konka coffee
KONKA

AMAKURU

UKWEZI
Minijust

G.S.O.Butare yirukanye abanyeshuri 10 banduje ameza bariraho

G.S.O.Butare yirukanye abanyeshuri 10 banduje ameza bariraho
5-02-2019 saa 22:38' | By Nsanzimana Ernest | Yasomwe n'abantu 3428 | Ibitekerezo 18

Ishuri rya Groupe Scholaire Officiel de Butare ryirukanye 10 ibyumweru 3, ababyeyi bati ‘igihano kiraremereye ugereranije ni ikosa’, Ikigo cy’ Igihugu Uburezi REB kivuga ko bitemewe kwirukana umunyeshuri mu masomo hagati.

Tariki 27 Mutarama nibwo iki kigo kirukanye aba banyeshuri 10. Umunyeshuri wiga kuri iki kigo yavuze ko ikosa bagenzi be bakoze ari ukwandika ku meza ijambo ENJOY bakoresheje umuceri , abandi bakabyandika bakoresheje igikoma.

Umwe mu babyeyi bafite abana muri aba 10 birukanywe yavuze ko igihano cyahawe aba banyeshuri kiremereye kuko baba bishyuye minerval yuzuye none ngo umwana we agiye kumara hafi igihembwe cyose atiga.

Undi mubyeyi yavuze ko iki kigo gikwiye kwihanganira ikosa abana bakoze. Ati “Bakwiye kumenya ko abo barera ari abana atari abantu bakuru”

Aba babyeyi bavuga ko aho kugira ngo iki kigo bizeraga kirukane abanyeshuri hagati mu masomo cyakabaye cyaratumyeho ababyeyi bakishyura ibyo abo banyeshuri bangije aho kubirukana.

Dr Irené Ndayambaje, Umuyobozi Mukuru w’ Ikigo cy’ Igihugu cy’ Uburezi REB yabwiye TV1 ko bitemewe kwirukana umunyeshuri mu masomo hagati.

Yagize ati “Hari abayobozi b’ ibigo bakora amakosa. Urabizi ko dushyiraho uburyo bwo kujya ku mashuri intara zigomba kugenda, aba amajyepfo, Iburasirazuba, iburengerazuba n’ Amajyaruguru inzego zose zikaba zibizi, nyuma y’ iminsi 10 ugahura n’ umunyeshuri muri gare ngo bamuhaye week-end. Nta muyobozi w’ ishuri ukwiye kwirukana umunyeshuri atamuhaye umubyeyi we. Akwiye gutumaho umubyeyi bakaganira ku ikosa umunyeshuri yakoze , byananirana umwana agatahana n’ umubyeyi”.

Ndayambaje yavuze ko umuyobozi w’ ikigo wirukanye umunyeshuri adatumyeho umubyeyi ngo ariwe ujya ku ishuri abiryozwa kuko nta cyakwemeza ko uwo munyeshuri utashye atari kumwe n’ umubyeyi aragera mu rugo.

Iki kigo cyirinze gutangaza mu itangazamakuru icyo bajijije aba banyeshuri gusa mu mpapuro zirukana aba banyeshuri handitsemo ko birukaniwe kwanduza no kwangiza mu buriro bityo ko bemerewe gusubira ku ishuri tariki 16 Gashyantare.


INKURU ZA :
Tanga Igitekerezo
Ibitekerezo 18
Annualité Kuya 7-02-2019

Ariko rero nano twumve neza ibyo REB ivuga, ntago banze ko birukana abana bakoze amakosa, banze ko birukana abana batagejejwe muntoki zababyeyi . Ubundi se iyo birukanye abana gutyo mumenya aho ko bageze imuhira amahoro . Tuvane uburakari mubihano dufatira abana bacu dushyiramo ubushishozi

Isimbi Kuya 7-02-2019

Ese guhana umwana niryo kosa? Aha ikibazo si abana ahubwo ndumva ari ababyeyi babo. Nawe se ikosa rikomeye ni irihe iryoshye se ryo ni irihe? Mureke ku mashuri barere abana namwe mufatanye niba byanze babahamagare mugeyo, nimutaboneka aribwo bababoherereza. Naho ubwo mugiye kwereka abana ko batsinze abayobozi b’ishuri, ko ari bo bari mu kuri! Narumiwe koko! Mureke GSO bayizahure imaze igihe yarangiritse. Mwihangane pe

Rwatangabo Kuya 7-02-2019

ibyo ikigo cyakoze nibyo kuko kubirukana biza tuma nabandi ba bitekerezaga bata zongera.ahubwo ni bindi bigo bibi fatireho urugero(kubera bajeyi nti bi kwiye)

Rwatangabo Kuya 7-02-2019

ibyo ikigo cyakoze nibyo kuko kubirukana biza tuma nabandi ba bitekerezaga bata zongera.ahubwo ni bindi bigo bibi fatireho urugero(kubera bajeyi nti bi kwiye)

Christian Kuya 6-02-2019

Guhana abana burya biba bwikwiye

Natete Kuya 6-02-2019

Ihorere mwana wanjye, cira aha nikubite! Ntimujya mubyumva se ngo bamureze bajeyi! Abana rwose bahanwe gukora ibitubaka babivemo, ejo heza twaba duhari cyangwa tudahari ariko Igihugu kibe gifite abantu bafite umuco uzira urugomo. Nkuko nta muti uryoha ni nako nta gihano kigomba gusetsa. Ese koko nk’abo bana ni ibitambambuga kuburyo batari bamenya gutandukanya icyatsi n’ururo peee!!!!!

natete Kuya 6-02-2019

umuco mubi ni uwo kwamagana. Naho umubyeyi wishyura yose umwana akigira zezenge yihangane ruri hose kandi birababaje. Ihorere ihorere, ihorere mwana wanjye, cira aha nikubite,........! Ese nkabo bana ni iyihe message bashakaga gutambutsa niba atari urugomo! Umunyarwanda ati igiti kigororwa kikiri gito. REB rwose mutureberere atari nka nyirakuru ngo niwe urera bajeyi kuko we aba yaracuze , abana bo muza bukuru akababembereza ngo batamuvumbukana.

jojo Kuya 6-02-2019

erega numvise ababyeyi b’ababana bavuga ngo babahereye abana ibihano bikabije, nyine barababoherereje ngo babishyirire kumurongo. ubwo bwirasi se bwo kumena ibiryo abandi bashonje babureke cg ababyeyi babo babajyane kubindi bigo. ibyo mwakoze nibyo bayobozi beza.

Gashikazi gashumba Kuya 6-02-2019

Aruko muranyumvira bahu??? Ngo bari gutumaho ababyeyi bakishyura ibyo izo mbwa zangije?? Birababaje kabisa. Njyewe nshyigikiye bene biriya bihano ni byo bizaca ubuhararumbo ki ishuli. Naho umubyeyi wumva ko umwana we yakora ibyo ashaka, kwangiza ibikoresho rusange by’ishuli, ngo we azaza yishyure, ahubwo we namugira inama yo kubaka ishuli rye. Mu mashuli nabadacamo akanyaro ka bamwe mu bana b’abakire nta reme ryabaho

Claude Kuya 6-02-2019

Njye ndumva umunyeshuli ugira ikinyabupfuba atakagombye kwandika ku meza nigikoma. icyo gihano rwose kirakwiye abo babyeyi batemera igihano bashigikiye abana babo mu makosa, bagomba kumvako umuyobozi wikigo aba agomba kurera abana abaha ikinyabupfura.

Kankazi Kuya 6-02-2019

Jye nshyigikiye umuntu wese uhana umuntu utagira ikinyabupfura!!Ku bwanjye ndifuza ko mu mashuri haba discipline nk’iyo mu gisirikare!!Uwo mwana utangiye kwandikisha igikoma ku meza, hari abicaye mu rugo batarabona ibigo na nubu bi umurengwe!!!!Rwose REB nireke kuvangira abayobozi b’ibigo n’abana muri rusange kuko umwana ukora ibyo niwe ujya no muri toilette agasiga ayangije!!Nibahanwe rwose kandi by’intangarugero

Katia Kuya 6-02-2019

Ikibazo gituma abana b’ubu bigize indakoreka ni uko bahabwa ibihano abakabaye bafasha abarezi kugorora abana bakaba ari bo babavuganira. Ubwo se mu minsi iri imbere umunsi azaba ari bo bayobozi, bazaba bifashe bite muri institutions bazaba bakorera???? Nzaba mbarirwa!!! Mukomeze mumrere bajeyi muzambwira icyo bizatanga!

Uwamariya Kuya 6-02-2019

Ireme ry’ uburezi rizazamba kujyeza igihe REB izumvako kujenjekera abana nta musaruro bitanga ibaze ngo umwana ntahanwe nadahanwa azumva uburemere bwikosa yakoze ryari????

Mucyo Kuya 6-02-2019

Iyo ibyobyana banabikubita ahubwo. Kujenjekera ibyana nk’ibyo ni kimwe mubyangije uburezi. Usigaye ubona ibyana by’ubu nta discipline bigira, byikorera ibyo byishakiye. Uburezi butagira uburere ntacyo bumaze.

Yvonne Kuya 6-02-2019

Kuki ahandi hose ibihano biremereye bifatwa Ariko byagera mu burezi mugashaka gucisha abarezi amazi. Uzarebe mu misoro, mu muhanda ibihano birimo cg mu bucuruzi aho ukora agakosa gato bakaguca ibihumbi 100 ugasubira ku isuka!!!! Sinzi aho kujenjekera abana bizatugeza. REB nireke kubyivangamo ahubwo abo babyeyi bajye ku ishuri bahure n’ubuyobozi babatakambire bagabanyirizwe igihano. Twe niko byagendaga. Naho guteza ishuri ababyeyi ntago ari byo

Yvonne Kuya 6-02-2019

Kuki ahandi hose ibihano biremereye bifatwa Ariko byagera mu burezi mugashaka gucisha abarezi amazi. Uzarebe mu misoro, mu muhanda ibihano birimo cg mu bucuruzi aho ukora agakosa gato bakaguca ibihumbi 100 ugasubira ku isuka!!!! Sinzi aho kujenjekera abana bizatugeza. REB nireke kubyivangamo ahubwo abo babyeyi bajye ku ishuri bahure n’ubuyobozi babatakambire bagabanyirizwe igihano. Twe niko byagendaga. Naho guteza ishuri ababyeyi ntago ari byo

Remeryuburezi Kuya 6-02-2019

Congz GSOB , ndabakunda kuko nanjye uburere n’ubumenyi mwampaye nibyo byambyariye ubwenge ndetse mumfasha no kwiha agaciro muri societe, nibakore uburezi ndetse bakore uburere nibyo bizabagira abantu

Guillaume Kuya 6-02-2019

Ubu nibwo burezi dukeneye, naho ibyo kuvugako ntakwirukana umwana mu masomo hagati njye ndumva ntabyemera. Ubundi igihano kiberaho kubabaza uwakoze ikosa, gukumira, ndetse no kugirango uwakoze ikosa abone umwanya wo kuritekerezaho. Niba aba banyeshuri ndetse n’ ababyeyi babo bumva bababajwe no guhomba amasomo kW’ Ababa, bizatuma bafata ingamba zo gutuma amakosa nk’ aya yongera kubaho. Naho ibyo kujenjekera uburezi ni cyo gituma Irene ry’ uburezi ripfa. G s o njye ndabashigikiye kuri iki gikorwa cyo gukumira amakosa kubandi banyeshuri mwakoze.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...