AMAKURU

UKWEZI

Impano n’ubumenyi dufite bitsikamirwa no kutagira ibikoresho bigezweho - Abanyeshiri bo muri BBFS

Impano n’ubumenyi dufite bitsikamirwa no kutagira ibikoresho bigezweho - Abanyeshiri bo muri BBFS
29-11-2018 saa 09:51' | By Vincent Nsengiyumva | Yasomwe n'abantu 1369 | Ibitekerezo 2

Abanyeshuri biga mu ishuri ribanza rya Busy Bees Foundation School riherereye mu Murenge wa Kinyinya, mu Karere ka Gasabo mu Mujyi wa Kigari , bagaragaza ubumenyi n’impano zidasanzwe bafite mu gukora ibintu bitandukanye bifashishije ikoranabuhanga, gusa bakaba babangamirwa no kutabona ibikoresho bigezweho.

Ni abanyeshuri bo mu ishuri ribanza, ariko iyo urebye ibyo bakora n’uko babisobanura, bigaragaza ubumenyi n’impano zidasanzwe bibitseho.

Aba bana bari mu myaka ya kane n’iya Gatanu mu ishuri ribanza rya Busy Bees Foundation, bakoze ibintu bitandukanye birimo imodoka igenda, ipompe y’amazi ishobora kuhira imyaka n’ibindi bitandukanye, gusa ariko bikaba bikorwa mu bikoresho biciriritse birimo ibikarito n’ibindi biborohera kubibona.

Uwitwa Mugisha David wiga mu mwaka wa Gatanu, wakoze imodoka, avuga ko yifashishije ibikarito n’utundi dukoresho duciriritse, gusa ngo bagize ubushobozi bwo kubona ibikorresho bigezweho bya pulasitike bakora ibyo bashyira ku isoko nabo bakabona amafaranga.

Yagize ati “ Mu bintu by’ubukorikori twakoze, harimo imodoka kandi igenda. Twakoresheje ibikarito, moteri n’amabuye asanzwe ajya muri radio. Imodoka yacu irakora, iyo ukanze ku kantu twashyize ku ruhande iragenda.”

Yunzemo ati “ Ikibazo tugira ni uko nta bikoresho bigezweho tubona. Tubibonye twajya dukora nka bya bikinisho abantu bakura mu mahanga bakabizana tukabigura. Turifuza ibikoresho kugira ngo tubashe gukora n’ibindi byinshi birenze ibi, maze tujye dukora ibintu umuntu yabona akabyishimira.

Uwitwa Iriza Christella wiga mu mwaka wa Gatanu, avuga ko we na bagenzi be bakoze ipompo ishobora kuhira ibihingwa, gusa ngo imbogamizi ikaba ikiri ku kugira ibikoresho bifatika.

Yagize ati “ Twiga gukora ibintu bitandukanye twifashishije ikoranabuhanga. Duhura n’imbogamizi zo kutagira ibikoresho bigezweho. Urabona ko dukoresha ibikarito, kandi bipfa vuba. Baduhaye ibikoresho byiza nka za Plastic byaramba kandi bikaba byanatugirira akamaro.”

Akomeza avuga ko igitekerezo cyo gukora ipompo yo kuhira imyaka cyaturutse ku kuba babona abantu bagorwa no kuhira, batekereza ikintu cyaborohereza, aribwo batekereje iyi mpompo ishobora gukurura amazi akagezwa aho imyaka ihinze.

Umuyobozi w’ishuri rya Busy Bees Foundation, Furaha Berthe yemeza ko muri iri shuri bagenda babona abana bafite impano zitandukanye mu kuvumbura bakoresheje ikoranabuhanga, gusa nawe akemeza ko bahura n’imbohgamizi zo kutabona ibikoresho bihagije.

Avuga ko mu bushobozi bafite bukeya, bagerageza kwigisha abana gushyira mu bikorwa ibyo baba basomye mu bitabo akaba ari naho abana bigaragariza ko bifitemo impano yo kuba bakora ibintu bifatika ariko bakazitirwa no kutabona ibikoresho bigezweho.

Bakoze ipompo yuhira imyaka

Ni imodoka yakozwe mu bikarito, ariko iragenda

Bakora ibintu bitandukanye bifashishije ikoranabuhanga


INKURU ZA :
Tanga Igitekerezo
Ibitekerezo 2
nayihayiki François Kuya 29-11-2018

ntacyo batashobora bakigishinjwe.

yari rebero ndungutse Kuya 29-11-2018

nibwizako. a man a. nkabo. kozanja. bazana. ibintu. nkibwope. saw a. umusimwiza. 2

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...