konka coffee
KONKA

AMAKURU

UKWEZI

Hafi 80% y’ibikoreshwa n’ inganda zo mu Rwanda bitumizwa mu mahanga

Hafi 80% y’ibikoreshwa n’ inganda zo mu Rwanda bitumizwa mu mahanga
25-10-2018 saa 16:59' | By Jean Claude Habimana | Yasomwe n'abantu 669 | Ibitekerezo

Kuri uyu wa kane taliki 25 Ukwakira, Ministeri y’Ubucurizi n’Inganda ifatanyije n’ibigo bigira aho bihurira n’ubucurizi n’inganda bamuritse ku mugaragaro ingamba bafite muri gahunda ya Made in Rwanda, byahawe inyito ya Made in Rwanda Policy.

Nk’uko byagaragajwe muri Video yerekanwe igaragaramo bamwe mu Banyarwanda bafite inganda ntoya, bagaragaje ko bafite imbogamizi zo kubona ibikoresho by’ibanze bizwi nka Raw Materials aho ibyinshi bitumizwa mu bihugu byo hanze nk’Ubushinwa na Dubai.

Umuyobozi uhagarariye Koperative ya KIAKA ikorere mu karere ka Rubavu yavuze ko hari byinshi bakoresha bakuye mu Rwanda, ariko hakaba n’ibindi bikoresho batabasha kubona mu Rwanda.

Aragira ati “Hari imbaho tubona hamwe mu Rwanda, ariko hari nk’izindi mbaho bidusaba kujya kuzigura mu gihugu cya Republika Iharanira Demokrasi ya Kongo. Ibi nabyo bituma ibikoresho byacu hari bamwe bavuga ko bihenze bitewe nuko natwe biba byaduhenze kubera kubitumiza kure.”

Kuri paji ya 11 y’igitabo cyamuritswe na Minicom kigaragaza ko 37% ari byo bituruka mu Rwanda by’ibikoresho bikoreshwa n’inganda zo Rwanda, mu gihe 78% bigaragaza ko ibikoresho by’ibanze bizwi nka Raw Materials bikoreshwa mu nganda bitaboneka imbere mu gihugu ahubwo bitumizwa hanze.

Abandi batanze ubuhamya bw’ibyo bakora by’umwihariko ibijyanye n’imyenda bavuga ko hari ibikoresho bigoranye kubona mu Rwanda bityo ko babitumiza mu bihugu nk’Ubushinwa na Dubai.

Muri bimwe bikoma mu nkokora gahunda ya Made in Rwanda kuri Paji ya 11 y’igitabo cya Ministeri y’Uburuzi n’Inganda hagaragajwemo ibura ry’ibikoresho by’ibanze biri ku kigero cya 27%, kutagira igishora cyo gutangiza biri ku kigero cya 32%, isoko ridahagije riri kuri 22%, abakozi badafite ubumenyi bari kuri 6%, ibura ry’ibikoresho by’ikoranabuhanga biri 10% n’ibindi biri 2%.

Minisitiri Hakuziyaremye Soraya yavuze ko bagiye kwifashisha ubukangurambaga bugamije kumvisha abanyarwanda ibyiza bya Made in Rwanda, byumwihariko hongerwa ubwiza n’igiciro kinogeye buri munyarwanda wese.

Yagize ati “Twiteguye gufasha segiteri zimwe na zimwe by’umwihariko mu kongera ibikorerwa mu Rwanda, twiteguye kugabanya igiciro kikiri hejuru y’ibikorerwa mu Rwanda, twiteguye kongerera ubwiza n’umwimerere w’iby’iwacu, guhuza ibyakozwe n’abakiriya ndetse no guhindura imyumvire ikiri hasi ku byakozwe n’Abanyarwanda.”

Na none igitabo cya Ministeri y’Ubucuruzi n’Inganda cyagaragaje ko 98% by’Abyanyarwanda bakigaragara mu bucuruzi buciriritse aho benshi badafite ubushobozi bwo kwegera ibigo by’imari, ibikoresho bike by’ibanze ndetse n’ubumenyi bucye.

Kuva Leta y’u Rwanda yatangiza gahunda ya Made in Rwanda mu mwaka wa 2015, imibare igaragaza ko kuva mu mwaka wa 2015 u Rwanda rwabashije kwinjiza Miliyoni 559 z’amadorali ya Amerika, mu mwaka wa 2017 hinjizwa Miliyoni 944 z’Amadolari y’Amerika .

Minisitiri Hakuziyaremye Soraya yavuze ko ibikorerwa mu Rwanda bigiye kugabanyirizwa ibiciro kugira ngo buri wese azajye abyisangaho


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...