konka coffee
KONKA

AMAKURU

UKWEZI
ubumwe

Huye: Hari aho bamaze umwaka batitabira umugoroba w’ababyeyi kuko bawamburiwemo

Huye: Hari aho bamaze umwaka batitabira umugoroba w’ababyeyi kuko bawamburiwemo
9-05-2019 saa 17:14' | By Nsanzimana Ernest | Yasomwe n'abantu 829 | Ibitekerezo

Mu murenge wa Tumba hari abaturage batakitabira gahunda z’umugoroba w’ababyeyi kuko ngo bigeze gukusanya amafaranga uwari ushinzwe imibereho myiza akaba n’umujyanama w’ubuzima wayabikaga ngo arayarigisa. Gusa hari n’abavuga ko indi mpamvu yaba ari inzoga za nyirantare zicururizwa muri aka gace.

Aba baturage batuye mu mudugudu w’Amahoro mu Kagari ka Kimana umurenge wa Tumba mu karere ka Huye, bavuga ko ubwo babaga mu mugoroba w’ababyeyi bagize igitekerezo cyo gukusanya amafaranga bateganya kuzayatanga mo ubwisungane mu kwivuza. Gusa ngo uwari ushinzwe kuyabika yaje kuyarigisa nk’uko abaganiriye na UKWEZI babigarukaho.

Yagize ati “ Ubundi twajyaga mu mugoroba w’ababyeyi tumaze kuwujyamo baratubwira ngo dukoteze barahita batugurira mituweli twese turabyitabira bigeze hagati batangira kubyita inguzanyo umuntu akiguriza, ahubwo bamwe twageze igihe cyo kugurizwa barayamazemo duhita twanga kubisubiramo. Abayobozi barayariye”

Bamwe muri aba baturage bavuga ko byabagize ho ingaruka zirimo no kuba batakitabira umugoroba w’ababyeyi.

Uyu ni umugabo twaganiriye (utarashatse ko amazina ye atangazwa) ufite umugore nawe wagizweho ingaruka n’iki kibazo.

Yagize ati “ Ingagruka byagize zirahari kuko biriya bavuga ngo ubwisungane ntabwo bongeye kubyizera bahisemo kujya birwariza.”

Tasiyana wari ushinzwe imibereho myiza muri uyu mudugudu akaba yari n’ujyanama w’ubuzima ari nawe ushinjwa kunyereza aya mafaranga avuga ko aya mafaranga ataburiye mu nyungu ze kandi ko yamaze kuyabishyura bityo ko ataba urwitwazo kuri iki kizazo.


Agace abo baturage batuyemo

Yagize ati “ Ubundi nta nubwo byari umugoroba w’ababyeyi ahubwo byari ikimina(byatangiye ari ikimina kikaba aricyo kijya kitangirwamo ubutumwa bw’ umugoroba w’ ababyeyi) ubwo dukusanya amafaranga duteganya kuzagabana mu kwa 12 kwa 2018, nyuma rero abanyamuryango baraguzaga bamwe rero ntibayagarura barimo n’uwo nari narahaye ibihumbi 13 ari nawe waje gushyira porotike mu banyamuryango ngo tugabane mu kwa gatandatu agira ngo anshyirishemo”

Yakomeje avuga ko ahubwo ariwe wahombye kuko ngo mu kugabana hari abari baragujije bagombaga kuyagarura ariko ntibayagarure.

Yagize ati “ Ubwo bapanga kugabana babarira bamwe ugasanga ayo agomba gufata hari ayo agomba kongeraho nanjye nari mfite mo imigabane myinshi ,barambarira mbaha itariki yo kuzabishyura iyo tariki igeze sinayabona mbaha ikindi gihe biba ngombwa ko nacuruzaga utuntu mu rugo ndabishyura abandi bakajya baza bati uge uduha ibyo kurya ntakibazo, uje kubifata nkamusinyisha ndangiza kubishyura. Abo bose bavuga ngo umugoroba w’ababyeyi ntukiba kubera amafaranga nibo bafite amafaranga bagomba kugarura tukarangizanya. Njye ubu ntawe mfitiye ideni.”

Umunyamabanga nshingwabikorwa w’umurenge wa Tumba Migabo Vital yatangarije Ukwezi ko iki kibazo atari akizi ariko ko bagiye gufatanya n’inzego z’ibanze bagashaka amakuru yisumbuye ho kigakemuka.

Yagize ati: “Ntabwo umuntu umwe yatuma abantu batitabira gahunda za leta, icyo nababwira nuko abantu bose bagomba kwitabira umugoroba w’ababyeyi ugize ikibazo , habaho inzego z’ubuyobozi ziba zihari ngo zikemure ibibazo, Kandi ugize uruhare mu kurya iby’abandi nawe akabibazwa. Ntabwo rero twari twarakiriye ikibazo nk’icyo cy’abantu barya iby’abandi mu mugoroba w’ababyeyi ariko ubwo tubimenye tugiye kubikurikirana.”

Muri aka gace uyu mudugudu uherereyemo hari amakuru avuga ko kuba hataba umugoroba w’ababyeyi byaba nanone biterwa nuko akenshi mu masaha y’umugoroba abenshi mu baturage baba basinze kubera inzoga z’inkorano zikunze kuhagaragara ibyo abaturage bavuga ko byirengagizwa nkana n’abayobozi b’inzego z’ibanze.

Umwe mubo twaganiriye nawe utarashatse gutangazwa amazina yagize ati “ Ubundi se abaturage b’ino wabakurahe, byaba inama byaba uwo mugoroba w’ababyeyi babura kuba bibereye muri nyirantare ngo baraza mu mugoroba? Tuvuge se ko ubuyobozi buba butabizi? Ko muri iyi midugudu duturanye nta nzoga zikibamo, uravuga ko umuyobozi w’umudugudu ubwe abishatse uriya muntu yazongera gupima?”


Aha bahahimbye ’Hoteli Kivoka’ niho banywera ’Nyirantare’ ku mugaragaro, bo ntibayita Nyirantare bayita ’Intare’ bagamije kujijisha ubuyobozi.

Gahunda y’umugoroba w’ababyeyi yatangiye muri 2010 hagamijwe ahanini kuvugutira umuti ibibazo byo mu miryango cyane cyane amakimbirane yo mu ngo yagaragaraga mu baturage. Iyi gahunda ihuza ababyeyi bombi (abagabo n’abagore) bakaganira ku bibazo bahura n’abyo bakanigira hamwe uburyo bwo kubikemura

CU @Ukwezi.rw


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...