konka coffee
KONKA

AMAKURU

UKWEZI
ubumwe

IPRC-HUYE: Byatangajwe ko harimo imibiri myinshi y’ abatutsi bishwe n’ abasirikare muri Jenoside

IPRC-HUYE: Byatangajwe ko harimo imibiri myinshi y’ abatutsi bishwe n’ abasirikare muri Jenoside
9-05-2019 saa 19:17' | By Nsanzimana Ernest | Yasomwe n'abantu 1233 | Ibitekerezo 2

Abayobozi mu nzego zitandukanye mu karere ka Huye barasaba ubufatanye bw’ inzego n’ abaturage kugira ngo imibiri yajugunywe ahantu hataramenyekana mu kigo cy’ Imyuga n’ Ubumenyi ngiro cya Huye (IPRC –Huye) iboneke ishyingurwe mu cyubahiro.

Byatangarijwe mu muhango wo Kwibuka ku nshuro ya 25 Jenoside yakorewe abatutsi wabereye muri IPRC-HUYE kuri uyu wa Kane tariki 9 Gicurasi 2019.

Mbere ya Jenoside yakorewe abatutsi, Ikigo IPRC –HUYE yigiramo cyari Ishuri ry’ abofisiye bato mu ngabo zatsinzwe(ESO: Ecole des Sous Officiers).

Abarokokeye muri Perefegitura ya Butare barimo Mbaraga Clement watanze ubuhamya bavuga ko mu kigo cya ESO, abasirikare bahigiraga bajyanagamo abatutsi benshi bakabiciramo.

Mbaraga yavuze amazina yabo azi barasiwe muri ESO barimo Nzigiye Daniel, Ruhutinyanya na Gerome wari ufite ateriye Karubanda.


Mbaraga Clement yavuze ko hari abatutsi benshi biciwe mu Kigo IPRC -Huye ikoreramo bataraboneka ngo bashyingurwe mu cyubahiro

Yagize ati “Iki kigo cyari Ikigo cy’ abasirikare, hari abantu benshi bagiye bahazanwa barahicirwa. Imiryango imwe nagiye ngaragaza ni izwi twagiye tunamenya bigaragaza ko hari abantu benshi bahiciwe.”

Yakomeje agira ati “Urebye imibare y’ abantu bagiye bazanwa hano mu gihe cya Jenoside, n’ uburyo nyuma ya Jenoside imibiri yagiye ikurwa hano ari mike, ntabwo wahamya ko ibyobo byose biri muri iki kigo byaba byarakuwemo iyo mibiri.”

Mbaraga asaba ubuyobozi bw’ iri shuri gufatanya n’ izindi nzego gushaka indi mibiri ishobora kuba iri muri iri shuri. Mu bo asaba ubufatanye harimo n’ abasirikare bahoze mu ngabo zatsinzwe bigaga muri ESO ubu bakaba barahinduye imyumvire bakajya mu ngabo z’ u Rwanda RDF.

Ati “Hari abari hano ari abasirikare bigaga, ibyo bikorwa byose babibonye kandi bari mu gisirikare cyacu iki cya Leta iriho abo bashobora gushakwaho amakuru kuko barahari. Bashobora gutanga amakuru y’ uko byagenze”.

Dr Bernabe TWABAGIRA, Umuyobozi Mukru wa IPRC – Huye yavuze ko bakomeje gukusanya amakuru ndetse ko iyo hari icyobo babonye muri iri shuri bakurikirana ngo barebe ko babona aho abasirikare bahabaga bajugunye imibiri ariko ngo ntabwo barayibona.

Dr TWABAGIRA avuga ko igitekerezo bahawe cyo gushakira amakuru y’ iyi mibiri ku bahoze mu ngabo zatsinzwe ubu bakaba bari mu ngabo z’ u Rwanda ari inzira ishoboka.


Umuyobozi wa IPRC Huye Dr Bernabe Twabagira yavuze ko bagikomeje gushakisha amakuru ku mibiri bikekwa ko iri mu ishuri ayobora

Ati “Ni inzira nziza ni amwe mu makuru twahawe mazima, anabivuga nabashije kwandika bariya bantu bose uko yabavuze ari batatu ndetse avuga na wa mukobwa waje gupfa nyuma yo guterwa ibyuma ndumva ari amakuru meza yaduhaye ashobora wenda kutuganira k’ ukuri ku byaba bayarabereye hano”.

Ange Sebutege, Umuyobozi w’ Akarere ka Huye yasabye uwaba afite aya makuru ko yakoresha uburyo ubwo bwose ariko ayo makuru akagera ku bayobozi babishinzwe.

Yagize ati “Mwumvise ko n’ umuyobozi wa Rwanda Polytechnic biri mu butumwa yatanze kugira ngo abantu bose bafite aya makuru bayageze ku nzego zibishinzwe. Bakoresha uburyo ubwo aribwo bwose”.

Meya Sebutege yakomeje agira ati “Twemera ko hari n’ abatinya ariko yakwandikira umuyobozi, yatelefona yakoherereza ubutumwa ubuyobozi twiteguye kwakira ayo makuru y’ ahantu hose hari imibiri. Dushaka ko yahakurwa bagashyingurwa mu cyubahiro bambuwe muri Jenoside”.


Mbabazi Norbert yibukije abagifite ingengabitekerezo ya Jenoside ko ntaho izabageza kuko abarokotse Jenoside yakorewe abatutsi bahisemo kubaho

Mbabazi Norbert, uhagarariye Ibuka mu murenge wa Ngoma yavuze ko umubare nyiri izina w’ abatutsi abo basirikare biciye muri ESO utazwi. Gusa ngo ni benshi kuko abatutsi hafi ya bose bahanyuraga cyangwa bahanyuzwaga bajyanywe kuvurirwa ku bitaro bya CHUB abo basirikare bahitaga babajyana muri icyo kigo bakabica.


Urubyiruko rwasabwe gukoresha imbuga nkoranyambaga mu kurwanya ingengabitekerezo ya Jenoside


Umuyobozi wa IPRC- Huye n’ uwa Rwanda Polytechnic ubwo bavuye gushyira indabo kumva iri mu rwibutso rwa Kaminuza y’ u Rwanda ishami rya Huye


Umuyobozi wa Rwanda Polytechnic Dr James Gashumba yunamiye abatutsi bishwe muri Jenoside yakorewe abatusi


Umuyobozi wa IPRC - HUYE n’ abanyeshuri ayobora bacanye urumuri rw’ ikizere


Abanyarwanda baribuka ku nshuro ya 25 nyamara iyi myaka yose ishize abasirikare biciye abatutsi muri ESO(Butare) bataratanga amakuru y’ aho imibiri iri


Gaston NTIHUGA wavuze mu izina rya AERG yasabye abanyeshuri gukoresha telefone mu kuvuguruza abakwirakwiza ingengabitekerezo ya Jenoside banyuze ku mbuga nkoranya mbaga


Umuyobozi Mukuru wa Rwanda Polytechnic, (ihuriro rya za IPRCs zose) yabwiye urubyiruko rufite ubushake bwo kuvuguruza ababeshyera u Rwanda ko uvuga ibyo azi yemera bitamugora


INKURU ZA :
Tanga Igitekerezo
Ibitekerezo 2
focasi Kuya 16-05-2019

tugomba kubirwanya kuko nitwembaraga zigihugu

focasi Kuya 16-05-2019

tugomba kubirwanya kuko nitwembaraga zigihugu

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...