konka coffee
KONKA

AMAKURU

UKWEZI

Gisagara: Abarerera mu kigo gifasha abana bafite ubumuga baratabariza umuterankunga wabo

Gisagara: Abarerera mu kigo gifasha abana bafite ubumuga baratabariza umuterankunga wabo
15-06-2018 saa 18:21' | By Akayezu Jean de Dieu | Yasomwe n'abantu 2409 | Ibitekerezo 5

Bamwe mu babyeyi barerera mu kigo ‘Amizero y’Ubuzima’ kita ku bana bafite ubumuga bwo mu mutwe giherereye mu kagari ka Kibirizi, Umurenge wa Kibirizi mu karere ka Gisagara ho mu Ntara y’Amajyepfo baratabariza Umuzungu w’Umudange witwa Dr. Bernd Bierbaum bavuga ko ariwe washinze Umuryango Nterankunga ‘We For Rwanda’ anabereye umuyobozi mukuru unafite mu nshingano iki kigo bivugwa ko kigiye gufungwa n’ubuyobozi biturutse ku makimbirane arimo yakomotse ku kuba uwari umukozi muri iki kigo kuri ubu ashaka kucyambura uyu muzungu akakiyitirira.

Dr. Bierbaum avuga ko yashinze iki kigo ‘We For Rwanda’ nyuma kikaza kuvukamo uyu muryango wita ku bana bafite ubumuga ariko ngo nyuma yaje kujya iwabo muri gahunda ze agarutse asanga uwo yari yarasize mu kazi ari Umunyamabanga we witwa Mushimiyimana Laurette yarafashe iki kigo agishakira ibindi byangombwa bimwanditseho we n’umugabo we.

Uyu muzungu ngo yumvishe ko bigenze gutya afata umwanzuro wo kugaruka mu Rwanda gufunga iki kigo no kwambura uburenganzira bwose uyu mugore, gusa ngo binyuze mu biganiro yagiranye n’Ubuyobozi bw’akarere ka Gisagara ikigo ntabwo yagifunze ahubwo yasigaranye iki kibazo cy’uko uyu mugore akomeje kukiyitirira.

Ni ibintu byagize ingaruka zikomeye ku babyeyi barereraga muri iki kigo ‘Amizero y’Ubuzima’ cyane ko kuri ubu aho bamwe muri aba babyeyi bavuga ko bari mu gihiirahiro bibaza aho bazajyana abana babo nk’uko byagaragajwe n’umwe mu babyeyi waganiriye n’Ikinyamakuru Ukwezi.com utarashatse ko dutangaza amazina ye

Uyu yagize ati “Twahabajyanye twarabuze ahandi tubaganisha kuko nta kindi kigo na kimwe muri aka karere gishobora gukora nk’ibyo bakorera abana bacu ubu bavuye mu bwigunge bashobora gukora imirimo itandukanye”

Yakomeje avuga ko uwari umuyobozi w’iki kigo ari nawe ushyirwa mu majwi ku kiyitirira nyuma yo gushaka kucyambura umuzungu, Laurette Mushimiyimana nyuma yo kuzana muri iki kigo umugabo we Mudaheranwa Ethiene (utarakoraga muri icyi kigo ni umuganga ukora ahandi) byatangiye kugaragara ko umugore yakoraga amakosa atandukanye nyuma aza kwirukanwa muri iki kigo gusa ngo kubera umwanya ukomeye afite mu buyobozi bw’akarere ka Gisagara yatangiye gushora umuzungu mu manza kuva muri za 2011.

Yakomeje agira ati “Kuva muri 2016 kugeza ubu amushora mu manza akomeza no kumusebya ibintu byinshi bitandukanye yifuza kumurakaza no kumutesha umutwe ngo yigendere. Kugeza aho kuwa 08/05 yaje agafunga ikigo by’ agateganyo mu gihe ategereje ko umuyobozi w’ Akarere n’ izindi nzego yagejejeho ikibazo ( RGB, umuyobozi w’ inama y’ Igihugu y’ Abafite ubumuga mu Rwanda ( NCPD) , babikurikirana kugeza bikemutse zikamusezeranya ko aba agaruye abana mu gihe biri gukurikiranwa” Dr. Bernd Bierbaum washinze ikigo ’We For Rwanda’ n’Umuryango Nterankunga ’Amizero y’Ubuzima

Nk’uko bigaragara mu ibaruwa dufitiye kopi uyu muzungu yandikiye Ikigo cy’Igihugu cy’Imiyoborere, RGB, ku wa 20 Gashyantare 2018, uyu muzungu yasabaga RGB kumufasha gukemura ibibazo by’amakimbirane no kutavuga rumwe hagati ye n’uyu Mushimiyimana Laurette.

Uyu muzungu kandi yandikiye (Ibaruwa tuyifitiye kopi) Urwego rw’Igihugu rw’Ubugenzacyaha arusaba gukurikirana iki kibazo cy’ubwambuzi avuga ko ari gukorerwa n’uyu munyarwandakazi

Madamu Mushimiyimana Laurete, mu kiganiro yagiranye n’ikinyamakuru Ukwezi.com yashimangiye ko ibivugwa n’uyu muzungu n’abamuri iruhande ntaho bihuriye n’ukuri avuga ko afite n’inyandiko zigaragaza imanza zose bagiye baburana kandi akamutsinda.

Ikindi kandi Laurette avuga ko usibye kuba baranyuze mu mategeko akamutsinda, ngo uyu muryango ‘Amizero y’Ubuzima’ ni Umuryango Nyarwanda wigenga kandi washinzwe n’abanyarwanda ari nayo mpamvu uyu muzungu atagakwiye kuwiyitirira kuko ufite ubuzima gatozi kandi unafite ba nyirawo.

Gusa ngo Laurette akeka ko impamvu uyu muzungu yaba yarashatse gufata uyu muryango ‘Amizero y’Ubuzima akawita uwe ni uko yawuteraga inkunga binyuze mu muryango we witwa ‘We for Rwanda’ ariko ngo kuwutera inkunga ntabwo bivuze ko ari uwe.

Ibyo kuba ari umukozi w’Inama Njyanama y’akarere ka Gisagara, Laurette avuga ko ntaho bihuriye no kuba yari umukozi w’uyu muzungu akaza kumwirukana mu buryo butemewe n’amategeko, aha kandi ngo nyuma yo kumwirukana baraburanye aramutsinda kuri we ngo ntabwo mu rukiko yigeze ajyanamo ko ari visi Perezida w’Inama Njyanama mu karere runaka.

Hari andi makuru kandi agera ku kinyamakuru Ukwezi.com avuga ko uyu muzungu yashatse guhagarika ibikorwa bye muri uyu muryango ndetse no kuwuhagarika burundu ariko icyo gihe inzego bwite za Leta ziramwangira kuko zasanze nta shingiro afite ryo guhagarika umuryango Nyarwanda wanashinzwe n’abanyarwanda we akaba yari asanzwe ari umuterankunga


INKURU ZA :
Tanga Igitekerezo
Ibitekerezo 5
Kwizera Patrick Kuya 21-06-2018

Ariko tuzaba mu buzima busimbuza agaciro k’Abanyarwanda amafaranga y’abakoloni kugeza ryari koko? uyu utangiye kuvuga ngo Mayor aramushigikiye atabariza abaturage, nibura azi icyo inkiko zanzuye mu myanzuro irenga 8 mu manza zose zabaye kuri iki kibazo?? nta marangamutima dukeneye, dukeneye ukuri kabone n’ubwo wakubwira umuzungu. Ikindi, Mayor uretse no kuba ari umuyobozi ushyira mu gaciro kdi ureberera inyungu z’Abanyarwanda, ntabo yigeze arengera uriya Mudame kubera ko nta rubanza yigeze aca, yewe ntiyanabaye umutangabuhamya. Mureke gusebya abayobozi rero ku nyungu zanyu bwit mwitaje abaturage. Ibi ni nko kubona ikirura kirya intama umuntu yakivugiriza induru acyirukana ukamubwira ngo yaretse kikirira ko kidahinga!! Tuve mu marangamutima turebe ukuri twimika agaciro kacu. Njye iki kibazo nakimenye 2016 kandi ndetse byari byaratinze kwirukana uriya mukoloni. Ndashimira ahubwo uriya Mudame Laurette wemeye guhara akazi ariko akanga akarengane no kwambura agaciro abanyarwanda.

Kwizera Patrick Kuya 21-06-2018

Ariko tuzaba mu buzima busimbuza agaciro k’Abanyarwanda amafaranga y’abakoloni kugeza ryari koko? uyu utangiye kuvuga ngo Mayor aramushigikiye atabariza abaturage, nibura azi icyo inkiko zanzuye mu myanzuro irenga 8 mu manza zose zabaye kuri iki kibazo?? nta marangamutima dukeneye, dukeneye ukuri kabone n’ubwo wakubwira umuzungu. Ikindi, Mayor uretse no kuba ari umuyobozi ushyira mu gaciro kdi ureberera inyungu z’Abanyarwanda, ntabo yigeze arengera uriya Mudame kubera ko nta rubanza yigeze aca, yewe ntiyanabaye umutangabuhamya. Mureke gusebya abayobozi rero ku nyungu zanyu bwit mwitaje abaturage. Ibi ni nko kubona ikirura kirya intama umuntu yakivugiriza induru acyirukana ukamubwira ngo yaretse kikirira ko kidahinga!! Tuve mu marangamutima turebe ukuri twimika agaciro kacu. Njye iki kibazo nakimenye 2016 kandi ndetse byari byaratinze kwirukana uriya mukoloni. Ndashimira ahubwo uriya Mudame Laurette wemeye guhara akazi ariko akanga akarengane no kwambura agaciro abanyarwanda.

kayiranga Aimable Kuya 20-06-2018

Abavuga abazungu nti mubazi ibyo. Uwo mudage wasazwe Ni ingengabitekerezo ya mpatsibihugu,politiki y’ivangura no kwiba nkuko bigaragara mu nyandiko nyinshi twiboneye,nta muterankunga umurimo.U Rwanda si igihugu gikeneye bene abo rwose.abashaka amakuru mubaze aho kubeshya kuko ikibazo cy’uwo muzungu kirazwi hose no mu nzego za Leta Ni ibimenytso birahari

Amizero Kuya 18-06-2018

Mbabajwe cyane no kubona uyu Muzungu w’umuterankunga akomeje gusebya no guharabika Laurette MUSHIMIYIMANA. Ese ko uyu Muzungu yatsinzwe mu manza, akajurira nabwo agatsindwa, kuki akomeje gushyira mu majwi Laurette.
Ahubwo Uyu Muzungu yari Rusahurira mu nduru, abonye baramutahuye ashaka gufunga ikigo umuntu wese umuzi yabihamya. uyu ntamuterankunga umurimo rwose. Leta ibe maso ahubwo kuko badupfunyikira ikibiribiri batubeshya ngo batera inkunga, byahe!!!!

Mahoro peace Kuya 18-06-2018

Gisagara rwose iragowe,ibi byose mayor ubiri inyuma akingira ikibaba uwo mugore kugira ngo amukingire ikibaba muri njyanama afatanije na pres wa njyanama.Rwose inzego zibishoboye zitabare abaturage kuko uriya muzungu yafashaga abana bafite ubumuga

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...