AMAKURU

UKWEZI

Icyayi cy’u Rwanda ngo ntikigafatwe nk’icyo kumara inyota gusa, ahubwo kinanyobwe nk’umuti

Icyayi cy’u Rwanda ngo ntikigafatwe nk’icyo kumara inyota gusa, ahubwo kinanyobwe nk’umuti
4-08-2018 saa 16:16' | By Vincent Nsengiyumva | Yasomwe n'abantu 1179 | Ibitekerezo

Ikigo cy’igihugu gishinzwe kohereza ibikomoka ku buhinzi n’ubworozi ,NAEB, kigaragaza ko hari abantu badashishikarira kunywa ku cyayi cy’u Rwanda, aho batekereza ko gihenze, abandi bakaba bumva ko ari ikinyobwa gisanzwe cyo kumara inyota gusa , nyamara ntibamenye ko ari kimwe mu binyobwa bifite akamaro kanini mu buzima bwa muntu.

Ibi byagarutsweho mu kiganiro n’abanyamakuru cyabeye kuri uyu wa Gatandatu tariki ya 4 Kanama 2018, cyari kigamije kubabwira uko bazafatanya n’abateguye Tour du Rwanda izatangira kuri iki Cyumweru.

Issa Nkurunziza ukuriye ishami ry’icyayi (Rwanda Tea) mu Kigo cy’igihugu gishinzwe kohereza ibikomoka ku buhinzi n’ubworozi,NAEB, yavuze ko bateye inkunga irushanwa rya Tour du Rwanda kugira ngo babone uburyo bwiza bwo gukangurira abanyarwanda bo mi bice bitandukanye kumenya ibyiza by’icyayi cy’u Rwanda.

Umukinnyi uzajya akoresha imbaraga nyinshi mu kunyonga (best combative rider) azajya yambikwa umwambaro wa Rwanda Tea.

Nkurunziza avuga ko umubare w’ Abanyarwanda banywa icyayi cy’u Rwanda ukiri muto ngo kuko bangana na 1.7%, ariko akavuga ko ugenda wiyongera ugereranyije no mu bihe byashize.

Yagize ati “Imwe mu mpamvu zituma icyayi cy’u Rwanda kitanyobwa ni uko Abanyarwanda batarabigira umuco kuko abenshi bakibona nk’aho ari icy’abasilimu cyangwa bakagifata nk’aho gihenze.”

Yakomeje agira ati “[…] Reka dufate wenda nko muri Kenya, mpuye na mugenzi wanjye dufitanye gahunda, ndamubwira ngo tuzahurire ahantu dusangire icyayi tuganire. Ariko iyo tuganira twebwe mu muco wacu, iyo uhaye umuntu gahunda uramubwira ngo tuzasangire kamwe tuganire. Ni ukuvuga ngo bituruka ku muco.”

Yakomeje avuga ko byaba byiza nk’uko abanyarwanda bategura ikigage, imitobe n’inzoga mu bukwe, ngo byaba akarusho bashyizemo n’icyayi mu rwego rwogukomeza kucyongerera agaciro.

Francois Karamaga ukuriye ihuriro rya za Koperative zihinga icyayi mu Rwanda nawe yashimangiye ko abanyarwanda bagomba gushishikarizwa gukunda icyayi bakagikunda cyane ko ngo hari abatazi ko gifite akamaro gakomeye mu buzima bw’umuntu.

Ati “ Icyayi ntabwo ari ikinyobwa cyo kunywa gusa ngo umuntu ashire inyota, ahubwo abantu bakwiye kugikunda, kukinywa bakabigira umuco, bakamenya ko kigira akamaro ku buzima bw’umuntu bakanamenya ko ari umuti.”

Mu gufatanya n’ishyirahamwe ry’umukino w’amagare, FERWACY muri Tour du Rwanda ngo bagamije kumenyekanisha ubwiza bw’icyayi mu baturage aho abasiganwa bazaca hose.

Yamaze impungenge abatekereza ko icyayi cy’u Rwanda gihenze, avuga ko hari ingamba zafashwe z’uko abahinzi b’icyayi bazajya bakigura ku giciro cyo hasi ugereranyije n’abandi.

N’ubwo Abanyarwanda bataramenya ubwiza bw’icyayi cy’u Rwanda, abanyamahanga bo bamaze kumenya ibanya ryacyo cyane ko kiri mu bicuruzwa byoherezwa hanze byinjiza akayabo. Mu gihembwe gishize cy’ihinga ngo icyayi cy’u Rwanda kinjije Miliyoni 88 z’Amadorali y’Amerika.

JPEG - 150.8 kb

Issa Nkurunziza (hagati) niwe ukuriye agashami k’icyayi muri NAEB


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...