AMAKURU

UKWEZI
ubumwe

Huye: Umugore n’ umugabo bapfiriye rimwe basiga umwana mu bitaro bibera isomo abaturage

Huye: Umugore n’ umugabo bapfiriye rimwe basiga umwana mu bitaro bibera isomo abaturage
21-05-2019 saa 13:37' | By Nsanzimana Ernest | Yasomwe n'abantu 11965 | Ibitekerezo 11

Misigaro Charles wari ufite imyaka 67 n’ umugore Maniraguha Mariya bitabye Imana mu mpera z’ icyumweru gishize bagasiga umwana wabo mu bitaro bya CHUB niyo nkuru kimomo mu gace batuyemo.

Abaturage bavuga ko ibyago byabaye ku baturanyi babo byabasigiye isomo ryo kudakerensa gutanga ubwisungane mu kwivuza Mituelle de santé. Icyo bazize ntikiramenyekana gusa harakekwa indwara cyangwa amarozi.

Misigaro na Maniraguha bari batuye mu Kagali cya Kimana umurenge wa Tumba mu karere ka Huye.

Ba nyakwigendera bafashwe mu byumweru bibiri bishije bajyanwa ku kigo nderabuzima, ikigo nderabuzima kibohereza ku bitaro bya CHUB basanga batazashobora kwishyura ibitaro kuko nta bwisungane mu kwivuza bari bafite baritahira bajya kurwarira mu rugo nk’ uko twabitangarijwe na Ryumugabe Edouard wo mu muryango wa ba nyakwigendera.

Misigaro na Maniraguha bakomeje kurwarira mu rugo ariko ari indembe bigeze ku wa Gatanu tariki 17 mu rukerera Maniraguha aba ashizemo umwuka.

Amaze gupfa nibwo inkuru yaje kuba kimomo igera mu buyobozi , burimo n’ ubwa CHUB , bwahise bwohereza ambulance ijyana umurambo mu bitaro. Umusaza Misigaro wari ukiri muri koma n’ umwana wabo w’ umukobwa nabo bahise bajyanwa kuvurirwa muri ibyo bitaro.


Misigaro Karori n’ umugore we bashyinguwe hamwe mu irimbi hafi y’ aho bari batuye

Ku wa Gatandatu nibwo uyu mukecuru Maniraguha yashyinguwe. Bigeze nijoro nka saa yine Misigario nawe aba arapfuye.

Ryumvugabe, nyakwigendera Misigaro yari abereye se wabo avuga ko abaturage babonye abantu babiri bapfiriye rimwe bagasiga umwana mu bitaro bagatangira kuvuga ko barozwe.

Gusa we ahamya ko iyo baza kuba bafite ubwisungane bagatangira kuvurwa hakiri kare wenda bashoboraga gukira.

Yabwiye UKWEZI ati “Iyo baza kugira mituweli akabasha gukurikiranwa hakiri kare, umuntu afite ukundi kuntu yari kubibona ku buryo yagira icyo avuga kuko bari kuba baratangiye kuvurwa mbere bagifatwa n’ indwara”.

Uyu muryango ngo wahuye n’ akazi katoroshye kuko ibitaro byawusabaga ibihumbi 300. Abaturage n’ ubuyobozi bw’ umurenge wa Tumba barateranye bakusanya amafaranga kugira ngo bage kuzana umurambo bawushyingure. Amafaranga babashije gukusanya ni ibihumbi 34, aribyo byatumye ubuyobozi bw’ umurenge bubabwira ko iyo uyu muryango uza kuba ufite mitueli ayo mafaranga ibihumbi 34 yari kuba ahagije.

Kanzayire Mariyana , Umujyanama w’ Ubuzima wasuye umuryango wa ba nyakwigendera ku wa Gatatu w’ icyumweru gishize, avuga ko abajyanama b’ ubuzima basuzumye uyu muryango bakawusangana ibimenyetso bya malariya.

Mukamana Valerie avuga ko ibyago byabaye mu muryango wa Misigaro Karori bari baturanye yabikuyemo isomo rikomeye kuri mituweri de santé.

Ati “Abantu tusigaye twihugiraho umuntu ntamenye uko mugenzi yaramutse nicyo kirimo gitera ibi bintu. Habayeho uburangare bwo kuba nta mitueli bari bafite, kuko ngewe ntaturanye nabo neza amakuru mfite batubwiye ni uko bari bamaze ibyumweru bitatu barwariye mu rugo”.

Musabyimana Claudine ati “Ubutumwa natanga kuri twebwe dusigaye ni ukwita ku mwana basize mu bitaro no kubana neza n’ abandi bantu. Umukecuru akimara gupfa niyo wahageraga warabibonaga twe twaturutse kure nitwe twatabaye abandi bari bibereye mu ngo zabo”.

Ku mugoroba wo kuri uyu wa Mbere ubwo abandi bari bagiye gushyingura Misigaro, Umunyamakuru wa Ukwezi yanyuze hafi y’ urugo rwa ba nyakwigendera asanga bamwe mu baturanyi bibereye mu ngo zabo.

Musabyimana ati “Twateranyije amafaranga tugira ibihumbi 34, umuyobozi w’ umurenge wacu aratubwira ati iyo muba mwitabira mitueli aya ngaya aba amuduhaye…Umuntu wese uhagaze ikintu akwiriye kumenya ni uko mbere yo gushaka ibyo kurya no kwambara yagombye gushaka mituweri”.

Ikigo cy’ Igihugu cy’ ubwiteganyirize RSSB kigaragaza ko muri rusange Abanyarwanda bagenda barushaho gusobanukirwa akamaro ka mituweli kuko muri 2017 abatanze mituweri bari miliyoni 8,7 mu gihe abayitanze muri 2018 barengaga miliyoni 9.

RSSB irasaba Abanyarwanda ko muri uyu mwaka wa 2019 batangira gutanga mituweri ya 2019/2020 badategereje amakuru azava mu ivugururwa ry’ ibyiciro by’ ubudehe ahubwo bakayitangira mu byiciro basanzwemo.


INKURU ZA :
Tanga Igitekerezo
Ibitekerezo 11
ntaganzwa Kuya 22-05-2019

Iyi nkuru nta somo ririmo ahub
wo abayobozi n’ibitaro bagombye kubiryozwa

@jojo Kuya 22-05-2019

Jojo, uti wasanga hafi aho hari amadini? Ese amadini niyo yagombaga kwishyura mutuelle cg ibitaro? Amadini yagorwa pe. 1 Timoteyo 5:8 haravuga ngo ariko niba umuntu adatunga abe, cyane cyane abo murugo rwe, aba yihakana ibyizerwa kandi aba ari mubi hanyuma y’utizera. Abantu barigishijwe bihagije kandi bakwiriye kumenya ko aribo ubwabo bagomba kwishyura ubwisungane mu kwivuza. Abagize umuryango nabo bakwiriye kumenya bene wabo badashoboye bakabafasha aho gutegereza abandi bo hirya. Ibi ntibivuze ko ntashyigikiye ko abantu bafasha abandi batagira icyo bapfana, ariko ndavuga ko abantu bakwiriye kumva inama z’ubuyobozi bagateganya aho kugirango ba blaminge amadini, ibitaro, n’abayobozi, leta cg abandi bantu.

@jojo Kuya 22-05-2019

Jojo, uti wasanga hafi aho hari amadini? Ese amadini niyo yagombaga kwishyura mutuelle cg ibitaro? Amadini yagorwa pe. 1 Timoteyo 5:8 haravuga ngo ariko niba umuntu adatunga abe, cyane cyane abo murugo rwe, aba yihakana ibyizerwa kandi aba ari mubi hanyuma y’utizera. Abantu barigishijwe bihagije kandi bakwiriye kumenya ko aribo ubwabo bagomba kwishyura ubwisungane mu kwivuza. Abagize umuryango nabo bakwiriye kumenya bene wabo badashoboye bakabafasha aho gutegereza abandi bo hirya. Ibi ntibivuze ko ntashyigikiye ko abantu bafasha abandi batagira icyo bapfana, ariko ndavuga ko abantu bakwiriye kumva inama z’ubuyobozi bagateganya aho kugirango ba blaminge amadini, ibitaro, n’abayobozi, leta cg abandi bantu.

Holla Kuya 22-05-2019

Abagome nabakora mu bitaro ndinkuwomwana nazakora icyo bita kwihorera ku bayobozi bibitaro.

Ange Kuya 22-05-2019

ubwo se CHUB icyo yamariye uwo muryango mubyukuri ni ikihe?nugufata ambulance bagashyiramo igitoro bakajya kuzana umurambo kandi batari barabavuye bakiri bazima?sinshigikiye abaturage batagira ubwisungane mubuvuzi ariko ndabona nabaganga ntacyo bakoze muri ibyo cyo gushimwa.

Titi Kuya 22-05-2019

Urumva ngo abo bagome bayoboye ibitaro bihutira kuzana umurambo ngo nanone uko baza kuwuca amafaranga bajya kuwushyingura?
Isi turimo iragoye pe? Niba utabonye amafr ngo wishyure mutuel baraguteye uzayishyure bakubye 10 umaze gupfa.

Ange Kuya 22-05-2019

ubwo se CHUB icyo yamariye uwo muryango mubyukuri ni ikihe?nugufata ambulance bagashyiramo igitoro bakajya kuzana umurambo kandi batari barabavuye bakiri bazima?sinshigikiye abaturage batagira ubwisungane mubuvuzi ariko ndabona nabaganga ntacyo bakoze muri ibyo cyo gushimwa.

Kalisa Kuya 22-05-2019

@Nzarora, urumva utugizankana Koko? ibitaro bigomba bikuru bigomba kugera mu mudugudu bikamenya uko buri muturage abayeho? igihe amakuru abigireyeho niho byatanze ubutabazi.ndumva tutarenganya CHUB ahubwo ni iyo gushimirwa,maze hakagawa inzego z’ibanze zitakoze akazi kazo ko kureberera abaturage ngo babone ubwisungane no mu gihe barwaye ntibabimenye, ndetse nkanagaya n’abaturanyi b’uwo muryango batatabaye.

jojo Kuya 22-05-2019

Ariko Mana,ubwo se abaturanyi n’ubuyobozi kuki batabafashije koko!!!
Ubwo kandi wasanga hari amadini hafi aho...Dukwiye kugira urukundo aho kuvuga ngo Mituel.

Nzarora Jean Claude Kuya 21-05-2019

None se ibyo bitaro byohereje ambulance gutwara umurambo, kuki bategereje ko umuntu apfa bakabona kumuha agaciro? Njye numva ubwo bakabaye barabonye ubufasha mbere

Musengimana Kuya 21-05-2019

Imana ibahe iruhuko ridashira gs nabandi bibere isomo

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...