuryango yabonye atari uwe yabonye undi I Burera
16-05-2019 saa 11:48' | By Nsanzimana Ernest | Yasomwe n'abantu 7495 | Ibitekerezo 14

Eric Nsengiyumva w’ imyaka irenga 20 uri gushakisha umuryango baburanye afite imyaka 2 nyuma y’ uko abonye umuryango mu karere ka Huye, ibizami by’ amasano DNA bikerekana ko ntasano afitanye nawo yabonye undi muryango mu ntara y’ amajyaruguru mu karere ka Burera.

Mu matariki 20 Werurwe 2019 nibwo uyu musore watoraguwe na CICR akayibwira ko yitwa Eric yatangiye gushakisha umuryango. Tariki 24 Werurwe 2019 uyu musore wahawe amazina ya Eric Nsengiyumva kugira ngo agire irangamimerere ryuzuye nibwo yahuye n’ umuryango wa Bagirayabo Anastase na Nyiraneza Yozefa bo mu Ntara y’ amagepfo mu karere ka Huye. Uyu muryango wumvise aho uyu mwana yatoraguwe ugendeye no kuba bajya gusa ukeka ko Eric ari umwana wawo.

Kugira ngo Bagirayabo Anastase na Nyiraneza Yozefa bizere nta shiti ko Eric Nsengiyumva ari umwana wabo bagiye muri Rwanda Forensic Laboratory, bampimisha amasano yabo. Ibisubizo bya DNA byasohotse tariki 12 Mata 2019 byerekanye ko Eric Nsengiyumva nta sano afitanye n’ umuryango wa Bagirayabo.


Eric Nsengiyumva na Adeline bikekwa ari mushiki we

Inshuro zose Eric Nsengiyumva yaganiraga na UKWEZI yavugaga ko atizeye 100% ko uyu muryango wo mu magepfo ari uwe. DNA imaze kugaragaza ko nta sano bafitanye, Bagirayabo yavuze ko agiye gukomeza kubana na Eric nk’ umwana we nubwo nta sano bafitanye.



Eric Nsengiyumva n’ uwo akekwa ko ari Nyirarume

Eric Nsengiyumva kuri uyu wa 16 Gicurasi 2019 yatangarije UKWEZI ko hari umuryango wo mu karere ka Burera mu majyaruguru y’ u Rwanda wavuze ko ari umwana wawo. Gusa nawe ngo yumva ahamanya n’ umutima we ko uwo muryango wo mu majyaruguru ariwo we.

Mukaruyange Bujeniya , wemeza ko ari nyirakuru wa Eric Nsengiyumva, avuga ko umwuzukuru we yaburiye I Sake muri Kongo mu 1997 ubwo bahungukaga basubira mu Rwanda.

Yabwiye UKWEZI ko umukobwa we witwa MUKABAZIRAMWABO Jiliseriya yarimo amesera imyenda mu nkambi ya Sake, umwana we imyaka ibiri amuhaga. Jiliseriya ngo ntiyamenye igihe uyu mwana yagendeye bamubura ubwo baramushaka baramuheba.

Ibyo Mukaruyange ashingiraho avuga ko Eric Nsengiyumva ari umwuzukuru we. Agira ati “Adufasheho neza rwose ibimenyetso byacu byose arabifite. Hari ahantu yari afite umusatsi ugeze mu gahanga, amano ye gameze nk’ aya se n’ uruhanga, na mushikiwe muno mu maso barasa neza neza. Tureba n’ amano n’ intoki dusanga byose ari kimwe”.

Uyu mukecuru avuga ko Se w’ umwuzukuru yitwa NABAYO. Uyu mugabo ngo aba muri Kongo Brazzaville. Kuko muri uko nguhunguka yaburane n’ umugore we Jiliseriya. NABAYO yashatse undi mugore muri Kongo Brazzaville na Jiliseriya nawe yageze mu Rwanda abengukwa n’ undi mugabo barashakana. Magingo aya Jiliseriya aba muri Uganda niho yashakiye.


Eric Nsengiyumva n’ uwo akeka ko ari mushikiwe Adeline bari batwite ubwo yaburaga

Umwana babuze yari afite imyaka 2 bamwitaga Nshimiyimana yari atarabatizwa. Bakekwa ko niba yaratoraguwe avuga ko yitwa Eric iryo zina yavuze ari irya nyirarume.

Umwana babuze afite nyirarume witwa Eric Ndereyimana uba hanze y’ u Rwanda, niwe wabonye amakuru y’ uyu musore ari gushaka umuryango ayoherereza nyina MUKARUYANGE.

