konka coffee
KONKA

AMAKURU

UKWEZI

Imibare y’abishwe n’ibiza ikomeje kwiyongera, imvura yaraye iguye yahitanye abasaga 15

Imibare y’abishwe n’ibiza ikomeje kwiyongera, imvura yaraye iguye yahitanye abasaga 15
7-05-2018 saa 13:32' | By Vincent Nsengiyumva | Yasomwe n'abantu 6543 | Ibitekerezo 9

Mu gihe Minisiteri ishinzwe kurwanya ibiza iherutse gutangaza imibare y’abantu bamaze guhitanwa n’ibiza biri guterwa n’imvura idasanzwe iri kugwa mu bice hafi ya byose by’igihugu ndetse ikanatangaza ko hari ingamba ziri gufatwa mu rwego rwo kubikumira, mu ijoro ryakeye nabwo mu bice binyuranye nka Karongi na Kigali, imvura yaraye ihitanye abagera kuri 15.

Kuva ku mugoroba wo kuri iki Cyumweru nibwo mu bice hafi ya byose by’igihugu haguiye imvura idasanzwe yagejeje mu gitondo ikigwa.

Amakuru agera ku Kinyamakyuru Ukwezi.com ahamya ko iyi mvura yaraye igwa yahitanye abatari bake, aho mu duce tumwe na tumwe hamaze kubarurwa abagera kuri 15 bamaze kwitaba Imana ndetse ibyangiritse byo bikaba bitagira ingano.

Umunyamabanga Nshingwabikorwa w’Umurenge wa Rwankuba,Kuzabaganwa Vedaste,yatangarije Ukwezi .com ko hamaze kuboneka abantu 10 bishwe n’iyi mvura ariko hakaba hakiri gushakishwa n’abandi ngo kuko amazu yagwiriye abantu ari menshi.

Gitifu Kuzabaganwa Vedaste yavuze ko agace kibasiwe cyane ari agaherereye mu tugari 3 aritwo Rubazo, Gasata ndetse na Bisesero, aho ubuyobozi bw’umurenge ndetse n’abaturage bari mu muganda wo gushakisha abaguye muri iyi mvura yagejeje no mu masaha y’amanywa ikirimo kugwa.

Yanavuze ko ababonetse bakomeretse bagera ku bantu 8, bakaba bajyanwe mu bitaro bitandukanye ndetse ngo hakaba harimo abakomeretse bikomeye cyane.

Umuyobozi w’akagali ka Rubazo Marriam Mukantagwabira yatangarije Ukwezi.com ko muri aka kagari bamaze kubona abagera kuri 7 bamaze kwitaba Imana ndetse ngo imibare ikaba ishobora no kwiyongera.

Yagize ati “ Ubu mu Kagali ka Rubazo tumaze kubona imirambo y’abatu 7, kandi turacyashakisha kuko urebye inzu zagwiriye abantu ni nyinshi.Imisozi yaturutse kure igenda ikubita amazu.”

Hari indi mirenge yaguyemo imvura idasanzwe itanye abantu yo muri aka karere ka Karongo nko muri Mubuga aho bivugwa ko hamaze kuboneka umuntu umwe wamaze kwitaba Imana.

I Nyarugenge, mu murenge wa Kigali Akagari ka Nyabugogo mu mudugudu wa Giti cy’inyoni umukingo waraye ugwiriye inzu irimo abantu umunani (8) batatu bahita bapfa abandi ubu bari kwa muganga.

Vedaste Kuzabaganwa Umunyamabanga Nshingwabikorwa w’uyu murenge yabwiye Umuseke ko kugeza ubu (9AM) bamaze gutaburura imibiri icyenda (9) y’abishwe n’inkangu zaguye ku nzu abaturage baziryamyemo.

Mu minsi ishize nibwo Inama y’Abaminisitiri idasanzwe iheruka guterana ivuga ku kibazo cy’ibiza gusa cyane cyane bishingiye kuri iyi mvura iri kugwa.

Guhera tariki 01 Mutarama 2018 kugeza tariki 30 Mata 2018 ibi biza byari bimaze guhitana abantu 183, iyi mibare mishya y’i Karongi na Kigali ishobora gutuma basatira 200 bamaze guhitanwa n’izi nkangu.

Abaturage bo mu tugari twa Rubazo, Bisesero na Gasata muri Rwankuba bazindukiye mu muganda wo gushakisha bagenzi babo bagwiriwe n’amazu kubera inkangu

Imisozi yaramanutse itwara amazu menshi


INKURU ZA :
Tanga Igitekerezo
Ibitekerezo 9
gakwege Kuya 8-05-2018

Wowe Gakuba ibitekerezo byawe ni ibyawe nyine.Imana idutije ubuzi uzabona neza ingaruka za kiriya kemezo cyo gufunga insengero

gakuba Kuya 7-05-2018

wowe uravuga gusa ibingana, nubwenge bwawe insengero ni biza nibintu bibiri bitandukanye kandi nazo ibiza birazisenya ndetse harimo nabo inkuba zakunise bari murusengero ndetse izindi hafi ya zose uretse izi zakajagari zikubababaje zitujuje ibisabwa insengero nizo ziciwe mo abantu benshi izo nsengero rero imyaka zamaze ngo zirabigisha kwari guta inyuma ya huye wizijangisha rero agakiza kavuye mo turakazi!!!

-xxxx- Kuya 7-05-2018

banyamakuru nimugere no muduce dutandukanye twa kigali murebe abari mukaga mubatabarize! batsinda,gatsata, kimisagara,nyakabnda,rwezamenyo, amazu aragwa umubirizo

cacana Kuya 7-05-2018

sha gakwe ibyo uvuze nibyo kbsa ntabwo bafunga insengero kuriya ngo Imana itekuduteza ibiza umudamararo niwo turikuzira

Gakwege Kuya 7-05-2018

Ntabwo abantu nagisenga insengero zirafunze ahubwo ntakaraza

Gakwege Kuya 7-05-2018

Ntabwo abantu nagisenga insengero zirafunze ahubwo ntakaraza

Gakwege Kuya 7-05-2018

Ntabwo abantu nagisenga insengero zirafunze ahubwo ntakaraza

Gakwege Kuya 7-05-2018

Ntabwo abantu nagisenga insengero zirafunze ahubwo ntakaraza

Gakwege Kuya 7-05-2018

Ntabwo abantu nagisenga insengero zirafunze ahubwo ntakaraza

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...