konka coffee
KONKA

AMAKURU

UKWEZI
Minijust

Inzu zo mu mudugudu wa Vision City zagabanyirijwe ibiciro ku kigero cya 60%

Inzu zo mu mudugudu wa Vision City zagabanyirijwe ibiciro ku kigero cya 60%
23-01-2019 saa 09:59' | By Vincent Nsengiyumva | Yasomwe n'abantu 2683 | Ibitekerezo

Ubuyobozi bw’Ikigo Ultimate Developers Limited (UDL), gikurikirana umushinga w’umudugudu w’icyitegererezo wa Gacuriro mu Karere ka Gasabo uzwi nka Vision City, buvuga ko bufitemo inzu 304 zagabanyirijwe ibiciro ku kigero cya 60% mu rwego rwo guha amahirwe abifuza kuba mu nzu zigezweho.

Ni amahirwe adasanzwe yagenewe abanyamuryango b’Ikigo cy’igihugu cy’Ubwiteganyirize, RSSB, baba abikorera ku giti cyabo, abakorera leta n’abakorera abandi bahoranye inzozi zo gutura mu nzu zigezweho (apartements).

Izi nzu 304 zagabanyijwe ibiciro zigiye zirutanwa aho intoya ifite ibyumba bibiri igakurikirwa n’iya bitatu inini muri zo ikaba ifite ibyumba bine.

Umuyobozi w’Agateganyo w’Ikigo Ultimate Developers Limited (UDL) gikurikirana umushinga wa Vision City, Ntamitondero Alice, avuga ko aya mahirwe atazahoraho kuko azarangira ku wa 31 Mutarama 2019 maze hatangazwe ababisabye bagize amahirwe yo kwegukana zimwe muri izi nzu.

Ntamitondero yakomeje avuga ko izi nzu zubatswe mu cyiciro cya mbere ari 504 ariko 200 muri zikaba zaramaze kugurwa.

Yagize ati “ Izihari ubu ni Apartements 304, zagabanyirijwe ibiciro kugera kuri 60% kugira ngo buri wese ubyifuza abashe kuyigura. Buri muntu wese usanzwe ari umunyamuryango wa RSSB, yaba umukozi wa leta cyangwa uwikorera ku giti cye yemerewe kuba yakwiguriramo inzu. ”

Akomeza avuga ko igabanywa ry’ibiciro kugeza kuri 60% bitazabateza igihombo ngo kuko bagabanyije ku nyungu kugira ngo bahe amahirwe Abanyarwanda bifuza gutura no gushora imari muri izi nzu zigezweho.

Ushinzwe umudugudu wa Vision City, Nyamurangwa Emmanuel avuga ko bahisemo kubaka ‘apartments’ kubera uburyo babona imiturire mu Rwanda igenda itera imbere aho abantu benshi bamaze gusobanukirwa ko gutura neza bidasaba kuba utuye mu nzu yubatse yonyine.

Yakomeje avuga ko izi nzu atari iz’abanyamahanga nk’uko bikunze kuvugwa na bamwe mu bantu batarabisobanukirwa ashimangira ko ahubwo umubare munani w’abamaze kuziguraho ari Abanyarwanda.

Kugeza ubu inzu y’ibyumba bibiri izajya igurishwa miliyoni 63,000,000 Frw, ivuye ku giciro gisanzwe cya miliyoni 108 Frw. Iy’ibyumba bitatu izajya igurishwa miliyoni 94Frw mu gihe yagurishwaga miliyoni 163, naho iy’ibyumba bine igurishwe miliyoni 108Frw mu gihe yagurishwaga miliyoni 187Frw.

Ubuyobozi bwa UDL bavuga ko hashyizweho uburyo bworoshye bwo kugura izi nzu binyuze mu nguzanyo zihariye zitangwa na BK ndetse na BPR, ku nyungu ya 11% gusa ishobora kwishyurwa mu myaka 20.

Igiciro cy’izi nzu cyagabanyijweho 60%


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...