Eric Nsengiyumva avuga ko Eric Ndereyimana yamwoherereje ifoto ye yayikubita amaso akumva umutima uhise umubwira ko bafitanye isano.

Eric Nsengiyumva n’ uyu muryango wo mu majyaruguru uvuga ko badakeneye gihamya ya AND kuko ibimenyetso bafite bihagije kugira ngo bamwakire nk’ umwaka wabo.

MUKABAZIRAMWABO Jiliseriya uba muri Uganda bivugwa ko ari nyina w’ uyu musore ngo yumvise ko umwana we yabonetse ashaka guhita ajya ku mureba ariko agira impungenge ko ashobora kutemererwa guca ku mupaka w’ u Rwanda na Uganda kubera umubano utifashe neza hagati y’ ibi bihugu.

Eric watoraguwe muri 1997 yashyize ahagaragara ifoto ye ngo arebe ko yabona umuryango we

Eric waburanye n’ umuryango mu 1997 yongeye kuwubona gihamya isigaye ni ADN

Umuryango wa Bagirayabo washidikanyije ku bisubizo bya DNA kuwo ukeka ko ari umwana wabo


INKURU ZA :
Tanga Igitekerezo
Ibitekerezo 14
fkari Kuya 18-05-2019

eric gabanya kwiyamamaza mubinyamakuru shaka umuryango wwe witonze ujye wigirira nibanga

Isirikoreye Kuya 17-05-2019

Hoya Eric uzayikoreshe nibyo byiza kandi Uwiteka agukomeze

tete Kuya 17-05-2019

nta test icyenewe pe nihashimwe Imana yo inaduha amaraso yimiryango yacu hakazamo agasura umuryango nuyu pe

florence Kuya 17-05-2019

oya eric we ibyiza mwa confirma kuko nuriya mugore wambere mwarasaga cyane peee njye bakivugango DNA yabonye nta sano nahise mvugako bibeshye yego nabo murasa pe ariko byaba byiza mwizeye 100% keretse niba urambiwe gushakisha ukaba utinya ko uzasanga atariwe
merci gusa cash nikibazo ariko ocle azashake 300$ mubikore noneho munywe mwishime mu sure

Umutoni Kuya 17-05-2019

Yewe nanjye hano ndabona musa pe ndabona nta DNA ikenewe rwose!Ndumva umuryango wawe aruyu pe

Eva Kuya 16-05-2019

Sha barasavinga neza neza. Aha ADN nizidakunda nanjye nzarya ifiriti zitogosheje. Kuko wagira ni petit frere wa uncle we. Muahikiwe nawe amatama namwe Mbese wa mugani wa Eric ADN ni ugutanga umugabo w’icyenda.

Anyway Bonne chance Bro. Kabisa Uwiteka akube hafi ubone famille yawe

Vava Kuya 16-05-2019

Sha Uwiteka Yehova wakurinze iyi myaka yose , ntiyananirwa kukugeza m’umuryango wawe pe! gusa uzamwiture kumukorera umukiranukira umukorere kuko azaguha nibirenze kubona umuryango wawe ! azaguha ugingo BW’ ITEKA!!!! gusa nibona ubushobozi uzashinge association ifasha abadi bana bafite Bene ibi bibazo, nkabatabwa naba nyina kubushake, ....., tuzagushyigikira pe!

Eddie Kuya 16-05-2019

Yeah!
Test yo ni ngombwa ariko Imana mukore ibitangaza umwanya abone umuryango.

uwase winny nicole Kuya 16-05-2019

ko wagirango ni film irigukinwa ibi bintu sinabyemera ngo nta DNA test ntayo ashaka uuuuuu

Desire bahati Kuya 16-05-2019

Ubu she ibizamini bindi byaba ar’iby’iki ijisho ntiriguha? Reba abo ba Eric bombi umwana na nyirarume then it’s up to you guys to make your own judgements

Kundwa amani Kuya 16-05-2019

Imana igushyigikire agence,, inkuru yawe irambabazaaaaa nkabura uko ngira

Vuganayo Kuya 16-05-2019

Ubu she ibizamini bindi bikenewe byaba ari iby’iki ijisho Nyiriguha? Reba abo ba Eric bombi umwana na nyirarume

Kundwa amani Kuya 16-05-2019

Imana igushyigikire agence,, inkuru yawe irambabazaaaaa nkabura uko ngira

Eric Kuya 16-05-2019

Murakoze cyane ,buriya uwiteka yakoze ibitangaza kuko ni ubwa mbere igitima kidiha kuri nge mbonye ifoto kuba duhuza byose niyompamvu nta test ikenewe

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...