AMAKURU

UKWEZI
Canal+ christmax

Hari inyandiko y’Abasenateri ba USA basaba ko Rusesabagina arekurwa

Hari inyandiko y’Abasenateri ba USA basaba ko Rusesabagina arekurwa
17-02-2021 saa 15:24' | By Martin Niyonkuru | Yasomwe n'abantu 5337 | Ibitekerezo 1

Hagaragaye inyandiko yashyizweho umukono n’Abasenateri 37 bo muri Leta Zunze Ubumwe za America, irimo ubutumwa bugenewe Perezida Kagame Paul, basaba ko u Rwanda rurekura Paul Rusesabagina uregwa ibya bikomeye birimo iterabwoba.

Iyi nyandiko yanditswe tariki 20 Ukuboza 2020, iriho n’imikono ya bariya bashingamategeko, ivuga ko batumva uburyo Paul Rusesabagina nk’umuturage wemerewe gutura muri Leta Zunze Ubumwe za America (Resident) yageze mu Rwanda avuye i Dubai.

Aba bashingamategeko ba USA bavuga ko u Rwanda rwarenze ku mategeko yo gufata umuturage wa kiriya gihugu, bagasaba ko yarekurwa nk’umuturage ufite ibyangombwa byo guturayo kandi nk’umuntu wahembwe na Perezida wa kiriya gihugu.

Batanga n’ingero z’abaturage boherejwe na kiriya gihugu binyuze mu nzira ziteganywa n’amategeko n’amasezerano ahuriweho.

Ni ingingo itari nshya kuko mu minsi yashize, Inteko Ishinga Amategeko y’Ubumwe bw’u Burayi na yo yasohoye imyanzuro ivuga ko u Rwanda rwashimuse Paul Rusesabagina kandi isaba ko uburenganzira bwe bwubahirizwa.

Muri iyi nyandiko igaragaza ko bariya basenateri bayishyigikiye, hari aho ivuga ko kuba u Rwanda rwarekura Rusesabagina ari inyungu ku bihugu byombi bisanzwe bifitanye umubano mwiza.

Hari aho igira iti “Twizera ko kurekura Rusesabagina bifite ishingiro kandi bishyize mu gaciro, kubera ko afite uburwayi bwa Cancer bwendaga kumuhitana muri iki gihe cya COVID-19 akaba anafite izindi ndwara zikomeye yivuza.”

Mu minsi yashize kandi inteko y’Umuryango w’Ubumwe bw’u Burayi yageneye imyanzuro u Rwanda irusaba kwita ku burenganzira bwa Rusesabagina.

Inteko Ishinga Amategeko y’u Rwanda yasubije iya EU, yayisabye kutivanga mu mikorere y’ubucamanza bw’u Rwanda.

Muri iyi myanzuro y’Inteko Ishinga Amategeko y’u Rwanda, ivuga ko itumva ukuntu Inteko Ishinga Amategeko y’Ubumwe bw’u Burayi ifata Rusesabagina nk’impirimbanyi y’Uburenganzira bwa muntu mu gihe we yigeze kwigamba ibitero byaguyemo Abanyarwanda ariko ntibagira icyo babivugaho.

Rusesabagina watangiye kuburana mu mizi uyu munsi, yabanje gutanga inzitizi zibanziriza urubanza zirimo iz’iburabubasha bw’urukiko zishingiye kuba avuga ko atari Umunyarwanda ahubwo ko akwiye koherezwa kuburanishirizwa mu Bubiligi afitiye Ubwenegihugu.

Mu mpaka zo kuri izi nzitizi zihariye iburanisha ry’uyu munsi, Ubushinjacyaha bwavuze ko Rusesabagina afite ubwenegihugu bw’Ubunyarwanda bw’inkomoko kandi ko atigeze ajya mu nzira zo kubutakaza.

Nsabimana Callixte wari wariyise Majoro Sankara, na we waste ijambo, yavuze ko Rusesabagina yari Perezida w’iriya mpuzamashyaka ya MRCD yari yaranashinzwe umutwe wa FLN ndetse ko ubwo uyu mutwe watangizaga ibitero wari ugamije gufata u Rwanda kandi ko Rusesabagina yavugaga ko azahita aba Perezida w’u Rwanda.

Sankara wavugaga ko yatunguwe n’ibyavuzwe na Rusesabagina, yagise ati “none se yari kuba Perezida w’u Rwanda atari Umunyarwanda.”

UKWEZI.RW


INKURU ZA :
Tanga Igitekerezo
Ibitekerezo 1
Mparambo Kuya 18-02-2021

Abanyamerika bagaragaje ko uburenganzira bwa muntu batazi icyo ari cyo, aho abirabura bicwa n’abapolisi b’abazungu ntibakurikiranwe kuko ari ari abirabura bishwe, abandi bagakatirwa urwo gupfa bakicwa na leta.

Bongeye kugaragaza ko nta burengazira bw’umuntu bazi aho agatsiko kameze nk’interahamwe karangajwe imbere na president w’umunyabinyoma bigabiza inteko yabo ishinga amategeko bagasenya bakica, aba senateri b’aba republicains bakabona ko nta kibazo.

Bazabanze basobanurire isi uko abafungiwe i Guantanamo bagiye bafatwa n’iyica rubozo bakorewe imyaka.

None baratinyuka bakavuga umunyabyaha nka Rusesabagina bagira igikoresho, wikuye muri Amerika, akijyana Dubai, mu nzira y’ubunyereri yari afashe agahusha icyerecyezo muri kwa kunyerera, akisanga ku kibuga cy’indege cya Kigali.

Abo ngo bitwa ab’i burengerazuba nta ndangagaciro kimuntu bafite zatuma bibwira ko hari amasomo ya demokrasi cyangwa uburengazira bwa muntu bajya gutanga hanze y’iwabo.


Les américains ont déjàdémontrée qu’ils ne connaissent pas ce qu’est le droit de l’homme ; làchez eux les noirs sont tués par les policiers blancs en toute impunité, pour la simple raison qu’ils ne sont pas blancs, les autres condamnés àmort et exécutés par l’Etat.

Ils ont encore prouvés qu’ils ne connaissent rien en matière de droit de l’homme quand les miliciens genre ‘’Interahamwe’’ avec àla tête un président menteur, sans foi ni loi se sont pris su siège de leur parlement en pleine séance, le Capitole, pour nier la loi, la vérité et le droit.

Qu’ils expliquent d’abord de quelle manière les prisonniers de Guantanamo ont été appréhendés et les tortures subies.

Et maintenant ils osent de parler des criminels comme Rusesabagina, leur pion, qui a quitté de son gré leur pays pour aller àDubai, sur un chemin glissant qu’il venait de prendre lui-même, et a raté sa trajectoire au cours de sa glissade pour se retrouver àKigali où il était recherché pour sec crimes !!!

Ces occidentaux n’ont pas de valeurs humaines pour prétendre donner de leçons de démocratie ou de droit de l’homme àdonner en dehors de chez eux, encore moins les parlementaires américains ou européens.

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA