konka coffee
KONKA

AMAKURU

UKWEZI
Minijust

Imvura idasanzwe yangije Sitade ya Muhanga, ngo nta gikozwe ahasigaye hateza impanuka

Imvura idasanzwe yangije Sitade ya Muhanga, ngo nta gikozwe ahasigaye hateza impanuka
30-01-2019 saa 20:12' | By Nsanzimana Ernest | Yasomwe n'abantu 2779 | Ibitekerezo

Imvura yarimo umuyaga yaguye mu karere ka Muhanga isenya urukuta rwa Sitade ya Muhanga rureshya na metero nka 40, abahaturiye bavuga ko niba nta gikozwe mu maguru mashya n’ urukuta rusigaye ruzagwa.

Iyi mvura yaguye kuva saa munani kugeza saa kumi z’ amanywa kuri uyu wa 30 Mutarama 2019.

Pasteur Musabyimana Theoneste ufite itorero risengera mu nyubako y’ iyi stade wanabonye urukuta rwayo rugwa yavuze ko ahhangayikishijwe ni isenyuka ry’uru rukuta, ndetse ko nihatagira igikorwa n’ ibindi bikuta by’iyi stade bivugururwe bishobora kurangira nabyo byaguye igasigara ntarukuta narumwe ifite.

Perezida wa AS Muhanga Ndayisaba Jean Damascene yavuze ko iyi sitade ikeneye abahanga mu myubakire kandi bigakorwa vuba mu rwego rwo kwirinda impanuka.

Yagize ati " Nanjye ubwanjye nabonye ahandi naho harangiritse ku buryo usunitse gato byagwa. Abahanga mu by’ imyubakire bagomba kuza,bakareba urukuta rugasanwa vuba kuko murabona iyo hano habaye umukino hari abantu burira bakicara hejuru rushobora guhirima abantu bakaba bakomereka"

Ndayisaba avuga ko iki gikuta gisenyutse habura igihe gito ngo ngo iyi sitade iberemo imikino yo kwishyura ya Shampiyona

Yavuze ko mu gihe bagitegereje ko ubuyobozi bw’Akarere busana ahasenyutse ngo bazaba bakinzeho ihema.

Umuyobozi wungirije ushinzwe Iterambere ry’ubukungu mu Karere ka Muhanga Kayiranga Innocent avuga ko hari amafaranga bashyize mu ngengo y’Imari yo gusana ibikorwaremezo byangiritse bityo gusana uru rukuta bizakorwa vuba.


Stade ya Muhanga yubatswe mu 1988. Ubuyobozi bw’Akarere ka Muhanga buvuga ko hari bimwe mu bice byayo bwasanwe mbere gato y’amatora y’Umukuru w’igihugu ya 2017.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...