AMAKURU

UKWEZI
ubumwe

Ibyo wamenya kuri Nyirakaragire umaze imyaka 32 avura ingagi zo mu birunga

Ibyo wamenya kuri Nyirakaragire umaze imyaka 32 avura ingagi zo mu birunga
29-08-2019 saa 10:55' | By Nsanzimana Ernest | Yasomwe n'abantu 2305 | Ibitekerezo

Umugore w’ imyaka 56 y’ amavuko kimwe cya kabiri cy’ imyaka amaze ku Isi akimaze avura ingagi kandi aracyakomeye ku buryo azakomeza gukora aka kazi no mu yindi myaka iri imbere.

Elizabeth Nyirakaragire, afite camera ifata amafoto ajyana muri pariki y’ ibirunga akajya afotora ingagi akitegereza ubwoya bwazo, akareba imyitwarire ya buri imwe akamenya niba muri zo harimo ifite ikibazo cy’ uburwayi.

Ati “Umunsi wa mbere ninjiye muri pariki ndi viterineri wungirije ntabwo byari byoroshye. Nari kumwe n’ abagenda bamfasha kubona inzira byari mu gihe cy’ imvura. Mvuyeyo nabwiye uwari unkuriye nti sinzasubirayo”

Uwari umukuriye yamubwiye ko adakwiye guhita acika intege amubwira ko azagera aho akamenyera. Uyu mugore w’ abana batatu yakomeje akazi ke biza kurangira akunze ingagi.

Nyirakaragire yahawe akazi nk’ umuvuzi wungirije w’ ingagi n’ icyahoze ari ikigo cy’ igihugu cy’ ubukerarugendo na za pariki ORTPN. Viterineri mukuru icyo gihe yari Dr. James Foster.

ORTPN ni kimwe mu bigo bya Leta 7 byahurijwe hamwe muri 2008 bibyara Ikigo cy’ Igihugu cy’ Iterambere RDB. Uyu munsi RDB ni cyo kigo cya Leta y’ u Rwanda gifite ishami rishinzwe guteza imbere ubukerarugendo.

Dr. Foster niwe wigishije Nyirakaragire ibyerekeranye n’ indwara z’ ingagi n’ imyitwarire yazo, anamwigisha ko indwara z’ inyamaswa z’ agasozi zitandukanye n’ indwara z’ inyamaswa ziba mu ngo.


Nyirakaragire Elizabeth iyo ari gusuzuma ingagi yitwaza camera n’ akagayi akajya yandika

Ubwo Nyirakaragire yatangiraga aka kazi mu 1987, ingagi zo mu Birunga zari 240 zigabanyijemo amatsinda ane asurwa na ba mukerarugendo.

Uyu munsi izi ngagi zimaze kuba 1000 zikaba zigabanyijemo amatsinda 12 asurwa na bamukerarugendo. Ingagi zo mu birunga nizo nyamaswa zo muri ubu bwoko ziri kwiyongera zonyine.

Uyu mubyeyi avuga ko atewe ishema no kuba umubare w’ ingagi zo mu birunga ugenda wiyongera kandi akaba abifitemo uruhare.

Aganira na The New Times yagize ati “Nshimishijwe no kubona ingagi ziyongera binyuze mu musanzu wacu nk’ abaviterineri. Nshimishijwe no gutanga umusanzu mu kubungabunga ingagi n’ ibidukikije muri rusange.

Mu kazi ke imbogamizi yahuye nazo ni ugukora adahembwa mu myaka ya za 1990 n’ ikibazo cya barushimusi kigeze gufata indi ntera, gusa nazo ntizamuciye intege.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...