konka coffee
KONKA

AMAKURU

UKWEZI

Gusambanya abana mu byaha biri ku isonga, mu mwaka hakirwa ibirego bisaga igihumbi

Gusambanya abana mu byaha biri ku isonga, mu mwaka hakirwa ibirego bisaga igihumbi
22-10-2018 saa 19:19' | By Jean Claude Habimana | Yasomwe n'abantu 1004 | Ibitekerezo

Komisiyo y’Igihugu y’Uburenganzira bwa Muntu yatangaje ko nibura buri mwaka bakira ibirego bisaga igihumbi by’iganjemo iby’abana basambanyijwe ku ngufu batararuzuza imyaka y’ubukure.

Iyi Komisiyo yabitangaje kuri uyu wa Mbere tariki ya 22 Ukwakira mu kiganiro bagiranye n’itangazamakuru.

Nirere Madeleine Umuyobozi Mukuru wa Komisiyo y’Igihugu y’Uburenganzira bwa Muntu yavuze ko mu birego bakiriye ibyinshi byiganjemo iby’abana bafatwa ku ngufu, abakozi badahembwa , abakozi bakubitwa bakanamburwa utwo bakoreye, n’abakozi batubahwa nk’ibiremwamuntu n’abandi.

Akomeza avuga ko hari n’ibirego bijyanye n’uburenganzira ku mitungo, ihohoterwa rishingiye ku gitsina, uburenganzira ku burezi, n’abakozi bahohoterwa bakora mu ma Hoteli.

Iyi komisiyo kandi ivuga ko hari ingeri z’abantu badahabwa agaciro aho uburenganzira bwabo butubahirizwa harimo abasaza n’abakecuru bageze mu za bukuru, ndetse n’Abanyarwanda bafite ubumuga bukomatanyije, aho usanga muri servisi nyinshi bahezwa cyangwa bagahohoterwa mu miryango babamo.

Iyi komisiyo igaragaza ko hari umubare munini w’Abanyarwanda batazi uburenganzira bwabo ndetse abenshi ntibanasobonanukirwe ko bahohotewe, gusa ngo hari ingamba zafashwe n’iyi komisiyo ku buryo mu mwaka wa 2024 nibura 80% by’Abanyarwanda bazaba bazi uburenganira bwabo.

Kuri Raporo zagiye zivugwa n’imiryango mpuzamahanga ku Rwanda ko haba bari abanyarwanda bafatwa bagakubitwa abandi bagakorerwa iyicarubozo by’umwihariko abazunguzayi mu Mujyi wa Kigali, n’abandi bafungirwa muri sitasiyo za Polisi, RIB yavuzez ko atari byo kuko ubu hasigaye hakoramo abasobanukiwe uburenganzira bwa muntu.

Umuyobozi wungirije w’Urwego rw’igihugu rw’Ubugenzacyaha RIB, yashimangiye ko nta muntu ugikubitwa cyangwa ngo akorerwe iyicarubozo kubera ibyaha ashinjwa, ahubwo ko ashyikirizwa ubutabera.

Komisiyo y’Igihugu y’Uburenganzira bwa Muntu ivuga ko igiye kurushaho kwegera abaturage ibasobanurira uburenganzira bwabo, bifashishije amahugurwa mu nzego zose ndetse n’Itangazamakuru.

JPEG - 77.3 kb

Nirere Madeleine, Umuyobozi Mukuru wa Komisiyo y’Igihugu y’Uburenganzira


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...