AMAKURU

UKWEZI
ubumwe

Igisirikare cya Kongo cyahaye u Rwanda inyeshyamba 71 zirurwanya

Igisirikare cya Kongo cyahaye u Rwanda inyeshyamba 71 zirurwanya
24-12-2019 saa 17:24' | By Nsanzimana Ernest | Yasomwe n'abantu 3152 | Ibitekerezo

Igisirikare cya DR Congo cyatangaje ko ku wa Gatandatu ushize cyashyikirije u Rwanda inyeshyamba 71 ziheruka gufatwa mpiri mu rugamba rukomeje rwo kurwanya imitwe y’inyeshamba muri icyo gihugu.

Kapiteni Dieudonné Kasereka uvugira ingabo za Congo ziri muri urwo rugamba, yabwiye BBC ko abo barwanyi ari abo mu mutwe Conseil national pour la renaissance et la démocratie (CNRD).

CNRD ni umutwe wiyonkoye kuri Forces démocratiques pour la libération du Rwanda (FDLR) ikorera mu burasirazuba bwa Republika ya Demukarasi ya Congo.

Urugamba rwo kurwanya imitwe yitwaje intwaro mu karere ka Kalehe rwatangiye ku wa 26 z’ukwezi kwa 11 mu karere ka Kalehe.

Kapiteni Kasereka avuga ko abo barwanyi bashyikirijwe igisirikare cy’u Rwanda bari kumwe n’abandi 1471 bagizwe n’imiryango yabo.

Avuga ko izo nyeshamba n’imiryango yazo bakiriwe na koloneli Patrick Musho ku ruhande rw’u Rwanda.

Avuga ko intambara zikomeje mu karere ka Mwenga, aho abo barwanyi ba CNRD bari bageze berekeza mu karere ka Fizi.

Akomeza avuga ko mu ntambara zo ku cyumweru mu gace ka Kasika zahuje abasirikare ba Congo n’izo byes samba avuga ko izigera ku 100 zanze gushyira intwaro hasi. Ngo bashoboye kwica umunyamabanga mukuru wa CNRD, bongera bafata mpiri n’abarwanyi bagera ku icumi.

Ku wa 16 z’uku kwezi, ikiciro cya mbere kigizwe n’inyeshamba 291 hamwe n’abana 11 batahukanywe nyuma y’aho batsindiwe n’igisirikare cya Congo mu ntara ya Kivu y’Ubumanuko.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...