AMAKURU

UKWEZI
RPF

Hamuritswe umushinga w’igerageza ry’imbuto nshya z’ibirayi

Hamuritswe umushinga w’igerageza ry’imbuto nshya z’ibirayi
2-08-2018 saa 14:40' | By Vincent Nsengiyumva | Yasomwe n'abantu 1838 | Ibitekerezo

Mu rwego rwo kurwanya imirire mibi no kwihaza mu biribwa mu Rwanda, Ikigo mpuzamahanga cyita ku birayi, International Potato Center (CIP) ku bufatanye n’Ikigo cy’Igihugu cy’Ubuhinzi (RAB) ndetse na USAID, bamuritse ku mugaragaro ubwoko bushya bw’ibirayi byerera ku gihe gito ndetse bukanatanga umusaruro ushimishije.

Ibi byagaragajwe ku wa Gatatu tariki ya 1 Knama 2018, ubwo RAB ku bufatanye na CIP bamurikaga ku mugaragaro ubwoko bushya bw’imbuto z’ibirayi bugera kuri burindwi , bwari buri kugeragerezwa mu Karere ka Musanze, hamwe mu duce tuzwiho guhinga no kweza ibirayi.

Abayobozi b’ikigo cy’igihugu cy’Ubuhinzi (RAB) bagaragaje ko ubu bufatanye bwabo n’iki kigo mpuzamahanga cyita ku birayi, bugiye kuzamura urwego rw’ubuhinzi bw’ibirayi ku buryo umusaruro uzikuba inshuro nyinshi ugereranyije n’uwari usanzwe.

Abayobozi ba RAB bari bitabiriye iki gikorwa bagaragaje ko ubu bwoko bushya bw’ibirayi buri kugeragezwa mu Rwanda, bufite umwihariko udasanzwe wo guhangana n’ibyonnyi byibasira imyaka bityo bukaba bufite ubudahangarwa.

Bamwe mu bahinzi bagerageje izi mbuto bo mu duce twa Kinigi na Cyuve muri Musanze, bagaragaje zidasanzwe kuko zitanga umusaruro mwinshi ndetse n’ibirayi bikaba bifite icyanga.Banavuga ko byerera igihe gito ugereranyije n’ibyo basanzwe bahinga.

Uwitwa Hakizimana Thomas utuye mu murenge wa Cyuve wakoze igerageza ry’izi mbuto, yavuze ko akurikije umusaruro zitanga ndetse n’igihe byerera, abona bitanga icyizere cyo kwihaza ku biribwa kw’abanyarwanda mu gihe gito kiri imbere.

Yagize ati “Ndi umwe mu bahinzi bafatanyije n’umushinga igerageza ry’ibirayi bishya. Natangiye igerageza ku mbuto nshya 5, kuva mu mpera za Werurwe tubihinze, ubu nk’uko mubibona twatangiye kubisarura. Muri izo mbuto 5, zimwe murizo ziratanga icyizere cyo kuzavamo imbuto nziza z’icyitegererezo zizadukura mu bukene bitewe n’umusaruro mwiza ubereye isoko.”

Uwitwa Appolinaire nawe w’umuhinzi muri aka gace ka Cyuve yavuze ko mu bwoko 7 bumaze kugeragezwa muri aka gace, ubwoko bwitwa Kirundo buza ku mwanya wa mbere, hagakurikiraho Kinigi, CIP393077-59, CIP393077-58 bita twihaze , ku mwanya wa gatanu hakaza iyitwa CIP393077-64.

Habimana Jean ukorera ubuhinzi bw’ibirayi mu kigo cya RAB kiri mu Kinigi wakoze mu igerageza ry’imbuto nshya ,yavuze ko izi mbuto zirimo kwera ibirayi binini kandi byinshi ku buryo umusaruro wabyo ari munini cyane.

Yagize ati “Izi mbuto nshya ziri kwera ibirayi binini kandi byinshi. Ziratanga umusaruro ugereranyije n’ibyo abaturage bahinga. Izi mbuto ziramutse zikwijwe mu baturage umusaruro wakiyongera. Hakomeje gushyirwa ubushake mu kuzitubura natwe abaturage tukazibonaho byadufasha bikatwunganira natwe tukihaza mu biribwa.”

Umuyobozi mu kigo mpuzamahanga cyita ku birayi CIP, Kirimi Sindi, yatangaje ko hari ubwoko bugera kuri 21 bushya bw’imbuto z’ibirayi buri kugeragerezwa mu bice 24 by’igihugu.

Avuga ko muri ubu bwoko burimo kugeragezwa harimo n’ububasha kwihanganira ahantu hashyuha cyane, ku buryo no mu bice byo mu burasirazuba ndetse no mu Majyepfo naho bushobora kuhahingwa bugatanga umusaruro ushimishije.

Yagize ati “ Ubu dufite ubwoko bw’imbuto bugera kuri 21 turi kugeragereza mu bice 24 by’igihugu. Muri ubu bwoko turimo kugerageza harimo ubwihanganira ahantu hashyuha cyane, hava izuba ryinshi, ku buryo buzajya buhingwa mu bice byo mu Burasirazuba no mu Majyepfo kandi butange umusaruro.”

Yakomeje avuga ko gahunda yo kuzana ubwoko butandukanye bw’ibirayi, ari ukugira ngo abanyarwanda bihaze mu biribwa ndetse banasagurire amasoko ibirayi byiza kandi binaryoshye.

Ati “ Urebye ku isoko ryo mu Rwanda ibirayi bihari bikundwa ni Kinigi. Birahenda ku buryo buri wese atabasha kubyigondera. Niyo mpamvu twatekereje kuzana izindi mbuto nziza ku buryo ibirayi bizatubuka ku isoko ndetse buri wese ajye abasha kubirya uko abishatse.”

Abayobozi batandukanye bariye ku migati yakozwe mu birayi byeze ku mbuto ziri mu igeragezwa

Hakizimana Thomas ukorera ubuhinzi muri Cyuve yavuze ko izi mbuto nshya zitanga icyizere cyo kuzahaza abanyarwanda ku biribwa

Abakozi ba CIP basobanua iby’izi mbuto nshya ziri mu igeragezwa

Izi mbuto zera ibirayi byiza kandi byinshi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...