AMAKURU

UKWEZI

Inzozi za Ingabire, umukobwa w’umubaji wifuza kuzashinga uruganda

Inzozi za Ingabire, umukobwa w’umubaji wifuza kuzashinga uruganda
22-09-2018 saa 11:31' | By Vincent Nsengiyumva | Yasomwe n'abantu 2961 | Ibitekerezo 3

Ingabire Devothe w’imyaka 23 ukorera akazi ko kubaza ibikoresho bitandukanye bigezweho mu ishuri ryigisha ububaji rya Rubengera TSS mu Karere ka Karongi, avuga ko byamuteje imbere mu buryo bufatika, akaba anafite inzozi zo gushinga Kampani ye mu bihe biri imbere.

Ingabire avuga ko ububaji ariwo mwuga mwiza umuntu yinjiramo mu gihe gito agatangira kuwubonamo inyungu.

Ingabire Devothe w’imyaka 23 avuga ko akirangiza amashuri yisumbuye yabonye ikibazo cy’ubushomeri buri mu rubyiruko, yigira inama yo kujya kwiga umwuga nyuma yo kubona ko abawize batajya babura akazi.

Mu mwaka wa 2015 nibwo Ingabire yarangije amashuri yisumbuye, ahita ajya gukomeza kwiga ububaji mu ishuri rya Rubengera TSS aho yize imyaka itatu.

Muri 2017 nibwo Ingabire yari arangije muri iri shuri, ahita ahabwamo akazi ubu akaba amaze igihe kigera ku mwaka akoramo kandi ahembwa neza.

Yagize ati “Natangiye kubyiga 2015 kugeza 2017. Narangije kwiga mpita mbona akazi muri iki kigo ari nacyo nizemo. Ubu ndakora kandi mpembwa neza.”

Akomeza avuga ko amaze kugera kuri byinshi mu gihe cy’umwaka umwe amaze akora, birimo ibikoresho by’ububaji amaze kwigurira ndetse n’ubumenyi agenda ahungukira umunsi ku munsi.

Ati “Ubu ibikoresho by’ibanze umubaji akenera namaze kubibona, narabyiguriye kandi n’ubumenyi bwanjye bwariyongereye. Ubu mfite ubushobozi bwo kuba nakora ikiraka cyose nabona.”

Ingabire Devothe afite inzozi zo kuzaba umubajii ukora ibikoresho byiza bigezweho ku buryo aho kugira ngo igihugu kijye gitumiza ibikoresho mu mahanga, ahubwo amahanga ajye aza kureba ibikoresho byakorewe mu Rwanda.Anavuga ko yifuza ko mu bihe biri imbere yaba afite Kompanyi ye ibaza ibikoresho bigezweho, cyane ko amafaranga ahemmbwa ayaguramo ibikoresho yazatangirana.

Akomeza asaba abakobwa bagenzi be kwitinyuka, bakitabira amasomo y’imyuga ngo kuko nabo bafite imbaraga kandi barashoboye.

Monseur Niyonsenga Marie Louise uyobora ishuri rya Rubengera TSS ryigisha ububaji, ari naryo Ingabire yizemo akaba anarikoramo, avuga ko iri shuri ryashinzwe muri 2013 n’umuryango w’ababikira hagamijwe gufasha urubyiruko rwa Karongi.

Ishuri rya Rubengera TSS ryigisha ububaji ryigamo abanyeshuri 58, barimo abakobwa 14 n’abahungu 44, aho abenshi bahakomereza bararangije ikiciro rusange cy’amashuri yisumbuye.

Ingabire avuga ko afite inzozi zo kuzashinga kampani ikomeye ibaza

Ingabire asaba abakobwa bagenzzi be kwitinyuka nabo bakitabira amashuri yigisha imyuga

Atunganya ibikoresho bitandukanye kandi byiza

Iri niryo shuri ryigisha ububaji


INKURU ZA :
Tanga Igitekerezo
Ibitekerezo 3
Rwibutso kagoyera christian Kuya 4-12-2018

ni byo koko biratungana iyo wize ububaji, kandi iyo company yafasha nabandi kubona akazi

muhi Kuya 24-09-2018

nakomerezaho uwomukobwa yitrze imbere twubake urwanda twifuza

shema Kuya 23-09-2018

Nakomereze aho nabandi barebereho

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...