konka coffee
KONKA

AMAKURU

UKWEZI

Gakenke: Abanyeshuri bahawe igikoma kirimo umunyu, ubajije impamvu arakubitwa bikomeye

Gakenke: Abanyeshuri bahawe igikoma kirimo umunyu, ubajije impamvu arakubitwa bikomeye
2-05-2018 saa 20:34' | By Akayezu Jean de Dieu | Yasomwe n'abantu 6148 | Ibitekerezo 10

Ku kigo cy’Urwunge rw’amashuri rwa Nemba (GS Nemba) giherereye mu murenge wa Nemba, akarere ka Gakenke mu Ntara y’Amajyaruguru, haravugwa umuyobozi w’iki kigo witwa Nshimiyimana Protogene wagaburiye abanyeshuri igikoma kirimo umunyu, umwe muri bo abajije impamvu umukubitagura inshyi kuri ubu akaba amerewe nabi cyane.

Ibi byabaye mu gitondo cyo kuri uyu wa Gatatu tariki 2 Gicurasi 2018, ubwo abanyeshuri bajyaga ku ishuri nk’uko bisanzwe bagahabwa igikoma cya mu gitondo gusa ngo uyu munsi igikoma bahawe cyari kirimo umunyu abanyeshuri baracyanga ari nabwo umwe muri bo yaje kubizira.

Uwakubiswe ni umwana w’umukobwa wigaga mu mwaka wa kabiri w’amashuri yisumbuye akaba afite imyaka 15.

Umwe mu barimu bigisha kuri iri shuri utashatse ko amazina ye akoreshwa mu itangazamakuru yabwiye Ukwezi.com ko uyu muyobozi yakubise uyu mwana w’umukobwa amujijije ubusa cyane ko yari amuketse ko yavugaga iby’iki gikoma kirimo umunyu batekewe.

Yagize ati “Ni ukuvuga ngo nk’uko bisanzwe abana bagera mu kigo bagasubiramo amasomo (Bagakora etude) barangiza bakanywa igikoma bakabona ubusubira mu ishuri kwiga, ariko uyu munsi babatekeye igikoma kirimo umunyu abana banga kukinywa barasohoka, basohotse diregiteri arongera arabinjiza abasubiza mu ishuri ababwira ati byabaye ariko n’ubundi nta kintu mwarenzaho, ariko hari akana k’agakobwa kavugaga ngo iki gikoma noneho bashyizemo amata, ari kubibwira mugenzi we ariko uwo mugenzi we yarimo amusubiza ko ari umunyu nuko diregiteri abona barimo bajyujyura (bongorerana), nuko ahita amukubita urushyi mu matwi “

Yakomeje agira ati “Yamukubise urushyi ahita abyimba ako kanya umwana baragenda bamukingirana mu ishuri barazinzika noneho nka saa munani babonye bikomeye bamujyana kwa muganga bamuha ibinini ariko kugeza n’ubu umwana amerewe nabi ariko kwa muganga bamusezereye”

Ababyeyi b’uyu mwana babwiye Ukwezi.com ko bagejeje ikibazo cyabo kuri Polisi naho uyu mwana w’umukobwa we kuri ubu akaba yavuye mu bitaro aho ari gukurikiranwa ari iwabo ariko ngo ntakiri kubasha kumva neza n’ubwo abaganga bamuhaye imiti.

Hari amakuru agera ku kinyamakuru Ukwezi.com avuga ko uyu Diregiteri Protogene atari ubwa mbere avugwaho gukubita abanyeshuri dore ko ngo yabaye umuyobozi kuri APRODOSOC Nemba, aha naho ngo yahakubise umwana w’umunyeshuri baramufunga nyuma ngo abana banditse urwandiko rumusabira imbabazi n’umuyobozi ushinzwe imyitwarire asinyaho bayijyana kuri polisi iramufungura hari kandi ngo no kuri GS Kirebe yabayeyo umuyobozi naho ngo yahakubise umwana.


INKURU ZA :
Tanga Igitekerezo
Ibitekerezo 10
uwera Kuya 8-05-2018

njye ndareba nkasanga atari ururushyi gusa ahubwo mushakishe neza amakuru hari ikindi kibyihishe inyuma

samuel ndorimana Kuya 7-05-2018

uwo mudiregiteri bamukatire imyaka ingana niyuwo munyeshuro yakubise

samuel ndorimana Kuya 7-05-2018

uwo mudiregiteri bamukatire imyaka ingana niyuwo munyeshuro yakubise

kayitare Kuya 4-05-2018

ese diregiteri yabaye perefe de discipline ryari nahanwe bikaze ahubwo ese arumwana we badishye yaceceka ra

gqg Kuya 4-05-2018

ANACLET na MARCOP namwe mubogamiye kuri Directeur. Iyo azakuba ari umwana wanyu se mwari kuvuga gutya? Ibi ni urugomo buvanzemo ubugome n’ubwibone. Hari ibiryo bijyamwo umunyu, hari naho utajya. Aho gushyiramo umunyu wabireka, ubishoboye akishyiririmo isukari utabishoboye akacyinyweraho. Ariko nabwo ubuyobozi bugasobanura impamvu amafaranga agura isukari yabuze. KANDI mumenye ko umunyu ari mubi cyane, ukurura indwara nyinshi, harimo no gutuma za concer nyinshi zuririra kubaryi b’umunyu cyane. None ngo ni amatiku. UMUNYU KWERI MU GIKOMA? AKAGA KABAHO. BAMWIRUKANE.

Che Kuya 4-05-2018

Ivun igufa ntivun ingeso !none s’ ubwo yamujiji iki ? Kurera se n ugumubita ??!
Ngaho mwarangiza ngo n umuco !! N imico mibi ibaho ,
Leta yagakuyeho ibubasha bwose kubarezi n abarimu ubwo bubasha bihaye bwo gukubita nako uwo Muco !

Anaclet Kuya 3-05-2018

Ibi ni amatuku!!!gukubita umuntu urushyi!!!uri diregiteri ukaba wabizira!!!bakurikirane neza bamenye icyibyihishe inyuma,ubushishozi bwagaragaza ubyihishe inyuma.

Anaclet Kuya 3-05-2018

Ibi ni amatuku!!!gukubita umuntu urushyi!!!uri diregiteri ukaba wabizira!!!bakurikirane neza bamenye icyibyihishe inyuma,ubushishozi bwagaragaza ubyihishe inyuma.

Marcop Kuya 3-05-2018

Ibi ni amatiku, ubwo se uko ni ukurera, yakubiswe urushyi arabyimba, ubu muri mwese ninde utarakubitwa urushyi, uyu mu diregiteri bamugendaho, kuko kujya kwa mugansa saa munani ari abantu babigiyemo hanyuma bakosha umwana ngo bakurikirane Diregiteri, ibi kandi bizagira ingaruka ku ireme ry’uburezi niba hatabayeho gukebura abana bigira akari aha kajya he. ahhaaaaaaaaaaaaa

john Kuya 2-05-2018

mbona mu Rwanda haba umuco wo kudahana umuntu wirirwa akubita abana agakomeza agakora ubutaha nakubita umwana akamwica nibwo muzamenya ko ari hatali

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...