AMAKURU

UKWEZI
Canal+ christmax

‘Ibyavugwaga hanze nta cyo nari mbyitayeho kuko nari nitaweho bihagije’- Miss wabitswe ari muzima

‘Ibyavugwaga hanze nta cyo nari mbyitayeho kuko nari nitaweho bihagije’- Miss wabitswe ari muzima
15-05-2020 saa 08:39' | By Nsanzimana Ernest | Yasomwe n'abantu 2145 | Ibitekerezo

Miss Uwizeye Viviane wo mu murenge wa Gatenga mu karere ka Kicukiro wakize coronavirus avuga ko hari amagambo yamuvuzweho atari ukuri : iby’akabari, uburaya, kwanduza abantu benshi, no kuba arwaye indwara nyinshi. Ngo ibi byose byamuvuzweho byatumye amenya ko hari abantu batamwishimiye ati ‘byampaye isomo ko mbarimo mbazi’.

Mu matariki 10 Mata nibwo uyu mugore yapimwe asanga yaranduye coronavirus, ariko ubu yamaze gukira.

Miss Viviane niwe wiketseho coronavirus ubwe agahamagara abaganga kubera ko yari afite inkorora indasanzwe. Avuga ko atazi uburyo yanduye, akabishingira kukuba ngo nta muntu akeka bahuye yaranduye ngo abe ari we wamwanduje.

Gusa avuga ko tariki 4 Mata yasohotse muri lockdown agiye kuvuza umuntu ku Bitaro byo ku Muhima, ngo yabanje kumujyana I Gikondo ku kigo nderabuzima abona kumujyana ku Muhima.

Mu kiganiro yagiranye na UKWEZI avuga ko abaganga babanje gukerensa kujya kumupima kuko yababwiraga ko atigeze ajya hanze y’u Rwanda ndetse ngo nta muntu akeka ko yanduye bahuye.

Ngo yanyuze ku muganga w’inshuti ukora muri RBC, amukorera ubuvugizi babona koherezayo abaganga ngo bamufate ibizamini bya coronavirus. Abagiye I Gatenga mu karere ka Kicukiro mu rugo rwe gufata ibizamini yabasabye ko bapima n’abana n’umukozi ibisubizo bigaragaza ko umwana umwe n’umukozi banduye ngo basanze umwana umwe ibizamini bitaragaragaza niba yaranduye cyangwa ari muzima.

Miss Viviane Uwizeye, avuga ko inkuru zakwirakwiye ku mbuga nkoranyambaga ko asanzwe arwaye SIDA, none covid-19 yamwishe, n’izavuze ko afite akabari zose zari ibinyoma.

Ati “Ninjye murwayi koko warembye mu Rwanda, ninjiye muri biriya bitaro ndembye, kuko abandi binjiramo bameze neza bingenza batari kuri bomboni, mu by’ukuri kuvuga ngo napfuye ntibabitangaza ntabwo byari kubashobokera nabo. Ni byandi by’abantu bashaka gusebya u Rwanda basebya Leta”.

Akomeza agira ati “N’ibyavugwaga hanze nta n’icyo nari byitayeho kuko nari nitaweho bihagije, mpabwa ubuvuzi rwose numvaga ahubwo nezerewe muri njyewe”.

Uyu mugore wabaye nyampinga w’abantu bafite ubunini muri 2011, avuga ko akurikije uburyo yabonye ikipe ishinzwe kwita ku barwayi ba covid-19, n’uburyo ikorana umurava n’ubwitange bigoye ko hari umuntu wakwicwa na covid-19 mu Rwanda.

Umukobwa wa Miss Viviane wari waranduye coronavirus ubu nawe akaba yarakize, avuga ko yumva inkuru y’uko yanduye itamuhahamuye kuko ari nyina wayimubwiye akayimubwira amukomeza, anamusaba kudacika intege kuko yari we mukuru kugira adacika intege na murumuna we akananirwa kwiyakira.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA