AMAKURU

UKWEZI

Guverineri Gatabazi yahishuriye ibanga abifuza kuzavamo abakinnyi bakomeye (Amafoto &Video)

Guverineri Gatabazi yahishuriye ibanga abifuza kuzavamo abakinnyi bakomeye (Amafoto &Video)
21-04-2018 saa 21:40' | By Akayezu Jean de Dieu | Yasomwe n'abantu 1623 | Ibitekerezo 1

Guverineri w’Intara y’Amajyaruguru , Gatabazi Jean Marie Vianney asanga umunyarwanda wifuza kugira imbere heza by’umwihariko abakiri bato barimo abafite inyota kandi banafite impano zo gukina imikino itandukanye irimo imikino ngororamubiri bazabigeraho ari uko birinze imyitwarire mibi irimo kunywa ibiyobyabwenge ndetse bakirinda n’ubusambanyi.

Guverineri Gatabazi yagarutse kuri ibi mu mpanuro yageneye urubyiruko n’abakuze bari bitabiriye amasiganwa ku maguru agamije gushaka abazaba bagize ikipe y’umukino ngororamubiri mu karere ka Rulindo akaba ari amarushanwa yateguwe na rwiyemezamirimo Sina Gerrard, aho abasiganwa baba bazamuka umusozi wa tare ugizwe n’ibirometero 10 (Uvuye kuri kaburimbo ahari icyicaro cya Ese Urwibutso ukagera hejuru kuri uyu musozi).

Perezida w’Ishyirahamwe ry’Imikino Ngororamubiri na Gymnastique mu Rwanda (Federation Rwandaise de Gymnastique FERWAGY), Me Fidele Mubirigi yavuze ko iyi gahunda yo gushaka abana bafite impano mu mikino ngororamubiri ari gahunda nshya yashyizweho hagamije kuzamura uyu mikino aho basabye uturere twose kuba twagira ikipe y’abakina imikino ngororamubiri aho kuri ubu akarere ka Rulindo kabaye aka kane nyuma ya Muhanga, Ngororero na Rutsiro

Mu karere ka Rulindo,ikipe y’umukino ngororamubiri yatangijwe kuri uyu wa Gatandatu tariki 21 Mata 2018, aho ari ikipe yashyizweho na rwiyemezamirimo Sina Gerard usanzwe ari umufatanyabikorwa w’aka karere.

Ku ikubutiro abasaga 100 bitabiriye aya marushanwa aho urubyiruko n’abakuze barimo abagore n’abagabo bitabiriye aya marushanwa ndetse hanatangwa ibihembo kuri batandatu bagiye barusha abandi muri buri kiciro aho bakoze ibirometero 10 bazamuka umusozi wa tare binavugwa ko Minisiteri y’Umuco na Siporo iri gushaka uburyo bwo kujya yifashisha uyu musozi mu mikino ngororamubiri ku rwego rw’igihugu.

Rwiyemezamirimo Sina Gerard wagize wateguye iri siganwa ndetse akaba ari nawe uzagira uruhare runini mu guteza imbere iyi kipe y’umukino ngororamubiri muri Rulindo yavuze ko impamvu yahisemo gufasha Minisiteri y’Umuco na Siporo mu gukangurira abakiri urubyiruko gukunda iyi mikino ari uko abona urubyiruko ruri muri aka karerere rufite impano nyinshi ndetse zishobora no kubyara umusaruro hagize uzitaho.

Guverineri Gatabazi nawe wari witabiriye iki gikorwa yavuze urubyiruko ruzira ibiyobyabwenge birimo inzoga n’itabi ari byo bizafasha kugirango abakiri urubyiruko babashe kuzavamo abakinnyi beza by’umwihariko aba bakina imikino ngororamubiri irimo n’uyu wo gusiganwa ku maguru.

Yagize ati “Abana bashaka kuba aba atlete, abarangije kubibona bafite inyota kandi bashobora kuba babifitemo impano icyo tubasaba cya mbere ni ukurinda ubuzima bwabo, kuburinda ibiyobyabwenge. Ntabwo wanywa itabi ngo uzirukanke ntabwo byashoboka, ntabwo wanywa itabi ngo uzagire ibihaha bishobora kugufasha kwirukanka no kujya mu marushanwa, ntabwo wanywa kanyanga cyangwa ibindi biyobyabwenge cyangwa inzoga n’ibindi biyobyabwenge ngo uzashobore kujya muri atletism kuko byose bisaba imbaraga nyinshi, bisaba ubuzima bwiza bisaba guhumeka neza”

Yakomeje agira ati “Ibi byose bisaba kwirinda ibisindisha kwirinda ibiyobyabwenge, kwirinda itabi kwirinda ndetse abana b’abakobwa n’abahungu bakirinda ubusambanyi kugira ngo badakomeza kwinaniza no kunaniza ubuzima bwabo, turabisaba urubyiruko kandi twizeye ko bazabyumva”.
Video: Reba hano Guverineri Gatabazi asobanura icyafasha abifuza kugera ku rwego rushimishije mu mikino

Abasiganwa bahagurukiye Nyirangarama bazamuka hejuru i Tare Abahize abandi bahembwe ibihembo bitandukanye banambikwa imidari


INKURU ZA :
Tanga Igitekerezo
Ibitekerezo 1
eliya Kuya 24-04-2018

gouverneur WACU arashoboye perezida WACU azamugire minisitiri wa siporo,muzi ko yakiniye ,105 Fc turamukunda aba kuri Field not muri Office.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...