AMAKURU

UKWEZI

Gikomero : Abimuriwe mu midugudu baravuga imyato ubuzima bushya babayemo

Gikomero : Abimuriwe mu midugudu baravuga imyato ubuzima bushya babayemo
21-11-2018 saa 08:06' | By Muhizi Olivier | Yasomwe n'abantu 1533 | Ibitekerezo 2

Abaturage bimuriwe mu mudugudu w’icyitegererezo wa Gikomero mu Karere ka Gasabo bavuga ko ubuzima bwabo bufite icyerekezo nyuma yo kuvanwa mu manegeka bari batuyemo bagahabwa amazu meza, gusa ngo harri ibyo bakibura nabyo bizeye ko leta izabibagezaho.

Ibi babihamirije Ukwezi.com kuri iki Cyumweru tariki 18 Ugushyingo 2018 ubwo abibumbiye mu muryango ’GohelpeMe Foundation’ babasuraga bagafasha abana bato batuye muri uyu mudugudu, bakabaha imyambaro n’inkweto.

Murebwayire utuye muri uyu mudugudu wari usanzwe atuye mu murenge wa Rutunga inzu yaramusenyukiyeho ashima ubuzima abayemo nyuma yo kuvanwa ahantu hari gushyira ubuzima bw’umuryango we mu kaga.

Yagize ati ” Ubu buzima turimo butanga icyizere ugereranyije n’ubwo twarimo mbere, gusa haracyari byinshi bikitugoye. N’ubwo ubu dufite aho kurambika umusaya
,ubuzima bwa hano ntibworoshye n’uguhiga higa ,ntakintu dukora uretse uturima twasigaye ku mpande hafi y’inzu ,ubu kubona amakaye y’abana biba bigoranye nawe urabizi ubuzima iyo ntacyo ufite ukora uko buba bumeze."

Akomeza ashimira abagiraneza baturutse mu muryango wa GohelpeMe Foundation babazirikanye bagafasha abana babo .

Nkuriyingomba uyobora umudugudu wa Runyinya urimo uyu mudugudu w’icyitegererezo nawe ahamyako ubuzima aba baturage barimo atari bwiza ariko agashima bagira neza babafasha.

Yagize ati ” Aba baturage ntakintu gifatika bagira bakora ,kandi urabizi umuntu atungwa n’icyo akora .Ubu uyu mudugudu utuyemo abantu 252 bose babayeho uko uretse guhinga mu turima duto twasagutse hafi y’inzu."

Uturima duto dusaguka inyuma y’inzu bahawe nitwo bahingamo ariko bakatugaya ubuto

Mbereyimfura Donatien uyobora GohelpeMe Foundation avuga ko batangiye ibikorwa byo gutanga ubufasha ari urubyiruko rwishyize hamwe batangira basura abantu kwa muganga badafite ubushobozi nyuma baza kugira igitekerezo cyo gusohoka mu bitaro batangira no gusura abatishoboye hirya no hino.

Yagize ati ” Twatangiye mu mwaka wa 2018 muri Gicurasi dusura abantu bafite ibibazo cyane cyane twibanda mu bitaro. Ubu twatangiye dufasha abana batoya n’abantu bakuze cyane ,ubu twafashije abana 50 tubaha imyambaro n’inkweto ,ndetse turimo gukusanya inkunga kugirango nibura tuzafasha abana 20 tubarihire amashuri tubakurikirana buri kimwe yaba imyambaro y’ishuri n’ibindi bakenera kU ishuri. “

Aba ni abana batuye muri uyu mudugudu bafashije

Umwana yashyikirizwaga imyenda yo kwambara n’inkweto zo kwambara shobora no kujyana kwishuri

Iyi Foundation igizwe n’abantu 51 bakora ibikorwa bitandukanye byo gufasha amafaranga bakoresha akaba ava mu bwitange bwa buri muntu mubayigize.

Bamwe mu bagize iyi Foundation bifotoranya n’aba bana nyuma yo kubaha ubufasha


INKURU ZA :
Tanga Igitekerezo
Ibitekerezo 2
Celine Kuya 22-11-2018

Uwo muryango wabafashije imana iwuhe umugisha

Tuyizere Jean Pierre Kuya 21-11-2018

Nibyiza gufasha Ababa,ariko nanone ndanenga abo bagiye gufasha abana bambaye imyenda icitse mumavi!ese abo bana nabo imyenda bazabaha ntibazayica mumavi kujyirango bigane abo baterankunga!?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...