AMAKURU

UKWEZI
pax

Gasana Fidèle yarongoye nyuma y’ibyumweru bibiri asezeye Ubupadiri

Gasana Fidèle yarongoye nyuma y’ibyumweru bibiri asezeye Ubupadiri
20-08-2020 saa 15:23' | By UKWEZI | Yasomwe n'abantu 8688 | Ibitekerezo 7

Padiri Gasana Fidèle wakoreraga umurimo w’Imana muri Paruwasi Cathédrale ya Butare nyuma akaza gusezera mu Busaseridoti, yasezeranye imbere y’amategeko n’umukunzi we.

Gasana yasezeranye n’umukunzi we mu buryo bwemewe n’amategeko mu Murenge wa Kanombe mu Mujyi wa Kigali kuri uyu wa Gatatu tariki ya 19 Kanama 2020.

Yahoze abarizwa mu bapadiri ba Diyoseze ya Butare nyuma y’uko ahawe isakaramentu ry’Ubusaseridoti mu 2018. Yize mu Iseminari Nto ya Virgo Fidelis de Karubanda.

Yavukiye mu Karere ka Nyaruguru mu Murenge wa Nyagisozi mu 1987. Mu ntangiriro za Kanama 2020 nibwo yasezeye muri uyu murimo wo kogeza inkuru nziza y’Imana.

Bivugwa ko ifite avuga ko mbere yo gusezera mu busaseridoti yabanje kuburirwa irengero mu gihe cya Guma mu Rugo, nyuma akaza kugaruka.

Uyu Gasana ngo mu gihe cya Guma mu Rugo yigeze kubura nk’ukwezi kose ari i Kigali. Nyuma yaje kugaruka arongera asoma Misa ariko Musenyeri amusaba ibisobanuro.

Mu byumweru bibiri bishize nibwo yasezeye kuri Musenyeri ahita yigendera.

Akoze ubukwe akimara kuva mu gipadiri nyuma y’uko mugenzi we Padiri Rebero Jean Damascène wahoze ari Umunyamabanga w’Umushumba wa Diyoseze Gatolika ya Butare, Musenyeri Rukamba Philippe, na we yasezeye mu mu ntangiriro za Gicurasi 2020, nyuma yaho muri Nyakanga 2020 ahita arongora.

Mu mwaka wa 2019 mugenzi wabo witwa Nambajimana Donatien wahoze ari umupadiri muri Diyoseze ya Cyangugu na we yarushinze akimara kubivamo.


INKURU ZA :
Tanga Igitekerezo
Ibitekerezo 7
Nepo Kuya 25-08-2020

Ntabwo iyi nkuru ariyo kwishimira pe !uko byamera kose birababaje kdi Kriziya irimo kugusha ishyano ritoroshye,ntawamenya impamvu ituma bavamo buriya nibo babizi,cyakora Nyagasani abarinde,bakomeze bibereho.

rukundo Kuya 22-08-2020

bonne mariage mon me

Benon Kuya 22-08-2020

ntibyoroshye ahaa nzabambarirwa Sha ntacyomwijeje too ziriya ndahiro !?!

Benon Kuya 22-08-2020

ntibyoroshye ahaa nzabambarirwa Sha ntacyomwijeje too ziriya ndahiro !?!

UKWIYEKUBAHO Augustin Kuya 21-08-2020

Ko mbona bitoroshye Umwaka umwe cathedral imwe ikabura abapadiri 3.Nugukushaka impamvu irimo kubitera pe

kgli Rwanda Kuya 21-08-2020

felicitation Fidele urugo ruhire
Imana ibiteho kdi muzubakire urugo rwanyu ku Imana .naho ibindi bavuga nibikangisho.
mwebwe muzayoboke Imana umuremyi

JOJO Kuya 20-08-2020

ARIKO YASHATSE MANSERA ? GUSA AHO KUBESHYA IMANA YAGENDA AKAVAMO KDI BISHOBOKA KO YAGIYEMO ARI UMWANA ATABITEKEREJEHO NEZA WENDA AFITE UBUZIMA YARAHUNZE, NKUBUSHOMERI NIBINDI,NYUMA AGASANGA ATARIWO MUHAMAGARO, GUSA ZIRIYA NDAHIRO ZIRAKAZE WE NUMUGORE WE NTIBIZABAGWA AMAHORO AKENSHI IYO BAVUYEMO IMANA IBAKUBITA AKANYAFU

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA