AMAKURU

UKWEZI

Gicumbi: Umugore yishe umugabo we amutemaguye n’umuhoro

Gicumbi: Umugore yishe umugabo we amutemaguye n’umuhoro
16-06-2018 saa 18:40' | By Akayezu Jean de Dieu | Yasomwe n'abantu 10629 | Ibitekerezo 8

Umugore witwa Hafashimana Genevieve w’imyaka 45 utuye mu mudugudu wa Karama, akagari ka Mbare mu murenge wa Rukomo ho mu karere ka Gicumbi aravugwaho kwica umugabo we amutemesheje umuhoro. Harakekwa ko intandaro ari amakimbirane yari muri uyu muryango

Uyu mugore uvugwaho kwica umugabo we bari bafitanye abana batandatu yabikoze mu ijoro ryo ku wa Gatanu rishyira ku wa Gatandatu tariki 16 Kamena 2018. Nyakwigendera akaba yitwaga Nzitakuze Evaliste.

Abaturanyi b’uyu muryango babwiye ikinyamakuru Ukwezi.com ko uyu aba bombi bari bafitanye amakimbirane ahanini aterwa n’ubusambanyi bw’umwe muri bo rero ngo umugabo yatashye mu ijoro ryakeye araryama umugore nawe aza kubyuka afata umuhoro aramutemagura mu mutwe kugeza apfuye.

Umunyamabanga Nshingwabikorwa w’umurenge wa Rukomo, Mbarushimana Prudence yahamirije ikinyamakuru Ukwezi.com aya makuru, avuga ko abaturanyi b’uyu muryango babwiye inzego z’ibanze n’iz’umutekano ko muri uyu muryango hari hasanzwe harimo amakimbirane ariko ubuyobozi bukaba butarabimenyeshejwe mbere ngo bukumire.

Gitifu yakomeje avuga ko muri uyu murenge batari basanzwe bafitemo ibi bibazo by’amakimbirane ashingiye ku buharike ahanini ibibazo bakunze kwakira ngo ni ibishingiye ku mitungo. Yanasabye abaturage kujya batanga amakuru mbere mu gihe babonye ahantu hari amakimbirane mu miryango

Uyu mugore uvugwaho kwivugana umugabo we yafashwe muri iki gitondo ajyanwa kuri sitasiyo ya Polisi ya Byumba aho agiye gukorwaho iperereza kuri iki cyaha akekwaho cyo kwica uwo bashakanye.

Nyakwigendera Evaliste wari ufite imyaka 42 y’amavuko, umurambo we wahise ujyanwa mu bitaro bya Byumba gukorerwa isuzuma.


INKURU ZA :
Tanga Igitekerezo
Ibitekerezo 8
Bampiriye Emelyne Kuya 3-07-2018

Abantu batakaje ikizere cyo kubaho, kugera aho umuntu yica undi ntabwo biba bitunguranye ahubwo nubundi babana umwe yumva ateze urupfu kuwundi. Aho kubaho gutyo rero buri wese yaba ukwe ariko adapfuye.

Bampiriye Emelyne Kuya 3-07-2018

Abantu batakaje ikizere cyo kubaho, kugera aho umuntu yica undi ntabwo biba bitunguranye ahubwo nubundi babana umwe yumva ateze urupfu kuwundi. Aho kubaho gutyo rero buri wese yaba ukwe ariko adapfuye.

Bampiriye Emelyne Kuya 3-07-2018

Abantu batakaje ikizere cyo kubaho, kugera aho umuntu yica undi ntabwo biba bitunguranye ahubwo nubundi babana umwe yumva ateze urupfu kuwundi. Aho kubaho gutyo rero buri wese yaba ukwe ariko adapfuye.

sibomana sympathy Jean Claude Kuya 22-06-2018

uyu mugore rwose ahanwe n’amategeko murakoze

UWAMUNGU JEAN BAPTISTE Kuya 18-06-2018

Birababaje ni iminsi yimperuka tugezemo.
Bibiliya ivuga ko abantu bo muri iyo minsi
bazaba ari indashima, batuzura badakunda
n’ababo. Natwe dusigaye tutaragerwaho
n’amakuba nkaya, twinjire vuva mu nkuge ya
Yesu ariko gakiza ke aduha k’ubuntu.

jean pierre Kuya 17-06-2018

birababaje nukuri pe gs abana bagiye kubipfubyi twaihangane tubane neza mumahoro, birababaje murakoze.

777/999-R/E-G/G Kuya 16-06-2018

Nsuhuje Abanyamakuru b’Ukwezi.com ndetse n’Abasomyi bagenzi banjye, amahoro!

Abagabo barica Abagore babo, Abagore nabo n’uko, Abana nabo ntibasigaye!!
Kugeza n’ubwo Abayobozi nabo basigaye bihekura; ndavuga bamwe mu basirikare mu ngabo z’u Rwanda basigaye bica abo bashakanye!
Eseko mbona byabaye icyorezo cg se virusi, umuti ni uwuhe, urukingo ni uruhe?
Nugutangira amakuru kugihe? cg nugukumira bitaraba? Nuguhana byintangarugero nk’igihano cy’urupfu kikagaruka cg se nukwigisha abagize umuryango bakajya bahabwa amahugurwa ndetse n’impamyamibanire buri muryango wose mu gihugu? Ese ubundi ibi biterwa n’ubukene, n’ubukire c cg nugukunda ibintu by’agakabyo? harya ngo nogucana inyuma no gufuha!!
Banyamakuru, Bayobozi, namwe Bayoborwa hakorwe iki kugirango ibi bintu nibuze bigabanuke umuryango nyarwanda utuze utunganirwe iterambere twifuza ribashe kugenda neza?
MUTUVUGUTIRE UMUTI DUTUZE TWUMVIKANE TWUBAKE EJO HEZA TWIFUZA.
Murakoze

KAKA Kuya 16-06-2018

abagore nibo batangiye akazi se kandi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...