konka coffee
KONKA

AMAKURU

UKWEZI
ubumwe

Ibigo bitekera abantu benshi ngo bigomba gutekesha gaze ‘Nta yandi mahitamo’

Ibigo bitekera abantu benshi ngo bigomba gutekesha gaze ‘Nta yandi mahitamo’
21-02-2019 saa 20:49' | By Nsanzimana Ernest | Yasomwe n'abantu 1735 | Ibitekerezo 2

Ikigo cy’ igihugu gishinzwe ingufu REG, cyatangaje ko mu rwego rwo kurengera ibidukikije no guhangana n’ ingaruka zo gukoresha amakara n’ inkwi ibigo bitekera abantu benshi bigomba gukoresha gaze.

Niyonsaba Oreste, Umuyobozi w’ agashami gashinzwe ibicanwa muri REG yabitangaje kuri uyu wa Kane tariki 21 Gashyantare 2019, ubwo bakoreraga mu karere ka Huye ubukangurambaga bugamije kugabanya inkwi n’ amakara bikoreshwa mu guteka.

Yagize ati “Leta irashaka ko itangira igatanga n’ urugero, ubu hari ibigo by’ amashuri bya Leta byatangiye gukoresha gaze. Kugira ngo tuzagere kuri 42% ni uko ibigo by’ amashuri, gereza n’abandi batekera abantu benshi bagomba gukoresha gaze, byo nta yandi mahitamo nta kugoragoza rondereza iki, ni ukujya kuri gaze”.

Nikobamera Alexandre, Umuyobozi wa G.S. Kanyoni, kimwe mu bigo bitekera abanyeshuri yabwiye UKWEZI ko igitekerezo cyo gukoresha gaze mu gutekera abanyeshuri ari kiza gusa ngo hari impugenge z’ uko byaba bihenze. Iki kigo gikoresha amasiteri y’ inkwi ari hagati 6 na 11 mu kwezi.

Yagize ati “Byaba byiza, ikibazo ni uko gaze yaba ihenze ibaye idahenze byadufasha…Isiteri y’ inkwi igura amafaranga ibihumbi 8.”.

Niyonsaba yamaze impungege abatekereza ko gutekesha gaze bibabura ibiryo bigashya bidahiye avuga ko biba byatewe n’ uko umuntu yakoresheje umuriro mwinshi. Ati “Ikiza cya gaze ni uko upima umuriro uri gukoresha uko ugana. Ugomba kurekura umuriro ungana ni uwo wakabaye ukoresha ucanye ku nkwi, iyo urekuye gaze nyinshi umuriro ukaba mwinshi cyane ibiryo bishya nabi”

Inkwi n’ amakara bikoreshwa bigomba kuba bike

REG na sosiete ikora Imbabura n’ ibicanwa beretse abaturage bo mu murenge wa Maraba mu karere ka Huye Imbabura zirondereza amakara n’ izirondereza inkwi.


Iyo utekeye ku mbabura zirondereza inkwi n’ amakara utekesha inkwi nke cyangwa udukara duke

Abaturage barimo Mugirwanake Rosa, Gatabazi Alex na Mukanyandwi Alexia bavuze ko izi mbabura bazibonye bazikeneye kuko muri aka gace bakunze guhura n’ ikibazo cyo kubura inkwi. Bavuga ko muri aka gace inkwi z’ amafaranga 500 bazitekesha rimwe gusa.

Mugirwanake yagize ati “Urebye nk’ ijyaho amakara uyigereranyije n’ isanzwe twabonye hajyaho amakara nka 1/5. Uduhitishijemo twakoresha ubu buryo ariko izi mbabura igiciro cyazo kiri hejuru cyane”

Imbabura zirondereza amakara n’ inkwi imwe igura ibihumbi 15 hari n’ igura 18 000. Leta y’ u Rwanda irateganya gukuraho imisoro ku bikoresho bikorwamo izi mbabura kuko ibati zikorwamo riva mu mahanga ngo ibi bizatuma igiciro kigabanuka.

Twahirwa Obadiah ukorera sosiyete ikora izi mbabura yabwiye UKWEZI ko hari icyizere ko ibiciro bizagabanuka abazikenera nibaba benshi na Leta ikabakuriraho umusoro ku ibati bazikoramo.

Yagize ati “Mu by’ ukuri izi mbabura ntabwo zihenze ugereranije no mu bindi bihugu. Muri Uganda iyi mbabura turi kugurisha 15000 na 18000 ntabwo ijya munsi y’ ibihumbi 30 000. Leta y’ u Rwanda yatwemereye ko izadukuriraho umusoro ku ibati tuzikoramo icyo gihe igiciro cyayo kizagabanukaho nka 2000 ariko abazikeneye nibamara kuba benshi n’ inganda zizikora zizaba nyinshi icyo gihe igiciro kizabaganuka”

Mu Rwanda 1,1% nibo bakoresha gaze. 17,4 bakoresha amakara, naho 89,9% bakoresha inkwi. Guverinoma y’ u Rwanda yiyemeje ko muri 2024 Abanyarwanda bakoresha inkwi bagomba kuba bageze kuri 42%, bavuye kuri 83% bariho muri 2017.

Abantu barenga miliyoni bapfa buri mwaka bazize ingaruka zo gucana amakara n’ inkwi nk’ uko bigaragazwa n’ imibare y’ Ishami ry’ Umuryango w’ Abibumbye ryita ku buzima OMS.


INKURU ZA :
Tanga Igitekerezo
Ibitekerezo 2
florence Kuya 28-02-2019

rwose ibi bita ngo nibicanwa bya parete ntabwo bari serious?maze 6mois mbahamagara bamwbirango nihangane ngo barigushaka uko babigeza mumirenge wakongera ngo buretse tuzaguhamagra mbese nisoko ryabaringa kandi birirwa batanga publicite yibyo badafite kabisa sinzi ibizakorwa ngo babe serieos

gasigwa ernest Kuya 22-02-2019

ntakintu kibabaza nkukuntu birirwa bapfusha amafranga ubusa kuri za publicité zibyo bicanwa byasimbuye amakara warangiza wabahamagara bakakubuira ngo tegereza ngo ntago barikubitanga ngo nibiboneka bazaguhamagara !!!uhamagara kuri 5656bakakubuirako bazaguhamagra nibibokeka ,maze amezi 4bambuira gutyo.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...