konka coffee
KONKA

AMAKURU

UKWEZI
Minijust

‘Imbaraga z’ abadusubiza inyuma zirakendera, izacu ziriyongera’ Minisitiri Sezibera

‘Imbaraga z’ abadusubiza inyuma zirakendera, izacu ziriyongera’ Minisitiri Sezibera
13-04-2019 saa 16:05' | By Nsanzimana Ernest | Yasomwe n'abantu 1227 | Ibitekerezo

Minisitri w’Ububanyi n’Amahanga akaba n’ Umuvugizi wa Guverinoma y’ u Rwanda Amb. Dr. Richard Sezibera avuga ko nta Munyarwanda ukwiye gutinya abahora bifuza ko u Rwanda rwasubira mu 1994.

Sezibera yabitangaje ubwo, Minisiteri y’Ubucuruzi n’Inganda ifatanyije na Minisiteri y’Ububanyi n’Amahanga n’Ubutwererane bibukaga abahoze bakora muri MINICOM bishwe muri Jenoside. MINICOM mbere ya Jenoside yakorewe Abatutsi mu 1994 yitwaga MICROMART.

Yagize ati “U Rwanda rugeze kure, ntabwo dukwiye gutinya abahora bifuza ko twasubira muri 1994, kubera ko imbaraga zabo ziracyendera kandi izacu ziriyongera. Kandi nta kuntu zitakwiyongera kandi imbaraga zo gukora ibyiza. Ibyo biraduha icyizere kandi turafatanya kubaka ejo hazaza kandi heza.”

Abitangaje mu gihe Urwego rw’ Igihugu rw’ Ubugenzacyaha RIB rwatangaje ko mu minsi ine kwibuka ku nshuro ya 25 Jenoside abatutsi bitangiye yari imaze kwakira ibirego 47 by’ ingengabitekerezo ya Jenoside no gupfobya Jenoside yakorewe Abatutsi.

Mu kiganiro Perezida Kagame yatanze ubwo yari I NewYork kuri uyu wa 12 Mata 2019, ku biro by’ Umuryango w’ Abibumbye ahabereye umuhano wo kuzirikana kuri Jenoside yakorewe abatutsi yavuze ko Kwibuka ari uburyo bwiza guhangana n’ ingengabitekerezo ya Jenoside.

Ni mu gihe Olivier Nduhungirehe , Umunyamabanga wa Leta muri Minisiteri y’ Ububanyi n’ amahanga avuga ko kuba hari abakekwaho uruhare muri Jenoside yakorewe abatutsi bakidegembya ari kimwe mu bituma ingengabitekerezo ya Jenoside ikomeza gucengezwa mu rubyiruko. Cyane ngo ibi bikorerwa hanze y’ u Rwanda.

Minisiteri y’Ubucuruzi ivuga ko abantu 26 bari abakozi bayo bishwe mu gihe cya Jenoside yakorewe abatutsi muri Mata 1994. Abagera kuri 18 nibo bimaze kumenyakana ko hari imiryango yabo yarokotse.

Minisiteri y’ Ububanyi n’ amahanga y’ u Rwanda nta mukozi wayo iramenya ko yishwe muri Jenoside, gusa ngo ikomeje ubushakashatsi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...